Trump Vs Musk: “ரொம்ப தூண்டுதலா இருக்கு, ஆனா இப்போதைக்கு அடக்கி வாசிக்கறேன்“ - சாமர்த்தியமாக சமாளித்த மஸ்க்

எலான் மஸ்க் தென் ஆப்பிரிக்காவிற்கே போக வேண்டியிருக்கு என்று ட்ரம்ப் விமர்சித்த நிலையில், அதை மிகவும் சாமர்த்தியமாக சமாளித்துள்ளார் எலான் மஸ்க். அவர் என்ன கூறியுள்ளார் தெரியுமா.?

ட்ரம்ப் உடனான வார்த்தைப் போரை தவிர்த்த மஸ்க்

Source : ABP Live

அமெரிக்காவில், அதிபர் ட்ரம்ப் மற்றும் உலக பணக்காரர் எலான் மஸ்க் இடையே மீண்டும் வார்த்தைப் போர் வெடித்துள்ளது. இந்த முறை, ட்ரம்ப் தான் அதை தொடங்கி வைத்துள்ளார். அவரது வரி மற்றும் செலவு மசோதாவிற்கு மஸ்க் எதிர்ப்பு தெரிவித்த நிலையில், வரிச் சலுகை இல்லாவிட்டால், மஸ்க் தென் ஆப்பிரிக்காவிற்கே திரும்பிப் போக வேண்டியிருக்கும் என ட்ரம்ப் தெரிவித்த நிலையில், அதற்கு சாமர்த்தியமாக பதில் அளித்து தப்பித்துள்ளார் மஸ்க். அவர் கூறியது என்ன.? பார்க்கலாம்.

மஸ்க்கை விமர்சித்த ட்ரம்ப்

ட்ரம்ப் கொண்டுவந்த வரி மற்றும் செலவு மசோதா, அமெரிக்க செனட் சபையில் நிறைவேற்றப்பட்டது. இதையடுத்து, அதற்கு எதிர்ப்பு தெரிவித்து வந்த எலான் மஸ்க், புதிய கட்சியை தொடங்குவது குறித்து தனது சமூக வலைதள பக்கம் மூலமாக மக்களிடம் கருத்து கேட்டார் கேட்டார். அதோடு, இந்த மசோதாவை தொடர்ந்து எதிர்த்து வருகிறார் மஸ்க்.

இந்த நிலையில், தனது சமூக வலைதள பக்கத்தில் பதிவிட்ட அமெரிக்க அதிபர் ட்ரம்ப், அதிபர் தேர்தலில் எலான் மஸ்க் தன்னை தீவிரமாக ஆதரித்ததாக தெரிவித்திருந்தார். ஆனால், மின்சார வாகனங்களுக்கான நுகர்வோர் வரிச் சலுகையை ரத்து செய்ய வேண்டும் என நீண்ட நாட்களாக தான் கூறி வருவதாகவும், அது எலான் மஸ்க்கிற்கும் நன்றாகவே தெரியும் என கூறியுள்ளார்.

“மஸ்க் தென்னாப்பிரிக்காவிற்கே திரும்ப வேண்டியிருக்கும்“

மேலும், வரலாற்றிலேயே, எந்த மனிதரையும் விட அதிக சலுகைகளை அனுபவிப்பது எலான் மஸ்க் தான் என்றும், சலுகைகள் மட்டும் இல்லையென்றால், மஸ்க் தன் கடையை காலி செய்துவிட்டு தென் ஆப்பிரிக்காவிற்கே திரும்பிச் செல்ல வேண்டியிருக்கும் என எச்சரிப்பது போல் பதிவிட்டார்.

இது மட்டுமல்லாமல், பின்னர் அளித்த பேட்டி ஒன்றில், மஸ்க்கை நாடு கடத்தப் போகிறீர்களா என்று அவரிடம் கேள்வி எழுப்பப்பட்டுள்ளது. அதற்கு பதிலளித்த அவர், அதை நாம் ஆராய்ந்து பார்க்க வேண்டும், நாம் எலான் மீது DOGE-ன் பார்வையில் பார்க்க வேண்டும். DOGE என்றால் என்ன தெரியுமா.? அது எலானையே திரும்பிச் சென்று விழுங்கிவிடும் அசுரன். அது பயங்கரமாக இருக்கும் அல்லவா.? அவர் நிறைய மானியங்களை பெற்று வருகிறார் என தெரிவித்தார்.

ட்ரம்ப் கூறியதன் அர்த்தம் என்ன.?

அதாவது, DOGE என்ற துறை ஏற்படுத்தப்பட்டதன் நோக்கமே, அரசிற்கு தேவையில்லாத செலவுகளை குறைப்பது தான். அந்த வகையில் ஏராளமான மானியங்கள் ஏற்கனவே நிறுத்தப்பட்டு, அரசிற்கு பெரும் வருவாய் கிடைத்தது. அதை செய்தவர் மஸ்க் தான். தற்போது அதையே தான் ட்ரம்ப் கூறுகிறார். DOGE-ன் பார்வையில், மஸ்க்கின் நிறுவனங்களுக்கு கிடைக்கும் மானியங்களை நிறுத்தினால், அரசிற்கு லாபம் என்பதுதான் அது. அதற்குத் தான் தற்போது மஸ்க் எதிர்ப்பு தெரிவித்துள்ளார்.

மஸ்க் அளித்த பதில் என்ன.?

அமெரிக்க அதிபர் ட்ரம்ப் அளித்த பேட்டியை டேக் செய்து, இதை பெரிதுபடுத்த வேண்டும் என்று தூண்டுதல் ஏற்படுகிறது. மிக மிக தூண்டுகிறது, ஆனால் இப்போதைக்கு அதை தவிர்க்கிறேன் என பதிவிட்டுள்ளார்.

REPORTER: "Are you going to deport Elon Musk?"

TRUMP: "We'll have to take a look. We might have to put DOGE on Elon. You know what DOGE is? The monster that might have to go back and eat Elon. Wouldn’t that be terrible? He gets a lot of subsidies."

pic.twitter.com/gOZB96nsVh

— DogeDesigner (@cb_doge) July 1, 2025

இந்த பதிவில் உள்ள கமெண்ட்டில் எலான் மஸ்க்கின் பதில் உள்ளது. மீண்டும் பயங்கர மோதல் ஏற்படுவதை சாமர்த்தியமாக தவிர்த்துள்ளார் மஸ்க். ஆனாலும், இருவருக்குமிடையே மீண்டும் மோதல் போக்கு ஏற்பட்டுள்ளது கவலை அளிப்பதாகவே உள்ளது.