Sanju Samson: சிஎஸ்கே வரலாற்றில் புதிய சரித்திரம்! ஒரே சீசனில் 2 சதங்கள் - சேட்டா செய்த சம்பவம்

இந்த சீசனில் சஞ்சு சாம்சன் இதுவரை 247 ரன்கள் குவித்து ரன் வேட்டையில் முன்னிலையில் உள்ளார். சிஎஸ்கே அணியின்  மிகப்பெரிய பலமாக மாறியுள்ள சஞ்சு சாம்சன்

சஞ்சு சாம்சன்

Source : x.com/IPL

ஐபிஎல் 2026 சீசனில் சென்னை சூப்பர் கிங்ஸ் (CSK) அணியின் 'புதிய ராஜா'வாக உருவெடுத்துள்ளார் சஞ்சு சாம்சன். நேற்று மும்பை இந்தியன்ஸ் அணிக்கு எதிராக நடைபெற்ற விறுவிறுப்பான ஆட்டத்தில், சஞ்சு சாம்சன் தனது அபாரமான சதத்தைப் பதிவு செய்து சிஎஸ்கே ரசிகர்களை குஷியில் ஆழ்த்தியுள்ளார்.

ஷேன் வாட்சனுக்குப் பிறகு சஞ்சு தான்!

சிஎஸ்கே அணிக்காக ஒரே ஐபிஎல் சீசனில் இரண்டு சதங்களை விளாசிய வீரர் என்ற பெருமையை ஆஸ்திரேலிய ஜாம்பவான் ஷேன் வாட்சன் (2018) மட்டுமே இதுவரை வைத்திருந்தார். அந்த 8 ஆண்டு கால சாதனையை தற்போது சஞ்சு சாம்சன் சமன் செய்துள்ளார்.

சஞ்சு சாம்சனின் 'டபுள் செஞ்சுரி' மேஜிக்:

1. முதல் சதம்: ஏப்ரல் 11 அன்று டெல்லி கேப்பிடல்ஸ் அணிக்கு எதிராக தனது கிளாசிக் பேட்டிங்கை வெளிப்படுத்தினார்.

2. இரண்டாம் சதம்: நேற்று (ஏப்ரல் 23) மும்பை வான்கடே மைதானத்தில் மும்பை இந்தியன்ஸ் பந்துவீச்சை நாலாபுறமும் சிதறடித்து 54 பந்துகளில் 101* ரன்கள் எடுத்து சாதனை படைத்தார்.

ஆரஞ்சு கேப் ரேஸில் சஞ்சு சாம்சன்!

இந்த சீசனில் சஞ்சு சாம்சன் இதுவரை 247 ரன்கள் குவித்து ரன் வேட்டையில் முன்னிலையில் உள்ளார். சிஎஸ்கே அணியின்  மிகப்பெரிய பலமாக மாறியுள்ள சஞ்சு சாம்சன்

இந்தியன் பிரீமியர் லீக்கில் சதங்கள் அடித்ததில் தற்போது விராட் கோலி , கிறிஸ் கெய்ல் மற்றும் ஜோஸ் பட்லர் மட்டுமே அவரை விட முன்னிலையில் உள்ளனர். விராட் எட்டு சதங்களும், பட்லர் ஏழு சதங்களும், கெய்ல் ஒரு சதமும் அடித்துள்ளனர். கே.எல். ராகுல் மற்றும் சஞ்சு சாம்சன் தலா ஐந்து சதங்கள் அடித்துள்ளனர். மும்பைக்கு எதிராக சாம்சன் 101 ரன்கள் எடுத்தார். அவர் இன்னும் மூன்று ரன்கள் எடுத்திருந்தால், தனது ஐபிஎல் வாழ்க்கையில் 5,000 ரன்கள் என்ற மைல்கல்லை எட்டியிருப்பார்.