IND vs WI: வெற்றியை தொடரும் முனைப்பில் இந்தியா..வெஸ்ட் இண்டீஸுக்கு எதிரான முதல் ஒருநாள் போட்டி இன்று தொடக்கம்!

டெஸ்ட் தொடரை போன்று ஒருநாள் தொடரிலும் வெற்றியுடன் தொடக்க வேண்டும் என இந்திய அணி முயற்சிக்கும். 

இந்தியா vs வெஸ்ட் இண்டீஸ் ( Image Source : Getty Images )

இந்தியா மற்றும் வெஸ்ட் இண்டீஸ் அணிகளுக்கு இடையிலான முதல் ஒருநாள் போட்டி இன்று நடைபெறுகிறது. இந்த போட்டியானது இந்திய நேரப்படி இரவு 7 மணிக்கு தொடங்குகிறது. இரு  அணிகளும் இன்று பார்படாஸில் உள்ள கென்சிங்டன் ஓவல் மைதானத்தில் மோதுகின்றன. 

டெஸ்ட் தொடரை போன்று ஒருநாள் தொடரிலும் வெற்றியுடன் தொடக்க வேண்டும் என இந்திய அணி முயற்சிக்கும். 

இரு அணிகளுக்கு இடையிலான புள்ளிவிவரங்கள்: 

• இந்தியாவுக்கு எதிரான இருதரப்பு ஒருநாள் தொடரை வெஸ்ட் இண்டீஸ் கடைசியாக 2006 ம் ஆண்டு 4-1 என்ற கணக்கில் வென்றது.
• வெஸ்ட் இண்டீஸ் தீவுகளில் இரு அணிகள் மோதிய கடைசி பந்து போட்டிகளில், இந்திய அணியும் 9 முறை வெற்றிபெற்று, ஒரு முறை தோல்வி அடைந்துள்ளது.
• 2015 முதல் 2022 வரை வெஸ்ட் இண்டீஸ் அணிக்கு எதிராக கடைசியாக விளையாடிய 24 ஒருநாள் போட்டிகளில் 18ல் இந்திய அணி வெற்றிபெற்றுள்ளது. மூன்றில் தோல்வியை சந்தித்துள்ளது. ஒரு போட்டி டையிலும், மீதமுள்ள இரண்டு போட்டிகள் முடிவு இல்லாமல் போனது.
• கடந்த 2018 ம் ஆண்டு அக்டோபர் 29ம் தேதி மும்பையில் பிரபோர்ன் ஸ்டேடியத்தில் இந்திய அணி 224 ரன்கள் வித்தியாசத்தில் வெற்றிபெற்றது. ஒருநாள் போட்டிகளில் வெஸ்ட் இண்டீஸ் அணிக்கு எதிரான இந்திய அணியின் மிகப்பெரிய வெற்றியாகும்.
• இந்தியா மற்றும் வெஸ்ட் இண்டீஸ் விளையாடிய ஒருநாள் போட்டிகளில் 2 ஆயிரத்திற்கு மேற்பட்ட ரன்களை கடந்த ஒரே பேட்ஸ்மேன் விராட் கோலி மட்டுமே. 

நேருக்குநேர் இதுவரை:

இந்தியா மற்றும் வெஸ்ட் இண்டீஸ் இடையேயான ஒருநாள் கிரிக்கெட் போட்டியில், இரு அணிகளுக்கும் இடையே இதுவரை 139 போட்டிகள் நடந்துள்ளன. இதில் வெஸ்ட் இண்டீஸ் அணி 63 போட்டிகளிலும், இந்தியா 70 போட்டிகளிலும் வெற்றி பெற்றுள்ளன. அதே நேரத்தில், 2 போட்டிகள் டிராவில் முடிவடைந்த நிலையில், 4 போட்டிகளில் எந்த முடிவும் காணப்படவில்லை.

நேரடி ஒளிபரப்பு மற்றும் நேரடி ஸ்ட்ரீமிங் விவரங்கள்

இந்தியா மற்றும் வெஸ்ட் இண்டீஸ் அணிகளுக்கு இடையிலான முதல் ஒருநாள் போட்டி டிடி ஸ்போர்ட்ஸ் சேனலில் தொலைக்காட்சியில் ஒளிபரப்பாகிறது. அதே நேரத்தில், இந்த போட்டியின் ஆன்லைன் லைவ் ஸ்ட்ரீமிங் ஜியோ சினிமா பயன்பாடு மற்றும் ஃபேன்கோட் செயலியில் செய்யப்படும்.

கணிக்கப்பட்ட இந்திய அணி விவரம்: ரோஹித் சர்மா (கேப்டன்), சுப்மான் கில், விராட் கோலி, சூர்யகுமார் யாதவ், ஹர்திக் பாண்டியா, சஞ்சு சாம்சன் (விக்கெட் கீப்பர்), ரவீந்திர ஜடேஜா, ஷர்துல் தாக்கூர், முகமது சிராஜ், குல்தீப் யாதவ் மற்றும் உம்ரான் மாலிக்.

கணிக்கப்பட்ட வெஸ்ட் இண்டீஸ் விவரம்:  பிரெண்டன் கிங், கைல் மேயர்ஸ், கேசி கார்டி, ஷாய் ஹோப் (கேப்டன் மற்றும் விக்கெட் கீப்பர்), ஷிம்ரோன் ஹெட்மியர், ரோவ்மேன் பவல், ரொமாரியோ ஷெப்பர்ட், ஓஷேன் தாமஸ், அல்ஸாரி ஜோசப், கெவின் சின்க்ளேர் மற்றும் யானிக் கரியா.