மேலும் அறிய

TN Rains: திருவண்ணாமலை மாவட்டத்தில் வெளுத்து வாங்கிய மழை..சில இடங்களில் தேங்கிய தண்ணீர்

திருவண்ணாமலை மாவட்டத்தில் பெய்த கனமழையால் சாலைகளில் தேங்கிய மழை நீரால் வாகன ஓட்டிகள் பொதுமக்கள் அவதிப்பட்டனர்.

By : V.வினோத் | Updated at : 05 Jul 2023 12:12 PM (IST)

TN Rains Normal life of people affected due to rain in Tiruvannamalai district TNN TN Rains: திருவண்ணாமலை மாவட்டத்தில் வெளுத்து வாங்கிய மழை..சில இடங்களில் தேங்கிய தண்ணீர்

மழையில் குடையுடன் செல்லும் நபர்

திருவண்ணாமலை ( Tiruvannamalai News): சென்னை வானிலை மையம் அறிவித்துள்ளபடி திருவண்ணாமலை மாவட்டத்தில் நேற்று அதிகாலை முதலே இடியுடன் கூடிய கனமழை பெய்தது. இதனால் திருவண்ணாமலை மாவட்டத்தில் மற்றும் அதன் சுற்று வட்டார பகுதிகளான ஆரணி, செய்யார், பேருந்து நிலையம், வந்தவாசி, செங்கம், கலசபாக்கம், கண்ணமங்கலம் உள்ளிட்ட சுற்று வட்டார பகுதிகளில் தொடர்ந்து கனமழை பெய்தது. மழையின் காரணமாக திருவண்ணாமலை மாவட்டத்தில் வாகன ஓட்டிகள் அவதிப்பட்டனர்.

TN Rains: திருவண்ணாமலை மாவட்டத்தில் வெளுத்து வாங்கிய மழை..சில இடங்களில் தேங்கிய தண்ணீர்

மழையால் பொதுமக்களின் இயல்பு வாழ்க்கை பாதிப்பு

மழையின் காரணமாக திருவண்ணாமலை நகரின் சாலைகளிலும் தாழ்வான பகுதிகளான அவலூர் பேட்டை சாலை, தண்டராம்பட்டு சாலை, திண்டிவனம் சாலை, கண்ணமங்கலம் பகுதியில், தாமரை குளம் கரையோர குடியிருப்புகள் உள்ளிட்ட திருவண்ணாமலை நகரின் பல்வேறு பகுதிகளில் மழைநீர் வெள்ளம் போல் தேங்கி பொதுமக்கள் அவதிப்பட்டு வருகின்றனர். மழை பெய்யும் என ஓரிரு நாட்களுக்கு முன்னரே சென்னை வானிலை மையம் அறிவிப்பு வெளியிட்டிருந்த நிலையில், முன்னேற்பாடுகள் குறித்து நடவடிக்கை மேற்கொள்ள திருவண்ணாமலை மாவட்ட ஆட்சியர் தலைமையில் ஆய்வுக் கூட்டமும் நடைபெற்று இருந்த நிலையில், திருவண்ணாமலை மாவட்டத்தில் மழை வெள்ளத்தால் பாதிக்கப்படும் பகுதிகள் என குறிப்பிடப்பட்டுள்ள பகுதிகளில் எந்தவிதமான முன்னேற்பாடுகளையும் செய்யாததால், அப்பகுதியில் மழைநீர் வெள்ளம் போல் தேங்கி வருவதால், ஒருநாள் மழைக்கே பொதுமக்கள் பெரும் அவதிப்பட்டனர்.

திருவண்ணாமலை மாவட்டத்தில் தண்டராம்பட்டு 19.00 மில்லி மீட்டரும், ஆரணியில் 10.20 மில்லிமீட்டரும், வெம்பாக்கம் 00.00 மில்லிமீட்டரும், வந்தவாசி 00.00 மில்லிமீட்டரும், சேத்துப்பட்டு 2.60 மில்லிமீட்டரும், ஜமுனாமரத்தூர் 2.00 மில்லிமீட்டரும், கீழ்பெண்ணாத்தூர் 8.60, மில்லிமீட்டரும், போளூர் 19.80 மில்லிமீட்டரும், திருவண்ணாமலை 5.00 மில்லிமீட்டரும், கலசபாக்கம் 42.60 மில்லிமீட்டரும், செங்கம் 2.20 மில்லிமீட்டர் மழை பதிவாகி உள்ளது குறிப்பிடத்தக்கது. திருவண்ணாமலை மற்றும் மாவட்டத்தின் பல்வேறு பகுதிகளில் மழை நீர் வெள்ளம் போல் தேங்கி பாதிக்கப்பட்டுள்ள பகுதிகளில் மழை நீரை வெளியேற்ற மாவட்ட நிர்வாகம் உடனடியாக நடவடிக்கை மேற்கொள்ள வேண்டும் என பொதுமக்கள் கோரிக்கை விடுத்துள்ளனர். மேலும் பல்வேறு பகுதிகளில் உள்ள விவசாய நிலங்களிலும் மழைநீர் புகுந்துள்ளது.