CM Stalin: இது ஆரம்பம் தான்..! அபாய ஒலி, தொகுதி மறுசீரமைப்பு விவகாரம், முதலமைச்சர் ஸ்டாலின் அதிரடி
CM Stalin On Delimitation: தொகுதி மறுசீரமைப்பால் தமிழ்நாட்டின் எம்.பிக்களின் எண்ணிக்கை குறையும் அபாயம் இருப்பதாக முதலமைச்சர் ஸ்டாலின் எச்சரித்துள்ளார்.
CM Stalin On Delimitation: தொகுதி மறுசீரமைப்பு தொடர்பான கூட்டத்தில் பங்கேற்க, 7 மாநில முதலமைச்சர்களுக்கு ஸ்டாலின் அழைப்பு விடுத்துள்ளார்.
முதலமைச்சர் ஸ்டாலின் அழைப்பு
முதலமைச்சர் ஸ்டாலின் வெளியிட்டுள்ள வீடியோ பதிவில், “
இந்திய கூட்டாட்சிக்கு ஒரு வரலாற்றுச் சிறப்புமிக்க நாள்!
#Fairdelimitation தொடர்பான கூட்டு நடவடிக்கைக் குழுக் கூட்டத்தில் எங்களுடன் இணையும் கேரளா, கர்நாடகா, ஆந்திரா, தெலுங்கானா, ஒடிசா, மேற்கு வங்கம் மற்றும் பஞ்சாப் ஆகிய மாநிலங்களைச் சேர்ந்த தலைவர்களை நான் மனதார வரவேற்கிறேன் . மார்ச் 5 ஆம் தேதி நடைபெற்ற அனைத்துக் கட்சிக் கூட்டம் ஒரு மைல்கல் தருணமாக அமைந்தது, இதில் தமிழ்நாட்டின் 58 பதிவுசெய்யப்பட்ட அரசியல் கட்சிகள் தங்கள் வேறுபாடுகளை ஒதுக்கி வைத்துவிட்டு, நியாயமான எல்லை நிர்ணயம் என்ற ஒரே நோக்கத்திற்காக ஒன்றிணைந்தன. இந்த மிகப்பெரிய ஒருமித்த கருத்து, தமிழ்நாட்டின் ஜனநாயகம் மற்றும் நீதிக்கான அசைக்க முடியாத அர்ப்பணிப்பைப் பிரதிபலித்தது.
A historic day for Indian federalism!
— M.K.Stalin (@mkstalin) March 21, 2025
I extend my warmest welcome to the leaders from Kerala, Karnataka, Andhra Pradesh, Telangana, Odisha, West Bengal & Punjab who are joining us for the Joint Action Committee meeting on #FairDelimitation.
The All-Party Meeting on March 5 was… pic.twitter.com/Wra2NmccIA
இந்த வரலாற்று ஒற்றுமையை கட்டியெழுப்ப, நமது எம்.பி.க்கள் மற்றும் அமைச்சர்கள் பாதிக்கப்பட்ட பிற மாநிலங்களின் தலைவர்களுடன் தீவிரமாக ஈடுபட்டு, நமது கூட்டுத் தீர்மானத்தை வலுப்படுத்தினர். தமிழ்நாட்டின் முன்முயற்சியாகத் தொடங்கியது இப்போது ஒரு தேசிய இயக்கமாக வளர்ந்துள்ளது, இந்தியா முழுவதும் உள்ள மாநிலங்கள் நியாயமான பிரதிநிதித்துவத்தைக் கோர கைகோர்த்துள்ளன. இது நமது கூட்டுப் பயணத்தில் ஒரு வரையறுக்கும் தருணம். இது ஒரு சந்திப்பை விட அதிகம் - இது நமது நாட்டின் எதிர்காலத்தை வடிவமைக்கும் ஒரு இயக்கத்தின் தொடக்கமாகும்.
ஒன்றாக, நாம் #FairDelimitation ஐ அடைவோம்” என முதலமைச்சர் ஸ்டாலின் குறிப்பிட்டுள்ளார்.
”தமிழக எம்.பிக்கள் எண்ணிக்கை குறையும்”
தொகுதி மறுசீரமைப்பு தொடர்பாக நாளை நடைபெறவுள்ள கூட்டு நடவடிக்கைக் குழு கூட்டத்தை முன்னிட்டு வீடியோ பதிவையும் வெளியிட்டுள்ளார். அதில், “மக்கள் தொகையை கட்டுப்படுத்தி சிறப்பாக செயல்பட்டு நாட்டின் வளர்ச்சிக்கு பங்களித்த மாநிலங்களுக்கு, தொகுதி மறுசீரமைப்பு என்ற பெயரில் ஒன்றிய அரசு தண்டனை வழங்கக் கூடாது. இது மாநிலங்களை அவமதிக்கும் செயல்.
2026-ல் தொகுதி மறுவரையறை நிச்சயமாக நடந்தே ஆக வேண்டும். அப்போது மக்கள்தொகை அடிப்படையில் நடந்தால் எம்.பி.க்கள் பிரதிநிதித்துவம் பாதிக்கப்படும். இது எம்.பி.க்கள் எண்ணிக்கை சார்ந்த பிரச்னை மட்டுமல்ல. மாநிலத்தின் உரிமை சார்ந்த பிரச்னை. ஆகவே நம்மைபோல பாதிக்கப்பட்ட பிற மாநிலங்களையும் கூட்டி நாளை ஆலோசனைக்கூட்டம் நடத்துகிறோம். தொகுதி மறுசீரமைப்பால் தமிழ்நாடு உள்ளிட்ட மாநிலங்கள் பாதிக்கப்பட்டால் ஜனநாயகத்திற்கு மறுப்பு இருக்காது. இதுவெறும் கூட்டம் மட்டுமல்ல, நாட்டின் எதிர்காலத்தை வடிவமைக்கக் கூடிய ஒரு இயக்கத்தின் தொடக்கம்” என முதலமைச்சர் ஸ்டாலின் பேசியுள்ளார்.
தலைப்பு செய்திகள்
ட்ரெண்டிங் செய்திகள்
