மேலும் அறிய

புதுச்சேரி சட்டப்பேரவையில் புதிய வரலாறு: தற்காலிக சபாநாயகர் தலைமையில் நாளை பட்ஜெட்!

புதுச்சேரியில் முதல் முறையாக தற்காலிக பேரவைத்தலைவர் தலைமையில் பட்ஜெட் கூட்டம்: நாளை ஆளுநர் உரை, பிற்பகல் நிதிநிலை அறிக்கை தாக்கல்

புதுச்சேரி: புதுச்சேரியில் 16-வது சட்டப்பேரவையின் பட்ஜெட் கூட்டத்தொடர் நாளை (ஆகஸ்ட் 24) காலை 9.30 மணிக்கு தொடங்குகிறது. வழக்கமாக பேரவைத்தலைவர் தலைமையில் நடைபெறும் ஆளுநர் உரை மற்றும் பட்ஜெட் தாக்கல் நிகழ்வுகள், இந்த முறை பேரவைத்தலைவர் தேர்தல் நடைபெறாததால் தற்காலிக பேரவைத்தலைவர் தலைமையில் நடைபெற உள்ளது. புதுச்சேரி சட்டப்பேரவை வரலாற்றில் முதல் முறையாக இத்தகைய சூழலில் பட்ஜெட் கூட்டம் நடைபெறுகிறது.

புதுச்சேரியில் 16-வது சட்டப்பேரவையின் முதல் கூட்டம் கடந்த மே 20-ம் தேதி நடைபெற்றது. சட்டப்பேரவைக்கு புதிதாக தேர்ந்தெடுக்கப்பட்ட உறுப்பினர்கள் அன்றைய தினம் உறுதிமொழி ஏற்றுக்கொண்டனர். இதையடுத்து பேரவை ஒத்திவைக்கப்பட்டது.

பேரவைத்தலைவர் தேர்தலில் நீடிக்கும் இழுபறி

புதுச்சேரி சட்டப்பேரவைக்கு பேரவைத்தலைவரை தேர்வு செய்வதற்கான நடவடிக்கைகளை மேற்கொள்ள துணைநிலை ஆளுநருக்கு கடந்த ஜூன் மாதமே கடிதம் அனுப்பப்பட்டதாக கூறப்படுகிறது. எனினும், இதுவரை தேர்தல் நடத்துவதற்கான ஒப்புதல் கிடைக்காததால் பேரவைத்தலைவர் பதவி நிரப்பப்படாமல் உள்ளது.

ஆளும் கூட்டணியில் பேரவைத்தலைவர் பதவியை யாருக்கு வழங்குவது என்பதில் கருத்து வேறுபாடு ஏற்பட்டிருப்பதே இந்த இழுபறிக்கு முக்கிய காரணமாக கூறப்படுகிறது. பேரவைத்தலைவர் பதவியை பாஜக கோரி வரும் நிலையில், முதல்வர் என். ரங்கசாமி அந்தப் பதவியை அதிமுகவுக்கு வழங்க விரும்புவதாக தகவல்கள் வெளியாகியுள்ளன. இதனால் கூட்டணிக்குள் நீடித்து வரும் பேச்சுவார்த்தையில் இதுவரை இறுதி முடிவு எட்டப்படவில்லை.

புதுச்சேரி சட்டப்பேரவை தேர்தல் முடிந்து சுமார் 100 நாட்கள் கடந்துவிட்ட நிலையிலும் பேரவைத்தலைவர் தேர்தல் நடைபெறாததால், வழக்கமான நடைமுறையில் மாற்றம் ஏற்பட்டுள்ளது.

தற்காலிக பேரவைத்தலைவர் தலைமையில் ஆளுநர் உரை

வழக்கமாக பேரவைத்தலைவர் தேர்தல் நடத்தப்பட்டு, தேர்வு செய்யப்படும் பேரவைத்தலைவர் தலைமையில் ஆளுநர் உரை நடைபெறும். அதைத்தொடர்ந்து நிதிநிலை அறிக்கை தாக்கல் செய்யப்படுவது வழக்கம். ஆனால், இந்த முறை பேரவைத்தலைவர் தேர்வு செய்யப்படாததால் தற்காலிக பேரவைத்தலைவர் அன்பழகன் தலைமையில் கூட்டத்தொடர் நடைபெறுகிறது.

நாளை காலை 9.30 மணிக்கு சட்டப்பேரவை கூடுகிறது. பட்ஜெட் கூட்டத்தொடரை தொடங்கி வைப்பதற்காக புதுச்சேரி துணைநிலை ஆளுநர் கைலாஷ்நாதன் சட்டப்பேரவைக்கு வருகிறார். அவரை தற்காலிக பேரவைத்தலைவர் அன்பழகன் வரவேற்று, பேரவைத் தலைவருக்கான இருக்கைக்கு அழைத்துச் செல்வார்.

