ஆன்மீகம்: சிந்தலவாடி ஸ்ரீ மகா மாரியம்மன் கோயில் வைகாசி திருவிழா - தீச்சட்டி எடுத்து பக்தர்கள் நேர்த்திக்கடன்
சிந்தலவாடி, மேல சிந்தலவாடி, கீழ சிந்தலவாடி, விட்டுக்கட்டி, லாலாபேட்டை, மகிளிப்பட்டி உள்ளிட்ட பல்வேறு கிராமங்களை சேர்ந்த ஏராளமான பொதுமக்கள் பால்குடம், தீர்த்த குடம் எடுத்து வந்து வழிபட்டனர்.
சிந்தலவாடி ஸ்ரீ மகா மாரியம்மன் கோவில் வைகாசி பெருந்திருவிழாவை முன்னிட்டு தீச்சட்டி எடுத்தல், அழகு குத்துதல், பறவை காவடி, குழந்தைகள் தொட்டில் தூக்குதல் ஈடுப்பட்டு பக்தர்கள் நேர்த்திக்கடனை செலுத்தினர்.
கரூர் மாவட்டம், சிந்தலவாடியில் ஸ்ரீ மகா மாரியம்மன் ஆலயம் அமைந்துள்ளது. இக்கோவிலில் வைகாசி பெருந்திருவிழாவினை முன்னிட்டு கடந்த மே ஒன்பதாம் தேதி கம்பம் ஊன்றுதல் பூச்சொரிதல் விழாவுடன் துவங்கியது.
அதனைத் தொடர்ந்து, கடந்த மே 14ஆம் தேதி முதல் சிந்தலவாடி, மேல சிந்தலவாடி, கீழ சிந்தலவாடி, விட்டுக்கட்டி, லாலாபேட்டை, மகிளிப்பட்டி உள்ளிட்ட பல்வேறு கிராமங்களை சேர்ந்த ஏராளமான பொதுமக்கள் பால்குடம், தீர்த்த குடம் எடுத்து வந்து வழிபட்டனர். வைகாசி பெருந்திருவிழாவின் தூக்கு தேரோட்ட நிகழ்ச்சி நேற்று வெகு விமரிசையாக நடைபெற்றது.
பல வண்ண மலர்களால் அலங்கரிக்கப்பட்டிருந்த தூக்கு தேரில் சிறப்பு அலங்காரத்தில் எழுந்தருளிய ஸ்ரீ மகா மாரியம்மன் உற்சவர் சிலையினை பல நூற்றுக்கணக்கான இளைஞர்கள் தங்கள் தோளில் சுமந்து கோவிலினை மூன்று முறை வலம் வந்தனர்.
தொடர்ந்து இன்று பக்தர்கள் வேண்டுதலை நிறைவேற்றுவதாகலாலாபேட்டை காவிரி ஆற்றிலிருந்து தீச்சட்டி எடுத்தல், அழகு குத்துதல், பறவை காவடி, குழந்தைகள் தொட்டில் தூக்குதல் 3 கிலோமீட்டர் நடந்து வந்து பக்தர்கள் தங்களது நேர்த்திக்கடனை செலுத்தினர்.
காந்திகிராமம் மகா மாரியம்மன் ஆலயத்தில் வைகாசி மாத திருவிழாவை முன்னிட்டு மாவிளக்கு பூஜை.
கரூர் மாநகராட்சிக்கு உட்பட்ட காந்திகிராம் பகுதியில் குடிகொண்டு அருள் பாலித்து வரும் அருள்மிகு ஸ்ரீ மகா மாரியம்மன் ஆலயத்தில் வைகாசி மாத திருவிழாவை முன்னிட்டு இன்று மாவிளக்கு பூஜை சிறப்பாக நடைபெற்றது.
இந்நிகழ்ச்சியை முன்னிட்டு ஏராளமான பக்தர்கள் தங்கள் வீட்டிலிருந்து மாவிளக்கை ஊர்வலமாக எடுத்து வந்தனர் அதைத் தொடர்ந்து மகா மாரியம்மனுக்கு சமர்ப்பித்து தங்களது நேர்த்திக்கடனை சிறப்பாக செய்தனர்.
ஆண்டுதோறும் வைகாசி மாதம் நடைபெற்று வரும் திருவிழாவின் முக்கிய நிகழ்வாக நாள்தோறும் பல்வேறு நிகழ்ச்சிகள் நடைபெற்று வருகிறது. நிகழ்ச்சியின் ஏற்பாட்டை காந்திகிராமம் மகா மாரியம்மன் ஆலய நிர்வாகிகள் சார்பாக சிறப்பாக செய்தனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
