Mohammed Siraj: தென்னாப்பிரிக்காவிற்கு எதிரான டெஸ்ட்... அனலாய் பறந்த முகமது சிராஜ்! அசத்தல் ரெக்கார்டு!

தென்னாப்பிரிக்க அணிக்கு எதிரான இரண்டாவது டெஸ்ட் போட்டியில் இந்திய அணி வீரர் முகமது சிராஜ் 6 விக்கெட்டுகள் எடுத்து அசத்தியுள்ளார்.

முகமது சிராஜ்

தென்னாப்பிரிக்காவில் இந்திய அணி:

இந்திய கிரிக்கெட் அணி தற்போது தென்னாப்பிரிக்காவில் சுற்றுப்பயணம் மெற்கொண்டு வருகிறது. அதன்படி, சூர்யகுமார் யாதவ் தலைமையில் 3 டி20 போட்டிகள், கே.எல்.ராகுல் தலைமையில் 3 ஒரு நாள் போட்டிகளில் விளையாடி முடித்துள்ளது. இதில், டி20 போட்டிகள் சமநிலை பெற்றது.

ஒருநாள் போட்டியை 2-1 என்ற கணக்கில் இந்திய அணி கைப்பற்றி அசத்தியது. இச்சூழலில், இரண்டு டெஸ்ட் போட்டிகள் கொண்ட தொடரில் ரோகித்சர்மா தலைமையிலான இந்திய அணி விளையாடி வருகிறது. அதன்படி, முதல் டெஸ்ட் போட்டியில் இந்திய அணி தென்னாப்பிரிக்க அணியிடம் இன்னிங்ஸ் மற்றும் 32 ரன்கள் வித்தியாசத்தில் தோல்வி அடைந்தது. இதனிடையே, இரு அணிகளும் மோதும் இரண்டாவது மற்றும் கடைசி டெஸ்ட் போட்டி இன்று  ஜனவரி 3 ஆம் தேதி நடைபெற்றுக் கொண்டிருக்கிறது.

அதன்படி, தென்னப்பாரிக்காவில் உள்ள கேப்டவுன்  நியூலேண்ட்ஸ் கிரிக்கெட் மைதானத்தில் தொடங்கிய இந்த இரண்டாவது டெஸ்ட் போட்டியில் தென்னாப்பிரிக்க அணி டாஸ் வென்றது. முதலில் பேட்டிங்கை தேர்வு செய்த அந்த அணியை இந்திய அணியின் வேகப்பந்து வீச்சாளர் முகமது சிராஜ் மிராட்டியுள்ளர்.

6 விக்கெட்டுகள் அலறவிட்ட சிராஜ்:

அதன்படி, தென்னாப்பிரிக்க அணியின் தொடக்க வீரர்களான ஐடன் மார்க்ராம் மற்றும் அந்த அணியின் கேப்டன் டீன் எல்கர் இருவரையும் அலறவிட்டார் முகமது சிராஜ்.  8 ரன்களில் 2 விக்கெட்டுகளை இழந்து தடுமாறியது தென்னாப்பிரிக்கா. இதனிடையே, டிரிஸ்டன் ஸ்டப்ஸ் இந்திய அணி வீரர் பும்ரா வீசிய பந்தில் ரோகித் சர்மாவிடம் கேட்ச் கொடுத்து விக்கெட்டை பறிகொடுத்தார்.  பின்னர் வந்த டோனி டி ஜோர்ஜி முகமது சிராஜ் வீசிய பந்தில் கே.எல்.ராகுலிடம் கேட்ச் கொடுத்து நடையைக்கட்டினார்.

முதல் டெஸ்ட் போட்டியில் தென்னாப்பிரிக்க அணியை வெற்றிப்பாதைக்கு அழைத்துச் சென்ற டேவிட் பெடிங்காம் இந்த ஆட்டத்தில் நிதனமாக விளையாடுவார் என்று எதிர்பார்க்கப்பட்ட சூழலில், முகமது சிராஜ் வீசிய பந்து ஜெய்ஸ்வாலிடம் கேட்ச் கொடுத்து ரசிகர்களை ஏமாற்றினார். அதேபோல், மார்கோ ஜான்சன் ரன் ஏதும் இன்றி முகமது சிராஜின் வேகப்பந்தில் தாக்குபிடிக்க முடியாமல் கே.எல்.ராகுலிடம் கேட்ச் கொடுத்தார்.

சற்று நிதானமாக ஆடிய  Kyle Verreynne  15 ரன்களில் சிராஜ் வீசிய பந்தில் சுப்மன் கில்லிடம் கேட்ச் கொடுத்து விக்கெட்டானார். இப்படி முகமது சிராஜ் 9 ஓவர்கள் வீசி 3 மெய்டன் 15 ரன்கள் மட்டுமே விட்டுக்கொடுத்து 6 விக்கெட்டுகளை கைப்பற்றி அசத்தியுள்ளார். 

 

மேலும் படிக்க: Sachin Tendulkar: "தென்னாப்பிரிக்காவிற்கு எதிராக டெண்டுல்கர்தான் வல்லவர்" முன்னாள் ஜாம்பவான் ஆலன் டொனால்ட் புகழாரம்

 

மேலும் படிக்க: MS Dhoni: "ஒரு முறை கூட முடியல" தோனியிடம் எடுபடாத ஜாம்பவான் நாதன் லயனின் பவுலிங்!