பஞ்சப்பூர் இணைப்பு சாலை 3ம் கட்ட பணிகள் எப்போது தொடங்கும்: வெளியான அசத்தல் தகவல்

திருச்சி மாநகராட்சி, நீண்ட நாட்களாக நிலுவையில் இருந்த ஒருங்கிணைந்த பேருந்து முனைய (IBT) இணைப்பு சாலை திட்டத்தின் மூன்றாம் கட்டப் பணிகளைத் தொடங்க ஆயத்தமாகி வருகிறது.

பஞ்சப்பூர் இணைப்பு சாலை 3ம் கட்ட பணிகள்

Source : File Photo

தஞ்சாவூர்: திருச்சியில் பஞ்சப்பூர் இணைப்பு சாலையின் மூன்றாம் கட்ட பணிகள் தொடங்க இருக்கிறது. இதற்காக விரைவில் டெண்டர் வெளியிடப்பட்டு பணிகள் தொடங்கும் என்று எதிர்பார்க்கப்படுகிறது .இந்த பணிகள் நிறைவடைந்தால் போக்குவரத்து இடையூறுகள் குறையும். இது பயணிகளுக்கு நேரத்தையும், வாகன ஓட்டுனர்களுக்கு எரிபொருளையும் மிச்சப்படுத்தும். இந்தத் திட்டத்தின் வெற்றி, திருச்சி மாநகரத்தின் வளர்ச்சிக்கு ஒரு முக்கிய மைல்கல்லாக அமையும். 

திருச்சி மாநகராட்சி, நீண்ட நாட்களாக நிலுவையில் இருந்த ஒருங்கிணைந்த பேருந்து முனைய (IBT) இணைப்பு சாலை திட்டத்தின் மூன்றாம் கட்டப் பணிகளைத் தொடங்க ஆயத்தமாகி வருகிறது. இதற்கான டெண்டர் அடுத்த இரண்டு மாதங்களுக்குள் வெளியிடப்படும் என எதிர்பார்க்கப்படுகிறது. இந்த பணிகள் நிறைவடைந்தால் திருச்சி மாநகர வளர்ச்சிக்கு மிகப்பெரிய உதவியாக இருக்கும்.

பஞ்சப்பூரில் உள்ள கொரையாறு மற்றும் குடமுருட்டி ஆற்றின் வலது கரையில் இருந்து இந்த IBT இணைப்பு சாலை மூன்று கட்டங்களாகப் பிரிக்கப்பட்டுள்ளது. முதல் கட்டம், பஞ்சப்பூரை கருமண்டபத்துடன் (2 கி.மீ) இணைக்கிறது. இரண்டாம் கட்டம், அரியலூர் முதல் குடமுருட்டி சோதனைச் சாவடி வரை (2.1 கி.மீ) செல்கிறது. மூன்றாம் கட்டம், கருமண்டபத்திற்கும் அரியலூருக்கும் இடையே (5.7 கி.மீ) அமைகிறது. முதல் மற்றும் இரண்டாம் கட்டங்களில் மேம்பால சாலைகள் உட்பட பணிகள் நடைபெற்று வருகின்றன. ஆனால், நிலம் கையகப்படுத்தும் பணி தேவைப்பட்ட மூன்றாம் கட்டப் பணிகள் நிறுத்தி வைக்கப்பட்டிருந்தன.

இந்நிலையில் "ஜனவரி 2026-ல் மூன்றாம் கட்டத்திற்கான டெண்டர் வெளியிடப்படும். 2026-ல் இணைப்பு சாலையின் ஒரு பகுதியை பயன்பாட்டிற்கு கொண்டு வர திட்டமிட்டுள்ளோம் என்று திருச்சி மேயர் தெரிவித்துள்ளார். முதல் மற்றும் இரண்டாம் கட்டப் பணிகள், உள்ளூர் நிர்வாகம் மற்றும் ஒப்பந்ததாரர் இருவரும் ஒரே வேகத்தில் செயல்பட்டால், அக்டோபர் 2026-க்குள் போக்குவரத்துக்கு திறக்கப்பட வாய்ப்புள்ளது.

நிலம் கையகப்படுத்தும் தேவையை 4 ஏக்கரில் இருந்து 1 ஏக்கராகக் குறைத்துள்ளதாக அதிகாரிகள் தெரிவித்தனர். இணைப்பு சாலையின் சுமார் 60% பகுதிகள் மேம்பாலங்களாக அமைக்கப்பட உள்ளன. இதனால், நிலத் தேவையும் குறையும், மேலும் இருவழிப் போக்குவரத்தும் சீராக நடைபெறும். இருப்பினும், கனரக வாகனங்களுக்கு இதில் அனுமதி இல்லை. இணைப்பு சாலையின் மொத்த அகலம் 9.5 முதல் 12.5 மீட்டர் வரை இருக்கும். மேம்பாலங்களில் இருந்து சாலைக்கு வருவதற்கு 5-6 மீட்டர் அகலத்திற்கு சேவை சாலைகளும், இரண்டு ரயில்வே மேம்பாலங்களும் (RoBs) அமைக்கப்படும்.

இந்தத் திட்டத்தின் மூலம், திருச்சி நகரின் போக்குவரத்து நெரிசல் குறையும் என்றும், பேருந்து முனையத்திற்குச் செல்வது எளிதாகும் என்றும் எதிர்பார்க்கப்படுகிறது. குறிப்பாக, நகரின் மையப் பகுதிகளுக்கும், புறநகர்ப் பகுதிகளுக்கும் இடையே இணைப்பு வலுப்பெறும். மேம்பாலங்கள் அமைப்பதால், சாலைகளில் ஏற்படும் போக்குவரத்து இடையூறுகள் குறையும். திருச்சி மாநகரத்தின் வளர்ச்சிக்கு ஒரு முக்கிய மைல்கல்லாக அமையும் என்று பொதுமக்கள் தரப்பில் தெரிவித்துள்ளனர்.