TN Rain: மஞ்சள் அலர்ட்..3 மாவட்டங்களில் இரவு 1 மணிவரை மழைக்கு வாய்ப்பு

Tamilnadu Weather: தமிழ்நாட்டில் இரவு கன்னியாகுமரி, திருப்பூர் உள்ளிட்ட 3 மாவட்டங்களில் இன்று இரவு 1 மணிவரை மழை பெய்ய வாய்ப்பு உள்ளதாக வானிலை மையம் தெரிவித்துள்ளது.

மழை ( செயற்கை நுண்ணறிவு படம் )

Source : AI

கன்னியாகுமரி, திண்டுக்கல் மற்றும் திருப்பூர் ஆகிய 3 மாவட்டங்களில் இரவு 1 மணிவரையில் மழை பெய்ய வாய்ப்பு உள்ளதாக வானிலை மையம் தெரிவித்துள்ளது. ஆகையால், இப்பகுதி மக்கள் முன்னெச்சரிக்கையுடன் இருங்கள். 

தமிழ்நாட்டின் 6 நாட்களுக்கு வானிலை:

pic.twitter.com/o4UEhfnq8A

— IMD-Tamilnadu Weather (@ChennaiRmc) April 21, 2025

தென்னிந்திய பகுதிகளின் மேல், வளிமண்டல கீழடுக்கு பகுதிகளில், கிழக்கு மற்றும் மேற்கு திசை காற்று சந்திக்கும் பகுதி நிலவுகிறது. இந்நிலையில் நாளை ( 22-04-2025 )தமிழகத்தில் ஓரிரு இடங்களிலும் புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும்.

23-04-2025 முதல் 27-04-2025 வரை: தமிழகத்தில் ஓரிரு இடங்களிலும் புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

சென்னை வானிலை :

சென்னையில் நாளை (22-04-2025)  வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 36-37° செல்சியஸை ஒட்டியும், குறைந்தபட்ச வெப்பநிலை 29-30 செல்சியஸை ஒட்டியும் இருக்கக்கூடும் என வானிலை மையம் தெரிவித்துள்ளது.

அதிகபட்ச வெப்பநிலை பற்றிய முன்னறிவிப்பு:

 தமிழகம், புதுவை மற்றும் காரைக்கால் பகுதிகளில் 22-04-2025 முதல் 25-04-2025 வரை  ஒருசில இடங்களில் அதிகபட்ச வெப்பநிலை 2-3' செல்சியஸ் இயல்பை விட அதிகமாக இருக்கக்கூடும். இதனால் தமிழகம், புதுவை மற்றும் காரைக்கால் பகுதிகளில் ஒருசில பகுதிகளில் அசௌகரியம் ஏற்படலாம்.