‛என்னை யாரும் தேடாதீங்க...’ சியர்ஸ்... சொல்லி புறப்பட்ட மேக்ஸ்வெல்!

மேக்ஸ்வெல் மட்டுமல்லாது  ஒட்டுமொத்த ஆஸ்திரேலிய அணி வீரர்களும், இந்த வெற்றியை கொண்டாடித் தீர்க்க முடிவு செய்து, பார்ட்டி மூடிற்கு சென்றுவிட்டதாகவே தெரிகிறது.

உலகக்கோப்பை_உடன்_மேக்ஸ்வெல்

ஐசிசி டி20 உலகக்கோப்பை கிரிக்கெட் போட்டியில் நேற்று நடந்த இறுதிப் போட்டியில் நியூசிலாந்து அணியை 8 விக்கெட் வித்தியாசத்தில் வீழ்த்தி, ஆஸ்திரேலிய அணி முதன்முறையாக டி20 உலகக்கோப்பையை கைப்பற்றியது. சமீபமாக மோசமான ஃபார்மில் இருந்த அந்த அணி, திடீர் விஸ்வரூபம் எடுத்து இந்த வெற்றியை பதிவு செய்துள்ளது. 

முதலில் பேட் செய்த நியூசிலாந்து சிறப்பாக விளையாடி 4 விக்கெட் இழப்பிற்கு 172 ரன்கள் எடுத்தது. கடினமான இலக்குடன் கலமிறங்கிய ஆஸ்திரேலிய அணி, 2 விக்கெட்டுகளை மட்டும் இழந்து, கடைசி 7 பந்துகள் எஞ்சியிருந்த நிலையில் இலக்கை எட்டி வெற்றி பெற்றது. இந்த வெற்றி மூலம், ஆஸ்திரேலிய அணி ஐசிசி டி20 யின் முதல் சாம்பியன் பட்டத்தை கைப்பற்றியது.

கடைசி வரை களத்தில் நின்று அணிக்கு வெற்றியை தேடித்தந்த வகையில் 77 ரன்கள் எடுத்த மிட்சல் மார்ஸ் மற்றும் அதிரடி காட்டி 18 பந்தில் 28 ரன்கள் எடுத்த மேக்ஸ்வெல் ஆகியோர், இறுதிவரை ஆட்டமிழக்காமல் அணியை வெற்றிப்பாதைக்கு அழைத்துச் சென்றனர். 

பங்களாதேஷ் உள்ளிட்ட கத்துக்குட்டி அணிகளிடம் தொடர் தோல்விகளை தழுவிய ஆஸ்திரேலியா, தனது பழைய ஃபார்மிற்கு திரும்பியிருப்பதால், ஒட்டுமொத்த ஆஸ்திரேலிய ரசிகர்களும் இந்த வெற்றியை கொண்டாடி தீர்க்கின்றனர். இது ஒருபுறமிருக்க, ஆஸ்திரேலிய வீரர்களே இந்த வெற்றியை நம்ப முடியாமல் கொண்டாடிக் கொண்டிருக்கின்றனர்.

அணியை வெற்றி பெறச் செய்தவர்களில் ஒருவரான கிலான் மேக்ஸ்வெல், ‛அடுத்த சில நாட்களுக்கு தான் தொடர்பு எல்லைக்கு அப்பால் இருக்கப் போவதாகவும்... சியர்ஸ்...’ என்றும், தன் மகிழ்ச்சியை ட்விட்டரில் பதிவிட்டுள்ளார். கடந்த கால கசப்பான அனுபவங்களை குடித்து தீர்க்க அவர் முடிவு செய்துவிட்டார், என பலரும் அவரது பதிவில் பதில் பதிவு போட்டு, அவரை உற்சாகப்படுத்தி வருகின்றனர். 

Im unreachable the next few days… cheers 🏆🥇

— Glenn Maxwell (@Gmaxi_32) November 14, 2021

 

மேக்ஸ்வெல் மட்டுமல்லாது  ஒட்டுமொத்த ஆஸ்திரேலிய அணி வீரர்களும், இந்த வெற்றியை கொண்டாடித் தீர்க்க முடிவு செய்து, பார்ட்டி மூடிற்கு சென்றுவிட்டதாகவே தெரிகிறது. நீண்ட... இடைவெளிக்குப் பின் கிடைத்த வெற்றியல்லவா... கொண்டாடத் தானே தோன்றும்! 

ABP நாடு செய்திகளை Google News -ல் பின் தொடர இங்கே கிளிக் செய்யவும்

 

ABP நாடு செய்திகளை சமூக வலைத்தள பக்கங்களிலும் பின் தொடரலாம்

 

பேஸ்புக் பக்கத்தில் தொடர

 

ட்விட்டர் பக்கத்தில் தொடர

 

யூடிபில் வீடியோக்களை காண