மேலும் அறிய

HBDTNCM: “சமூக நீதியின் உச்சம் உங்கள் வரலாற்றின் வசமாகட்டும்” - முதலமைச்சருக்கு மாரி செல்வராஜ் வாழ்த்து

பிறந்தநாளை முன்னிட்டு சென்னை மெரினா கடற்கரையில் உள்ள அண்ணா, கருணாநிதி நினைவிடங்களுக்குச் சென்ற முதலமைச்சர் ஸ்டாலின் மலர் தூவி மரியாதை செய்தார்.

By : ABP NADU | Updated at : 01 Mar 2022 11:32 PM (IST)

Director Mari selvaraj along with actor Fahadh fassil wished tn cm mk stalin on his birthday HBDTNCM: “சமூக நீதியின் உச்சம் உங்கள் வரலாற்றின் வசமாகட்டும்” - முதலமைச்சருக்கு மாரி செல்வராஜ் வாழ்த்து

முதலமைச்சருக்கு வாழ்த்து தெரிவித்த மாரி செல்வராஜ், ஃபகத் ஃபாசில்

தமிழ்நாடு முதலமைச்சர் மு.க ஸ்டாலின் தனது 69வது பிறந்தநாளை இன்று கொண்டாடுகிறார். அரசியல் தலைவர்கள், கட்சி தொண்டர்கள் என பல்வேறு தரப்பினரும் அவருக்கு வாழ்த்துகளை தெரிவித்து வருகின்றனர். இந்நிலையில் பிறந்தநாளை முன்னிட்டு சென்னை மெரினா கடற்கரையில் உள்ள அண்ணா, கருணாநிதி நினைவிடங்களுக்குச் சென்ற முதலமைச்சர் ஸ்டாலின் மலர் தூவி மரியாதை செய்தார். துரைமுருகன், நேரு, தயாநிதி மாறன் உள்ளிட்ட திமுக பிரமுகர்கள் உடன் இருந்தனர்.

'யார் என்னை வாழ்த்தினாலும், உங்களுடைய வாழ்த்துக்கு நிச்சயம் அது ஈடாகாது'

- பார்வை மற்றும் செவித்திறன் குறைபாடுடையோர் மேல்நிலைப் பள்ளியில் பிறந்தநாள் கொண்டாடிய முதல்வர் மு.க.ஸ்டாலின்https://t.co/wupaoCQKa2 | #MKStalin #HBDTNCM #DMK pic.twitter.com/RcDYz8s0GL
— ABP Nadu (@abpnadu) March 1, 2022

வாழ்த்துகள் குவிந்த நிலையில், இயக்குனர் மாரி செல்வராஜ் முதலமைச்சரை சந்தித்து பிறந்துநாள் வாழ்த்துகளை தெரிவித்துள்ளார். தென்னிந்தியாவின் சிறந்த நடிகர்களில் ஒருவரான ஃபகத் ஃபாசில் உடன் சென்றுள்ளார். இது குறித்து மாரி செல்வராஜ் தனது ஃபேஸ்புக் பக்கத்தில் வெளியிட்ட பதிவில், மாண்புமிகு தமிழக முதல்வர் மு. க ஸ்டாலின் ஐயா அவர்களுக்கு என் இனிய பிறந்தநாள் வாழ்த்துக்கள். சமூக நீதியின் உச்சம் உங்கள் வரலாற்றின் வசமாகட்டும்” என தெரிவித்திருக்கிறார்.