IND vs AUS 1st Test: எதிர்பார்ப்பை எகிற வைக்கும் பார்டர் - கவாஸ்கர் டெஸ்ட் போட்டி ; 40 ஆயிரம் டிக்கெட்டுகள் விற்பனை..!

IND vs AUS 1st Test: இந்தியா - ஆஸ்திரேலியா அணிகளுக்கு இடையிலான முதலாவது டெஸ்ட் போட்டி நாளை நாக்பூரில் நடைபெறவுள்ளது.

நாக்பூர் மைதானம்

IND vs AUS 1st Test: இந்தியா - ஆஸ்திரேலியா அணிகளுக்கு இடையிலான முதலாவது டெஸ்ட் போட்டி நாளை நாக்பூரில் நடைபெறவுள்ளது. 

உலகத்தில் உள்ள கிரிக்கெட் ரசிகர்கள், வீரர்கள் என அனைவரது பார்வையும் தற்போது ஒரு இடத்தில் குவிந்துள்ளது என்றால் அது இந்தியா ஆஸ்திரேலியா அணிகளுக்கு இடையில் நடைபெறவுள்ள பார்டர் - கவாஸ்கர் டெஸ்ட் போட்டித் தொடர் தான். மொத்தம் நான்கு போட்டிகள் கொண்ட இந்த டெஸ்ட் தொடரின் முதல் போட்டி நாளை நாக்பூரில் உள்ள விதர்பா மைதானத்தில் நடைபெறவுள்ளது. 

இந்த 2008-ஆம் ஆண்டு அமைக்கப்பட்ட இந்த  மைதானத்தில் மொத்தம் 45 ஆயிரம் பார்வையாளர்கள் அமர்ந்து போட்டியை பார்க்க முடியும். இந்நிலையில் தற்போது இந்த 40 ஆயிரம் டிக்கெட்டுகள் விற்பனை செய்யப்பட்டுள்ளதாக தெரிவிக்கப்பட்டுள்ளது. மீதமுள்ள 5 ஆயிரம் டிக்கெட்டுகளும் நாளை போட்டி தொடங்குவதற்குள்  விற்றாகிவிடும் என நம்பப்படுகிறது. டெஸ்ட் கிரிக்கெட்டிற்கு ரசிகர்கள் மத்தியில் ஏற்பட்டுள்ள இந்த வரவேற்பு அனைவரிடத்திலும்  இந்த போட்டித் தொடர் மீது ஆர்வத்தை எகிற வைத்துள்ளது.