Special train : கோவை செல்லும் பயணிகளுக்கு சூப்பர் சான்ஸ்.! சிறப்பு ரயில் அறிவிப்பு- எங்கிருந்து எங்கே.? முன்பதிவு எப்போது.?
Chennai Central to Podanur Special train : சென்னை சென்ட்ரல் முதல் போதனூர் வரை சிறப்பு ரயில் இயக்கப்படவுள்ளது. இந்த சிறப்பு ரயில் எந்த எந்த ஊர்களில் நிற்கும், முன்பதிவு எப்போது என்ற தகவலை தெற்கு ரயில்வே வெளியிட்டுள்ளது.
தெற்கு ரயில்வே சிறப்பு ரயில்
கோடை வெயிலின் தாக்கம் நாளுக்கு நாள் அதிகரித்து வருகிறது. இதன் காரணமாக ஊட்டி, கொடைக்கானல் என குளுமையான இடங்களை நோக்கி மக்கள் சென்று வருகிறார்கள். அந்த வகையில் கோவைக்கு செல்லும் அனைத்து ரயில்களிலும் முன்பதிவு முடிவடைந்து விட்டதால் சிறப்பு ரயில் விட வேண்டும் என கோரிக்கை விடுக்கப்பட்டது. அந்த வகையில் போத்தனூர் – சென்னை சென்ட்ரல் இடையே வாரத்தில் 3 நாட்கள் சிறப்பு ரயில் இயக்கப்பட இருப்பதாக தெற்கு ரயில்வே அறிவித்துள்ளது.
பயணிகளின் கூடுதல் நெரிசலை சமாளிக்கும் வகையில், தெற்கு ரயில்வே போத்தனூர் – டாக்டர் எம்.ஜி.ஆர். சென்னை சென்ட்ரல் இடையே வாரத்தில் மூன்று நாட்கள் சிறப்பு விரைவு ரயில்களை இயக்குவதாக அறிவித்துள்ளது. இந்த (ரயில் எண் 06028) சிறப்பு ரயில் போத்தனூரிலிருந்து ஜூலை 3 முதல் ஆகஸ்ட் 2, வரை வெள்ளி, சனி மற்றும் ஞாயிற்றுக்கிழமைகளில் காலை 7.40 மணிக்கு புறப்பட்டு, மாலை 4.45 மணிக்கு சென்னை சென்ட்ரலை சென்றடையும் என தெரிவிக்கப்பட்டுள்ளது.
போதனூருக்கு சிறப்பு ரயில்
சென்னை- சென்ட்ரல் வழித்தடத்தில் மொத்தம் 15 சேவைகள் இயக்கப்படவுள்ளது. மேலும் (ரயில் எண் 06027) சென்னை சென்ட்ரலிலிருந்து அதே நாட்களில் மாலை 5.45 மணிக்கு புறப்பட்டு, மறுநாள் அதிகாலை 3.00 மணிக்கு போத்தனூரை சென்றடையும் எனவும், இந்த வழித்தடத்தில் 15 சேவைகள் இயக்கப்படும் கூறப்பட்டுள்ளது.
சிறப்பு ரயில் முன்பதிவு எப்போது.?
இந்த சிறப்பு ரயிலானது திருப்பூர், ஈரோடு, சேலம், மொரப்பூர், ஜோலார்பேட்டை, காட்பாடி, அரக்கோணம் மற்றும் பெரம்பூர் ஆகிய நிலையங்களில் இந்த ரயில் நின்று செல்லும் எனவும், இந்த சிறப்பு ரயிலில் 1 ஏசி சேர் கார், 7 சேர் கார், 3 பொது இரண்டாம் வகுப்பு மற்றும் 2 மாற்றுத்திறனாளிகள் பயன்பாட்டுக்கான இரண்டாம் வகுப்பு பெட்டிகள் இணைக்கப்படும் என தெற்கு ரயில்வே தெரிவித்துள்ளது. இந்த சிறப்பு ரயில்களுக்கான முன்பதிவு ஜூலை 2, 2026 மாலை 6.00 மணி முதல் தொடங்கியுள்ளது.
தலைப்பு செய்திகள்
ட்ரெண்டிங் செய்திகள்
