சீமான் மீது திமுக ஐடி விங்க் சார்பில் புகார்: மேடையில் செருப்பை காட்டிய விவகாரம்!

திமுகவினரை மேடையில் செருப்பை காட்டி மிரட்டியது தொடர்பாக நாம் தமிழர் கட்சி ஒருங்கிணைப்பாளர் சீமான் மீது புகார் அளிக்கப்பட்டுள்ளது.

சீமான், நாம் தமிழர் தலைமை ஒருங்கிணைப்பாளர்

நாம் தமிழர் கட்சி ஒருங்கிணைப்பாளர் சீமான் தமிழக அரசையும் திமுகவையும் திமுக தொண்டர்களையும் மேடையிலேயே செருப்பை கழட்டி அடிப்பேன் என்று பேசியது திமுகவினர் மத்தியில் பெரும் கொந்தளிப்பை ஏற்படுத்தி உள்ளது அது தொடர்பான வீடியோ காட்சிகள் சமூக வலைதளங்களில் பரவி வருகிறது இது திமுகவினர் மத்தியில் கொந்தளிப்பை ஏற்படுத்தியது. 

இந்தநிலையில், திமுக மீது தொடர்ந்து அவதூறுகளையும், அரசியல் அண்ணா விரித்த நாகரீகத்தையும் அரங்கேற்றி வரும் நாம் தமிழர் கட்சி ஒருங்கிணைப்பாளர் சீமான் அவர்களை உடனடியாக கைது செய்யுமாறு வேலூர் மாவட்ட திமுக தகவல் தொழில் நுட்ப அணி சார்பாக வேலூர் எஸ்பி அலுவலகத்தில் புகார் அளிக்கப்பட்டுள்ளது. 

முன்னதாக, மாரிதாஸ் கைதானது தொடர்பாக நாம் தமிழர் கட்சி ஒருங்கிணைப்பாளர் சீமான் கருத்து ஒன்றை வெளியிட்டார். அதில், மாரிதாஸ் போன்றவர்கள் தங்கள் கருத்துகளை வீடியோ வாயிலாக தெரிவிக்கும்போது, அவர்களை ஒடுக்கும் விதமாக அவர்கள் மீது சட்டம் பாய்கிறது. இதேபோல், தான் என் தம்பி சாட்டை துரைமுருகனும் கருத்து தெரிவித்தபோது கைது செய்யப்பட்டார். இதில், கருத்து சுதந்திரம் என்ற சொல்லுக்கு அர்த்தம் எங்கு இருக்கிறது என்று கேள்வி எழுப்பினார். 

சீமான் பேசிய இந்த கருத்தை தொடர்ந்து, சமூக வலைத்தளங்களில் அவரை சங்கி என்றும், மாரிதாஸ் ஆதரவாளர் மற்றும் பிஜேபியின் பி டீம் என்று திமுகவினரால் கடுமையாக விமர்சனம் செய்யப்பட்டார். இந்தநிலையில்,  கடந்த 15 ம் தேதி சென்னை அம்பத்தூரில்அப்துல் ரவூப் என்கிற தமிழ் தேசிய தொண்டருக்கு நாம் தமிழர் கட்சி சார்பில் 26 ம் ஆண்டு நினைவஞ்சலி நிகழ்ச்சியில் சீமான் கலந்து கொண்டார். அப்பொழுது பேசிய சீமான் திமுக அரசை வன்மையாக கண்டித்தார். 

 

யாருடா சங்கி...மேடையில் செருப்பை எடுத்து காட்டிய சீமான்https://t.co/wupaoCQKa2 #Seeman #Tamilnadu #NTK pic.twitter.com/fruSfQGxnn

— ABP Nadu (@abpnadu) December 16, 2021

அதில், என் தம்பி சாட்டை துரைமுருகனின் விடுதலை எதிர்த்து குரல் கொடுக்கும் திமுகவினர் மற்றும் திமுக வழக்கறிஞர்கள், மாரிதாஸின் விடுதலையை எதிர்த்து மேல்முறையீடு செய்யவோ அல்லது குரல் கொடுக்கவில்லை. அப்படி என்றால் நீங்கள் தான் சங்கி. இதற்கு மேல் என்னை சங்கி என்று சொன்னால் என்று சொல்லி தான் காலில் இருந்த கருப்பு சிவப்பு செருப்பை கழட்டி காண்பித்தார். தற்போது, சீமான் செருப்பை கழட்டி பேசிய வீடியோ இணையத்தில் வைரலாகி வருகிறது. 
 

 

ABP நாடு செய்திகளை Google News -ல் பின் தொடர இங்கே கிளிக் செய்யவும்

 

ABP நாடு செய்திகளை சமூக வலைத்தள பக்கங்களிலும் பின் தொடரலாம்

 

பேஸ்புக் பக்கத்தில் தொடர

 

ட்விட்டர் பக்கத்தில் தொடர

 

யூடியூபில் வீடியோக்களை காண