9 மாவட்டங்கள் லிஸ்ட்..இன்று இரவு மழைக்கு வாய்ப்பு

Tamilnadu Weather: இன்று இரவு நெல்லை, கன்னியாகுமரி உள்ளிட்ட 9 மாவட்டங்களில் மழை பெய்ய வாய்ப்பு உள்ளதாக வானிலை மையம் தெரிவித்து உள்ளது.

மழை ( செயற்கை நுண்ணறிவு படம் )

Source : AI

தமிழ்நாட்டில் இன்று திருப்பத்தூர், ராமநாதபுரம், சிவகங்கை, திருநெல்வேலி, கன்னியாகுமரி, சேலம், கிருஷ்ணகிரி, திண்டுக்கல் மற்றும் ஈரோடு ஆகிய 9 மாவட்டங்களில் மழை பெய்ய வாய்ப்பு உள்ளதாக வானிலை மையம் தெரிவித்துள்ளது. 

pic.twitter.com/UTiBxd5dwp

— IMD-Tamilnadu Weather (@ChennaiRmc) April 20, 2025

தமிழ்நாட்டின் 7 தினங்களுக்கு வானிலை:

தமிழ்நாட்டின் வானிலையை பொறுத்தவரை தென்னிந்திய பகுதிகளின் மேல், வளிமண்டல கீழடுக்கு பகுதிகளில், கிழக்கு மற்றும் மேற்கு திசை காற்று சந்திக்கும் பகுதி நிலவுகிறது என வானிலை மையம் தெரிவித்துள்ளது. இந்த தருணத்தில் அடுத்த 7 நாட்களுக்கு வானிலை எப்படி இருப்பது என்பது குறித்த தகவலை வானிலை மையம் தெரிவித்துள்ளது.

20-04-2025:

தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும்.

21-04-2025 முதல் 26-04-2025 வரை:

தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

வெப்பநிலை :

வெப்பநிலையை பொறுத்தவரை 20-04-2025 மற்றும் 21-04-2025 வரை தமிழகம், புதுவை மற்றும் காரைக்கால் பகுதிகளில் ஓரிரு இடங்களில் அதிகபட்ச வெப்பநிலை படிப்படியாக 2-3 டிகிரி செல்சியஸ் வரை உயரக்கூடும். இதையடுத்து, 22-04-2025 முதல் 24-04-2025 வரை தமிழகத்தில் அதிகப்பட்ச வெப்பநிலையில் பெரிய மாற்றம்| ஏதுமில்லை எனினும், ஓரிரு இடங்களில் சற்று உயரக்கூடும் எனவும் தெரிவித்துள்ளது. 

சென்னை வானிலை: 

இன்று (20-04-2025) வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 37 டிகிரி செல்சியஸை ஒட்டியும், குறைந்தபட்ச வெப்பநிலை 28-29 டிகிரி செல்சியஸை ஒட்டியும் இருக்கக்கூடும் என வானிலை மையம் தெரிவித்துள்ளது.