திசை பார்த்து தூங்கும் பாரம்பரியம்: காந்தப்புலமும் தூக்கத்தின் அறிவியலும்!

'வடக்கில் தலை வைத்து தூங்கக் கூடாது, தெற்கு அல்லது கிழக்கு திசையே சிறந்தது' என்ற கருத்து வெறும் மூடநம்பிக்கை அல்ல; ஆழமான இயற்பியல் (Physics) மற்றும் உடலியல் (Physiology) காரணங்கள் ஒளிந்துள்ளன

எந்த திசையில் படுத்து தூங்குவது சிறந்தது.

Source : பைல் படம்

சென்னை: மனிதனின் உடல் ஆரோக்கியத்திலும் மன அமைதியிலும் தூக்கம் மிக முக்கியமான பங்க வகிக்கிறது. "எந்த திசையில் தலை வைத்து தூங்க வேண்டும்?" என்பது நம் முன்னோர்களின் காலத்திலிருந்தே தொடர்ந்து கடைப்பிடிக்கப்பட்டு வரும் ஒரு வாழ்வியல் வழிகாட்டியாகும்.

குறிப்பாக, 'வடக்கில் தலை வைத்து தூங்கக் கூடாது, தெற்கு அல்லது கிழக்கு திசையே சிறந்தது' என்ற கருத்து வெறும் மூடநம்பிக்கை அல்ல; அதன்பின்னால் ஆழமான இயற்பியல் (Physics) மற்றும் உடலியல் (Physiology) காரணங்கள் ஒளிந்துள்ளன என்பதை நவீன அறிவியலும் விளக்குகிறது.

பூமியின் காந்தப்புலமும் மனித உடலும்
 
நமது பூமி ஒரு மிகப்பெரிய காந்தத்தைப் போல செயல்படுகிறது. பூமியின் வடதுருவத்திலிருந்து தெென்துருவம் நோக்கி காந்த விசைக்கோடுகள் தொடர்ச்சியாக நகர்ந்து கொண்டிருக்கின்றன.

உடலின் காந்தவியல்: மனித உடலிலும் குறைந்தளவிலான காந்தப்புலம் இயல்பாகவே உள்ளது. உடலியல் அமைப்பின்படி, மனிதனின் தலைப் பகுதி 'வடதுருவமாகவும்' (North Pole), பாதங்கள் 'தெென்துருவமாகவும்' (South Pole) செயல்படுகின்றன.

ஒரே துருவ விலக்கம்: இயற்பியல் விதிகளின்படி ஒரே மாதிரியான காந்தத் துருவங்கள் ஒன்றை ஒன்று விலக்கும்.

வடக்கில் தலை வைத்தால் என்ன நடக்கும்?

ஒருவர் வடக்கு திசையில் தலை வைத்துப் படுக்கும்போது, பூமியின் வடதுருவமும் மனித உடலின் வடதுருவமும் நேருக்கு நேர் சந்திக்கின்றன. மனித ரத்தத்தில் இரும்புச்சத்து அதிகளவில் நிறைந்துள்ளது. வடக்கில் தலை வைக்கும்போது ஏற்படுகிற காந்த விலக்கு விசையினால் ரத்தம் இயல்பை விட அதிகமாக மூளையை நோக்கித் தள்ளப்படுகிறது.

உடலியல் சிக்கல்கள்: மூளையில் உள்ள நுண் ரத்தக் குழாய்களில் (Capillaries) அதிகப்படியான அழுத்தம் உருவாகிறது. இதன் காரணமாக ஆழ்ந்த தூக்கம் இன்மை, தலைவலி, காலையில் விழிக்கும்போது சோர்வு, மற்றும் நீண்ட காலத்தில் ரத்த அழுத்த மாறுபாடுகள் (Blood Pressure Variations) போன்ற பிரச்சனைகள் ஏற்படுகின்றன.

தெற்கு நோக்கி தலை வைப்பதே ஏன் சிறந்தது?

தெற்கு நோக்கி தலை வைத்துத் தூங்கும்போது, உடலின் வடதுருவமும் பூமியின் தென்துருவமும் ஒன்றிணைகின்றன. எதிரெதிர் துருவங்கள் ஈர்க்கப்படும் என்பதால், பூமியின் காந்தப்புலத்தோடு மனித உடல் முழுமையான சமநிலையை எட்டுகிறது.

சீரான ரத்த ஓட்டம்: ரத்த ஓட்டம் உடலின் அனைத்து உறுப்புகளுக்கும் சீராகப் பாய்கிறது. மூளைக்குச் செல்லும் ரத்த அழுத்தம் கட்டுப்பாட்டுக்குள் இருக்கிறது.

ஆழ்ந்த தூக்கம்: காந்தப்புல சீரமைப்பின் காரணமாக நரம்பு மண்டலம் அமைதியடைந்து, உடலுக்குத் தேவையான ஆழமான தூக்கம் (REM and Deep Sleep) கிடைக்கிறது.

மாற்றுத் திசை: தெற்கு திசைக்கு அடுத்தபடியாக, கிழக்கு நோக்கி தலை வைப்பதும் சிறந்தது என பரிந்துரைக்கப்படுகிறது. ஏனெனில் கிழக்கிலிருந்து மேற்காகச் செல்லும் இயற்கை ஆற்றல், நினைவாற்றலையும் மன அமைதியையும் மேம்படுத்த உதவுகிறது.

முன்னோர்கள் வகுத்த திசை சார்ந்த தூக்க நெறிமுறைகள் என்பது இயற்கையின் இயற்பியல் விதிகளோடு நம் உடலை ஒருங்கிணைக்கும் உயரிய அறிவியல் நுட்பமாகும். சரியான திசையில் தலை வைத்துத் தூங்குவது உடல் மற்றும் மன ஆரோக்கியத்திற்கு மிகவும் அவசியமாகும். நம் முன்னோர்களின் தெளிவான சிந்தனை, நுட்பமான திறன் மிகவும் துல்லியமான கணக்கீடுகள் நம் வாழ்வின் வழிகாட்டிகள் என்பதை உணர வேண்டும்.