அதன்பின்னர் துணைநிலை ஆளுநர் கைலாஷ்நாதன் சட்டப்பேரவையில் ஆளுநர் உரையாற்றுகிறார். அரசு செயல்படுத்த உள்ள திட்டங்கள், நிர்வாக நடவடிக்கைகள் மற்றும் புதுச்சேரியின் வளர்ச்சிக்கான முக்கிய அறிவிப்புகள் உள்ளிட்டவை உரையில் இடம்பெறும் என எதிர்பார்க்கப்படுகிறது.

ஆளுநர் உரை நிறைவடைந்ததும், அவரை வழியனுப்பி வைத்த பிறகு அலுவல் ஆய்வுக்குழு கூட்டம் நடைபெறும். இதில் சட்டப்பேரவை கூட்டத்தொடரை எத்தனை நாட்கள் நடத்துவது, எந்தெந்த அலுவல்கள் மற்றும் மசோதாக்களை எடுத்துக்கொள்வது என்பது தொடர்பாக முடிவு செய்யப்படும்.

மதியம் 3 மணிக்கு பட்ஜெட் தாக்கல்

இதைத்தொடர்ந்து நாளை மதியம் 3 மணிக்கு 2026-27-ம் ஆண்டுக்கான புதுச்சேரி அரசின் நிதிநிலை அறிக்கை சட்டப்பேரவையில் தாக்கல் செய்யப்படுகிறது. நிதித்துறை பொறுப்பை வகிக்கும் முதல்வர் என். ரங்கசாமி பட்ஜெட்டை தாக்கல் செய்கிறார்.

புதுச்சேரியின் நிதிநிலை, வருவாய் மற்றும் செலவினங்கள், அரசின் நலத்திட்டங்கள், உட்கட்டமைப்பு மேம்பாடு, கல்வி, சுகாதாரம், தொழில் வளர்ச்சி உள்ளிட்ட பல்வேறு துறைகளுக்கான புதிய அறிவிப்புகள் பட்ஜெட்டில் இடம்பெற வாய்ப்புள்ளது.

ரூ.14,300 கோடி பட்ஜெட்டுக்கு மத்திய அரசு ஒப்புதல்

இம்முறை புதுச்சேரிக்கான ரூ.14,300 கோடி மதிப்பிலான பட்ஜெட்டுக்கு மத்திய அரசு ஒப்புதல் அளித்துள்ளதாக தெரிவிக்கப்பட்டுள்ளது. இதனால் கடந்த ஆண்டுகளை ஒப்பிடும்போது இந்த நிதிநிலை அறிக்கையில் பல்வேறு புதிய திட்டங்கள் மற்றும் வளர்ச்சிப் பணிகளுக்கான அறிவிப்புகள் வெளியாகும் என்ற எதிர்பார்ப்பு ஏற்பட்டுள்ளது.

புதுச்சேரியின் வருவாய் நிலை, மத்திய அரசின் நிதியுதவி, அரசு ஊழியர்களுக்கான செலவினங்கள், மக்கள் நலத்திட்டங்களுக்கான நிதி ஒதுக்கீடு உள்ளிட்ட அம்சங்கள் பட்ஜெட்டில் முக்கியத்துவம் பெறும் என எதிர்பார்க்கப்படுகிறது.

ஒருபுறம் பேரவைத்தலைவர் பதவிக்கான தேர்தல் குறித்து ஆளும் கூட்டணிக்குள் இழுபறி நீடித்து வரும் நிலையில், மறுபுறம் புதிய நிதியாண்டுக்கான பட்ஜெட் நாளை தாக்கல் செய்யப்பட உள்ளது. இதனால் புதுச்சேரி சட்டப்பேரவையின் நாளைய கூட்டம் அரசியல் ரீதியாகவும், நிர்வாக ரீதியாகவும் முக்கியத்துவம் பெற்றுள்ளது.

பேரவைத்தலைவர் தேர்தல் இன்னும் நடைபெறாத நிலையில், தற்காலிக பேரவைத்தலைவர் தலைமையில் ஆளுநர் உரையும், அதே நாளில் முதல்வர் ரங்கசாமி பட்ஜெட்டை தாக்கல் செய்வதும் புதுச்சேரி சட்டப்பேரவை வரலாற்றில் குறிப்பிடத்தக்க நிகழ்வாக அமைய உள்ளது.

