DC-W vs MI-W Final LIVE: டெல்லியை வீழ்த்தி கோப்பையை வென்ற மும்பை இந்தியன்ஸ்..!
DC-W vs MI-W Final WPL 2023 LIVE:
Background
MI vs DC Playing XI: மகளிர் பிரிமீயர் லீக்கின் இறுதிப்போட்டி இன்று நடைபெற இருக்கிறது. இந்த போட்டியில் பலம் வாய்ந்த மும்பை இந்தியன்ஸ் அணியும், டெல்லி கேபிடல்ஸ் அணியும் மோத இருக்கின்றன.
இந்த தொடக்க சீசனில் எந்த அணி முதல்முறையாக கோப்பையை வெல்லும் என்று ஒட்டுமொத்த இந்திய கிரிக்கெட் ரசிகர்களும் ஆவலுடன் காத்திருக்கின்றன. லீக் சுற்றுகளில் அடிப்படையில் மெக் லானிங் தலைமையிலான டெல்லி அணி புள்ளி பட்டியலில் முதலிடம் பிடித்து இறுதிப்போட்டிக்கு நேரடியாக அடியெடுத்து வைத்தது. அதேநேரத்தில் ஹர்மன்பிரீத் கவுர் தலைமையிலான மும்பை இந்தியன்ஸ், எலிமினேட்டர் ஆட்டத்தில் உபி வாரியர்ஸ் அணியை வீழ்த்தி இறுதிப்போட்டிக்கு கம்பீரமாக நுழைந்தது.
யாருக்கு வெற்றி வாய்ப்பு..?
இதுவரை இந்த இரு அணிகளும் இந்த தொடரில் இரண்டு முறை மோதியுள்ளன. இதில் இரு அணிகளும் தலா ஒருமுறை வெற்றி, தோல்வியை கண்டுள்ளது. இருவருக்குமே சாம்பியனாக முடிசூடுவதற்கான சம வாய்ப்புகள் இருப்பதால் யார் வெற்றி பெறுவார்கள் என்பது அணியின் செயல்பாடுகளை பொறுத்தே தெரியும்.
சிறந்த பேட்ஸ்மேன் ..?
சமீபத்திய போட்டிகளில் மும்பை இந்தியன்ஸ் அணியை சேர்ந்த நாட் ஸ்கிவர்-ப்ரன்ட் அபாரமாக விளையாடி வருகிறார். இவர் கடந்த உபி வாரியர்ஸ் அணிக்கு எதிரான எலிமினேட்டர் போட்டியில் 72 ரன்கள் குவித்தார். அதேபோல், டெல்லி அணி கேப்டன் மெக் லானிங் இந்த தொடரில் 310 ரன்கள் குவித்து ஆரஞ்சு கோப்பையை தன்வசம் வைத்துள்ளார்.
சிறந்த பந்துவீச்சாளர்..?
இந்திய சுழற்பந்துவீச்சாளர் சைகா இஷாக் தற்போது அதிக விக்கெட்கள் எடுத்தவர் பட்டியலில் இரண்டாவது இடத்தில் இருக்கிறார். இவருக்கு முன்பாக சோஃபி எக்லெஸ்டோன் 16 விக்கெட்கள் எடுத்து முதலிடத்தில் உள்ளார்.
எந்த அணியில் மாற்றம் ஏற்படும்?
உபி வாரியர்ஸு அணிக்கு எதிரான எலிமினேட்டர் சுற்றில் மும்பை இந்தியன்ஸ் அணி தங்களது சிறந்த அணியை களமிறக்கியது. இன்றைய போட்டிக்கு முன்பாக யாருக்கும் காயம் ஏதும் ஏற்படாத பட்சத்தில் லெவன் அணியில் மாற்றம் செய்ய வாய்ப்பில்லை.
டெல்லி அணியும் தங்களது பலமான அணியை இன்று களமிறக்கும். மிகப்பெரிய அளவில் இன்று மாற்றம் இருக்காது.
கணிக்கப்பட்ட டெல்லி அணி:
மெக் லானிங் (கேப்டன்), ஷஃபாலி வர்மா , ஆலிஸ் கேப்ஸி, ஜெமிமா ரோட்ரிக்ஸ், மரிசான் கேப், தனியா பாட்டியா (விக்கெட் கீப்பர்), ஜெஸ் ஜோனாசென், ராதா யாதவ், அருந்ததி ரெட்டி, ஷிகா பாண்டே, பூனம் யாதவ்
கணிக்கப்பட்ட மும்பை அணி:
ஹெய்லி மேத்யூஸ், யாஸ்திகா பாட்டியா (விக்கெட் கீப்பர்), நடாலி ஸ்கீவர், ஹர்மன்ப்ரீத் கவுர் (கேப்டன்), அமெலியா கெர், பூஜா வஸ்த்ரகர், இஸ்ஸி வோங், அமன்ஜோத் கவுர், சாய்கா இஷாக், ஹுமைரா காஜி மற்றும் ஜிந்திமணி கலிதா
ஷிவர் பர்ண்ட் அரைசதம்..!
சிறப்பாக விளையாடி வந்த ஷிவர் ப்ரண்ட் 52 பந்தில் 53 ரன்கள் சேர்த்துள்ளார்.
18 ஓவர்கள் முடிவில்..!
18 ஓவர்கள் முடிவில் மும்பை இந்தியன்ஸ் அணி 3 விக்கெட்டுகளை இழந்து 111 ரன்கள் சேர்த்துள்ளது.
தலைப்பு செய்திகள்
ட்ரெண்டிங் செய்திகள்
