AUS vs ZIM: கங்காருவை கதம் செய்த ஜிம்பாப்வே... டி20 உலகக்கோப்பை 2026-ல் முதல் அப்செட்.. ஆஸி அணிக்கு முதல் தோல்வி
கொழும்புவில் நடந்த இந்த போட்டியில் ஜிம்பாப்வே அணி நிர்ணயித்த 169 இலக்கை எட்ட முடியாமல் 146 ஆல் அவுட்டானது ஆஸ்திரேலிய அணி.
டி20 உலகக்கோப்பை 2026-ல் ஜிம்பாப்வே அணிக்கு எதிரான போட்டியில் ஆஸ்திரேலிய அணி அதிர்ச்சி தோல்வி அடைந்தது, கொழும்புவில் நடந்த இந்த போட்டியில் ஜிம்பாப்வே அணி நிர்ணயித்த 170 இலக்கை எட்ட முடியாமல் 146 ஆல் அவுட்டானது ஆஸ்திரேலிய அணி.
டி20 உலகக்கோப்பை:
இந்தியா மற்றும் இலங்கையில் டி20 உலகக்கோப்பை தொடர் விறுவிறுப்பாக நடந்து வருகிறது, 20 அணிகள் நான்கு பிரிவுகளாக பிரிக்கப்பட்டுள்ளது, இந்த முறை அசோசியட் அணிகள் பெரிய அணிகளுக்கு மிகப்பெரிய தலைவலியாக உள்ளது, நேபாள், அமெரிக்கா, நெதர்லாந்து ஆகிய கடைசி வரை போராடி தோல்வியடைந்தது. இந்த நிலையில் இன்று இலங்கையின் கொழும்புவில் நடந்த போட்டியில் ஆஸ்திரேலியா மற்றும் ஜிம்பாப்வே அணிகள் மோதின.
ஜிம்பாப்வே 169:
இந்த போட்டியில் டாஸ் வென்ற ஜிம்பாப்வே அணி முதலில் பேட்டிங் செய்தது,அதன் படி ஜிம்பாப்வே அணியில் பிரையன் பென்னட் மற்றும் மருமாணி ஆகியோர் தொடக்க ஆட்டக்காரர்களாக களமிறங்கினார். இருவரும் நிதானமாக ஆடி முதல் விக்கெட்டுக்கு 61 ரன்கள் சேர்த்தனர். இதன் பின் ரையன் பர்ல் ஜோடி சேர்ந்து அணியின் ஸ்கோரை சீராக உயர்த்தினர், 35 ரன்கள் எடுத்த நிலையில் ரையன் பர்ல் ஆட்டமிழந்தார். இதன் பின் களமிறங்கிய கேப்டன் சிக்கந்தர் ராசா 13 பந்துகளில் 25 ரன்கள் அடித்தார். 20 ஓவர்கள் முடிவில் ஜிம்பாப்வே அணி 2 விக்கெட் இழப்புக்கு 169 ரன்கள் எடுத்தது. ஆஸ்திரேலிய அணியில் ஸ்டோய்னிஸ் மற்றும் கேமரூன் கிரீன் ஆகியோர் தலா ஒரு விக்கெட் எடுத்தனர்.
ஆஸ்திரேலிய தோல்வி:
170 ரன்கள் என்கிற இலக்குடன் களமிறங்கிய ஆஸ்திரேலிய அணிக்கு ஜிம்பாப்வே அணியின் வேகப்பந்துவீச்சாளர்கள் பிராட் எவன்ஸ் மற்றும் பிளெஸ்ஸிங் முசரபானி பவர்பிளேவிலேயே அதிர்ச்சி அளித்தனர். 29 ரன்கள் எடுப்பதற்குள் ஆஸ்திரேலிய அணி 4 விக்கெட்டுகளை இழந்து தடுமாறியது. இதில் கேமரூன் கிரீன் மற்றும் டிம் டேவிட் ஆகியோர் டக் அவுட்டாகினர். இதன் பின்னர் மேத் ரென்ஷா மற்றும் மேக்ஸ்வெல் அணியை சரிவிலிருந்து மீட்க போரடினர். அணியின் ஸ்கோர் 105 ஆக உயர்ந்த போது மேக்ஸ்வெல் 31 ரன்களில் ஆட்டமிழந்தார். இதன் பின் ரென்ஷா ஒரு பக்கம் போராட மற்ற வீரர்கள் சொற்ப ரன்களில் ஆட்டமிழந்தனர்.
இறுதியில் ஆஸ்திரேலிய அணி 19.3 ஓவர்களில் 146 ரன்கள் மட்டுமே எடுத்து அனைத்து விக்கெட்டுகளையும் இழந்தது, ஆஸ்திரேலிய அணிக்காக கடைசிவரை போராடிய ரென்ஷா 65 ரன்களில் ஆட்டமிழந்தார். ஜிம்பாப்வே அணியில் முசர்பாணி 4 விக்கெட்டுகளை வீழ்த்தி ஆட்ட நாயகன் விருதை பெற்றார்.
ஜிம்பாப்வே அணி ஆஸ்திரேலிய அணிக்கு எதிராக இதுவரை இரண்டு முறை டி20 உலகக்கோப்பை போட்டிகளில் விளையாடி அதில் 2 முறையும் வெற்றி பெற்றுள்ளது, இதற்கு முன்னர் 2007 ஆம் ஆண்டு தென் ஆப்பிரிக்காவில் நடந்த முதலாவது டி20 உலகக்கோப்பை போட்டியில் ரிக்கி பாண்டிங் தலைமையிலான அணியை ஜிம்பாப்வே அணி வீழ்த்தியிருந்தது.
தலைப்பு செய்திகள்
ட்ரெண்டிங் செய்திகள்