Advertisement

லைவ் டிவி

ABP நாடு
ABP न्यूज़
ABP আনন্দ
ABP माझा
ABP અસ્મિતા
ABP Sਸਾਂਝਾ
POWERED BY
sponsor
Advertisement

தலைப்பு செய்திகள்

அன்பில் மகேஷின் நீதிமன்ற காவல் நீட்டிப்பு - நவ.24 இல் ஜாமின் கிடைக்குமா?
அன்பில் மகேஷின் நீதிமன்ற காவல் நீட்டிப்பு - நவ.24 இல் ஜாமின் கிடைக்குமா?
மதுரையில் நாளை (19.11.2026) வியாழன் மின்தடை... லிஸ்டை பாருங்க பாஸ் !
மதுரையில் நாளை (19.11.2026) வியாழன் மின்தடை... லிஸ்டை பாருங்க பாஸ் !
கார்த்திகை தீபத்துக்கு தயாராகும் மாவொளி... விழுப்புரம் பனையேறியின் கைவண்ணத்தில் பாரம்பரியப் பணி!
கார்த்திகை தீபத்துக்கு தயாராகும் மாவொளி... விழுப்புரம் பனையேறியின் கைவண்ணத்தில் பாரம்பரியப் பணி!
"இனியும் எத்தனை உயிர்கள் போகணும்?" - 4 வயது குழந்தை டெங்குவுக்கு பலி.. அதிகாரிகள் அலட்சியம் என மக்கள் புகார்
Advertisement
Advertisement

வீடியோ

Minister Inspection : ”எல்லாமே அப்படியே தான் இருக்கு ஒரு நாளும் வேலை நடக்கல”அதிகாரியை விளாசிய அமைச்சர்
MK Stalin on Vijay :
Rowdy Sullan Madhan : ஜாமீனில் வெளிவந்த ரவுடி ஓட ஓட விரட்டி வெட்டிக் கொலை சிவகங்கையில் கொடூரம்!
Mridangam Performance : 8 வயது சிஷ்யனை மேடையேற்றிய மிருதங்க வித்வான் ராமச்சந்திரன்!பக்தர்கள் கரவொலி
5 family members dead : தூக்கத்திலேயே 5 பேர் பலி! கொலையா? நூடுல்ஸ் காரணமா? விசாரணையில் திடுக் தகவல்

ஃபோட்டோ கேலரி

பர்சனல் கார்னர்

முக்கிய கட்டுரைகள்
டாப் ரீல்ஸ்
அன்பில் மகேஷின் நீதிமன்ற காவல் நீட்டிப்பு - நவ.24 இல் ஜாமின் கிடைக்குமா?
அன்பில் மகேஷின் நீதிமன்ற காவல் நீட்டிப்பு - நவ.24 இல் ஜாமின் கிடைக்குமா?
DMK: சைலன்ட் மோடில் திமுக முன்னாள் அமைச்சர்.. அடுத்து தவெகவில் இணைய திட்டமா? யார் அந்த அவர்?
DMK: சைலன்ட் மோடில் திமுக முன்னாள் அமைச்சர்.. அடுத்து தவெகவில் இணைய திட்டமா? யார் அந்த அவர்?
"Reels முதலமைச்சர், Real முதலமைச்சராவது எப்போது?": CM-ஐ சாடிய டி.டி.வி தினகரன்!
IPL Auction: ஐபிஎல் ஏல தேதி அறிவிப்பு - எங்கு? எப்போது? எத்தனை கோடிகள் மீதம்?யாரிடம் அதிக தொகை - முழு லிஸ்ட்
ஐபிஎல் ஏல தேதி அறிவிப்பு - எங்கு? எப்போது? எத்தனை கோடிகள் மீதம்?யாரிடம் அதிக தொகை - முழு லிஸ்ட்
Olympic City: அட்ரா சக்க..! 5 மாவட்டங்களுக்கு ஜாக்பாட், சென்னையில் பிரமாண்ட ஒலிம்பிக் சிட்டி - டெண்டர் விட்ட தமிழ்நாடு அரசு
அட்ரா சக்க..! 5 மாவட்டங்களுக்கு ஜாக்பாட், சென்னையில் பிரமாண்ட ஒலிம்பிக் சிட்டி - தமிழ்நாடு அரசு அதிரடி
Chennai Airport: நாங்க ரெடி, நீங்க எப்போ வருவீங்க? சென்னை புதிய விமான நிலையம் - ஏர்போர்ட் அத்தாரிட்டி ஆய்வு?
நாங்க ரெடி, நீங்க எப்போ வருவீங்க? சென்னை புதிய விமான நிலையம் - ஏர்போர்ட் அத்தாரிட்டி ஆய்வு?
Vijay TN Govt: தொல்லை கொடுக்க தொடங்கிய பாஜக..? தலைவலியில் ஆளும் தவெக - சமாளிப்பாரா CM விஜய்?
தொல்லை கொடுக்க தொடங்கிய பாஜக..? தலைவலியில் ஆளும் தவெக - சமாளிப்பாரா CM விஜய்?
Mini Cooper EV: நாட்டின் ஒரே க்ளோபல் மின்சார ஹேட்ச்பேக்..! 391KM ரேஞ்ச் காருக்கான முன்பதிவு தொடக்கம் - முழு விவரம்
நாட்டின் ஒரே க்ளோபல் மின்சார ஹேட்ச்பேக்..! 391KM ரேஞ்ச் காருக்கான முன்பதிவு தொடக்கம் - முழு விவரம்
Embed widget