MLC 2023: நட்சத்திர வீரர்களின் அசத்தல் ஆட்டம்: ஐபிஎல் போல் உலகம் முழுவதும் பிரபலமாக்கும் எம்எல்சி... முழு விபரம்
MLC 2023: அசத்தலான ஆட்டத்தை வெளிப்படுத்தும் ஐபிஎல் வீரர்கள், அட்டவணை பட்டியலில் அடுத்தடுத்து மாறும் அணிகள், அதிக ரன்கள் எடுத்த வீரர்களின் பட்டியல் என்று அனைத்தும் இதோ உங்கள் முன்.
மேஜர் லீக் கிரிக்கெட்(எம்.எல்.சி) என்ற கிரிக்கெட் தொடர் அமெரிக்காவில் நடந்து வருகிறது. இந்த போட்டி கடந்த ஜூலை 12 ஆம் தேதி தொடங்கி இந்த மாதம் 30 ஆம் தேதி வரை நடக்க உள்ளது. இதில் மொத்தம் 6 அணிகள் பங்கேற்கின்றன. இதுவரை மொத்தம் 13 போட்டிகள் நடைபெற்று உள்ளன. இதில் டெக்சாஸ் சூப்பர் கிங்ஸ் அணியே தற்போது வரை ஆதிக்கம் செலுத்தி வருகிறது.
டெக்சாஸ் சூப்பர் கிங்ஸ் 3 போட்டிகளில் விளையாடி 2 வெற்றியை பெற்று முதல் இடத்திலும், 2 போட்டிகளில் விளையாடிய சியாடல் ஓர்காஸ் இரண்டிலும் வெற்றிப்பெற்று இரண்டாவது இடத்திலும், 3 போட்டிகளில் விளையாடிய சான் பிரான்சிஸ்கோ யூனிகார்ன்ஸ் இரண்டு போட்டிகளில் வெற்றி பெற்று 3வது இடத்திலும் உள்ளது. லாஸ் ஏஞ்சல்ஸ் நைட் ரைடர்ஸ் இதுவரை நடந்த 3 போட்டிகளிலும் தோல்வியடைந்து புள்ளிப் பட்டியலில் கடைசி இடத்தில் உள்ளது.
புள்ளிப் பட்டியல்
| அணிகள் | போட்டிகள் | வெற்றி | தோல்வி | புள்ளி | என்.ஆர்.ஆர் |
| | 3 | 2 | 1 | 4 | +1.333 |
| | 2 | 2 | 0 | 4 | +1.043 |
 சான் பிரான்சிஸ்கோ யூனிகார்ன்ஸ் | 3 | 2 | 1 | 4 | +0.133 |
 எம் ஐ நியூ யார்க் | 3 | 1 | 2 | 2 | +1.100 |
| | 2 | 1 | 1 | 2 | -0.014 |
| | 3 | 0 | 3 | 0 | -3.250 |
அதிக ரன்கள் எடுத்த வீரர்கள்
மூன்று போட்டிகளில் விளையாடி 142 ரன்கள் எடுத்து முதல் இடத்தில் உள்ளார் சான் பிரான்சிஸ்கோ அணி வீரர் கோரி ஆண்டர்சன். டெவோன் கான்வேயும் மூன்று போட்டிகளில் விளையாடி 129 ரன்களுடன் இரண்டாம் இடத்திலும், 3 போட்டிகளில் விளையாடிய டிம் டேவிட் 125 ரன்களுடன் மூன்றாம் இடத்தில் உள்ளனர்.
சிறந்த பேட்டிங் ஸ்ட்ரைக் ரேட்ஸ்
டெக்சாஸ் சூப்பர் கிங்ஸ் அணி வீரர் பிராவோ இதுவரை மூன்று போட்டிகளில் விளையாடி 197.95 ஸ்ட்ரைக் ரேட்டுடன் முதல் இடத்தில் உள்ளார். டிம் டேவிட்டும் மூன்று போடிகளில் விளையாடி 183.82 ஸ்ட்ரைக் ரேட்டுடன் இரண்டாம் இடத்திலும், 3 போட்டிகளில் விளையாடிய மேத்யூ வேட் 176.19 ஸ்ட்ரைக் ரேட்டுடன் மூன்றாவது இடத்தில் உள்ளனர்.
அதிக விக்கெட் எடுத்த வீரர்கள்
டெக்சாஸ் சூப்பர் கிங்ஸ் அணி முகமது மொஹ்சின் இதுவரை மூன்று போட்டிகளில் விளையாடி 7 விக்கெட்டுகளை எடுத்து முதல் இடத்தில் உள்ளார். ட்ரெண்ட் போல்டும் மூன்று போடிகளில் விளையாடி 6 விக்கெட்டுகளுடன் இரண்டாம் இடத்திலும், காகிசோ ரபாடாவும் 3 போட்டிகளில் விளையாடி 6 விக்கெட்டுகளை எடுத்து ஆவரேஜ் அடிப்படையில் மூன்றாம் இடத்தில் உள்ளனர்.
பெஸ்ட் பௌலிங் எகானமி
மூன்று போட்டிகளில் விளையாடி 6.5 எகானமியுடன் முதல் இடத்தில் சுனில் நரைன் உள்ளார் . 6.55 எகானமியுடன் முகமது மொஹ்சின் இரண்டாம் இடத்திலும், காகிசோ ரபாடா 7.09 எகானமியுடன் மூன்றாம் இடத்திலும் உள்ளனர்.
தலைப்பு செய்திகள்
ட்ரெண்டிங் செய்திகள்
