MK Stalin Kongu Visit Live : மகுடஞ்சாவடி அரசு ஆரம்ப சுகாதார நிலையத்தில் முதல்வர் திடீர் ஆய்வு

MK Stalin Kongu Visit Live : சேலம் இரும்பு உருக்காலையில், 500 ஆக்ஸிஜன் சிலிண்டர் படுக்கை வசதிகள் கொண்ட கொரோனா மையத்தை தமிழக முதல்வர் மு.க ஸ்டாலின் திறந்து வைத்தார்.

Background

தமிழ்நாட்டில் கொரோனா இரண்டாவது அலை வேகமாக பரவி வரும் நிலையில் அதனை கட்டுப்படுத்த பல்வேறு முன்னெச்சரிக்கை நடவடிக்கைகளை முதல்வர் மு.க.ஸ்டாலின் வேகமாக மேற்கொண்டு வருகிறார். இந்நிலையில், சேலம், திருப்பூர், கோவை, திருச்சி. மதுரை ஆகிய ஐந்து மாவட்டங்களுக்கு நேரடியாக சென்று கொரோனா தடுப்புப் பணிகளை ஆய்வு செய்ய உள்ளார்.

இதுகுறித்து முதல்வர் ஸ்டாலின் தனது ட்விட்டர் பதிவில், " கொரோனா  தடுப்புப் பணிகள் தொடர்பாக ஆய்வு நடத்துவதற்காக சேலம், திருப்பூர், கோவை, மதுரை, திருச்சி மாவட்டங்களுக்கு பயணிக்கிறேன். முழுக்க அரசு அலுவல் சம்பந்தப்பட்டது என்பதால் கட்சியினர்  என்னைச் சந்திக்கவோ - வரவேற்புக் கொடுக்கவோ முயற்சிக்கக் கூடாது.  அனைவரின் நலனும் மிக முக்கியம்" என்று தெரிவித்துள்ளார். 

 

 

13:39 PM (IST)  •  20 May 2021

மூதாட்டிக்கு உதிவிய இளம்பெண்ணை முதல்வர் நேரில் சந்தித்து பாராட்டினார்

கொரோனா அச்சம் காரணமாக யாருமே உதவ முன்வராத மூதாட்டிக்கு உதிவிய இளையராணி என்ற இளம்பெண்ணை முதல்வர் இன்று நேரில் சந்தித்து பாராட்டு தெரிவித்தார். 

வாகனத்தில் இருந்து மயங்கி விழுந்த மூதாட்டிக்கு #COVID19 அச்சம் காரணமாக யாருமே உதவ முன்வராத நிலையில் இளையராணி என்ற இளம்பெண் மனிதநேயத்துடன் உதவியதை அறிந்து நெகிழ்ந்து போனேன்.

இன்று சேலம் சென்றிருந்த போது இளையராணியை சந்தித்து மனமார பாராட்டினேன்.

இளைய தலைமுறை நம்பிக்கையூட்டுகிறது! pic.twitter.com/ubPxSmNJit

— M.K.Stalin (@mkstalin) May 20, 2021

12:19 PM (IST)  •  20 May 2021

சேலம் இரும்பாலையில் கூடுதலாக 500 படுக்கை வசதிகள் - முதல்வர் உத்தரவு

இரும்பாலையில் 10 நாட்களுக்குள் கூடுதலாக 500 படுக்கை வசதிகள் ஏற்படுத்த முதல்வர் மு.க.ஸ்டாலின் உத்தரவிட்டுள்ளார்.

சேலம் உருக்காலை வளாகத்தில் ஆக்சிஜன் வசதியோடு கூடிய 500 படுக்கை வசதி கொண்ட புதிய கொரோனா சிகிச்சை மையத்தை தமிழக முதலமைச்சர் மு க ஸ்டாலின் திறந்து வைத்தார். தொடர்ந்து புதிய சிகிச்சை மையத்தில் ஆய்வு மேற்கொண்ட முதலமைச்சர் அங்கு செய்யப்பட்டுள்ள படுக்கை வசதி, ஆக்ஸிஜன் வசதி ஆகியவை குறித்து ஆய்வு மேற்கொண்டார். இன்று திறந்து வைக்கப்பட்ட இந்த சிகிச்சை மையமானது ஓரிரு நாட்களில் பொதுமக்கள் பயன்பாட்டுக்கு வர உள்ளது. இதனிடையே உருக்காலை வளாகத்தில்  இன்னும் 10 நாட்களுக்குள் கூடுதலாக 500 ஒரு படுக்கை வசதிகளை அமைக்க தமிழக முதலமைச்சர் ஸ்டாலின் உத்தரவிட்டுள்ளார். மொத்தமாக ஆயிரம் படுக்கை வசதிகளோடு செயல்படவிருக்கும் இந்த மையத்திற்கு தேவையான ஆக்ஸிஜன் உருக்காலையில் உற்பத்தி செய்து நேரடியாக வழங்கப்படுகிறது.