மயிலாடுதுறை மக்களுக்கு காலையில் கிடைத்த மகிழ்ச்சி செய்தி... என்ன தெரியுமா..?

Mayiladuthurai Power Shutdown 12.08.2025: மயிலாடுதுறை மாவட்டத்தில் இன்று பல்வேறு இடங்களில் காலை 9 மணி முதல் மாலை 5 மணி வரை மேற்கொள்ள இருந்த மின்சாரம் தடை வாபஸ் பெறப்பட்டுள்ளது.

செயற்கை நுண்ணறிவு சித்தரிப்பு படம்

Source : ABP

Mayiladuthurai Power Shutdown: மயிலாடுதுறை மாவட்டத்தில் பல்வேறு பகுதிகளில் நாளை (12.08.2025) மின் பாதையில் பராமரிப்பு பணிகள் நடைபெற உள்ளதால், பல இடங்களில் காலை 9 மணி முதல் மாலை 5 மணி வரை  செய்யப்பட இருந்த மின்நிறுத்தம்  நிர்வாக காரணங்களால் வாபஸ் பெறப்பட்டுள்ளது.

மாதாந்திர மின் பராமரிப்பு பணி 

தமிழ்நாட்டில் மின்வாரியத்தின் சார்பில் மாதந்தோறும் ஒரு முறை பராமரிப்பு பணிகள் நடைபெறுவது வழக்கம். இதன் காரணமாக, மாதத்தில் ஒருநாள் மின்தடை செய்யப்படுவது வாடிக்கை. மயிலாடுதுறை மாவட்டத்திலும் ஒவ்வொரு பகுதிகளிலும் மாதத்தில் ஒரு நாள் பராமரிப்பு பணிகளுக்காக மின் தடை செய்யப்பட்டு வருகிறது.  மேலும் மின்சாரம் நிறுத்தப்படும் போது அதுபற்றி முந்தைய நாளன்று அறிவிக்கப்படும்.

மின்நிறுத்த நேரம் 

பராமரிப்பு பணிக்காக காலை 9 மணி முதல் மாலை 5 மணி வரை சம்பந்தப்பட்ட பகுதியில் மின்சேவை நிறுத்தப்படும். வழக்கமாக காலை 9 அல்லது 10 மணியிலிருந்து மாலை 5 மணிவரை, அல்லது 9 காலை மணி முதல் மதியம் 2 மணிவரை மின்சார பராமரிப்பு பணிகளுக்கான மின்சேவை நிறுத்தம் செய்யப்படும். இதுபோன்ற பராமரிப்பு பணியின் பொழுது, சிறு சிறு பழுதுகள் ஏற்பட்டு இருந்தால் அதனை சரி செய்வது, மின்கம்பம் மற்றும் மின்வழி தடங்களில் உள்ள மரக்கிளைகளை அப்புறப்படுத்துவது உள்ளிட்ட பல்வேறு பராமரிப்பு பணிகளில் மின்சார வாரிய ஊழியர்கள் ஈடுபடுவது வழக்கம். 

மணல்மேடு துணை மின்நிலையம் 

மயிலாடுதுறை மாவட்டம் மணல்மேடு துணை மின் நிலையத்தில் இன்று தினம் 12.08.2025 செவ்வாய்கிழமை காலை 9 மணிமுதல் மாலை 5 வரை மின் பராமரிப்பு பணிக்காக மின் நிறுத்தம் செய்யப்படுவதாக தெரிவிக்கப்பட்டிருந்தது. இது குறித்து சீர்காழி மின்வாரிய கோட்ட செயற் பொறியாளர் மூர்த்தி விடுத்துள்ள செய்திக்குறிப்பில் கூறியதாவது;

 

எதிர்வரும் 12.08.2025 செவ்வாய்கிழமை அன்று மணல்மேடு துணை மின் நிலையத்தில் இருந்து மின்னோட்டம் பெறும் மின்பாதைகளில் மாதாந்திர பராமரிப்பு பணிகள் மேற்கொள்ள இருப்பதால், அன்றைய தினம் காலை 09.00 மணி முதல் மாலை 05.00 மணி வரை மேற்கண்ட மின்பாதைகளில் இருந்து மின் வினியோகம் பெறும் ஊர்களில் மின் நிறுத்தம் செய்யப்படும் என தெரிவித்திருந்தார் 

மின் நிறுத்தம் செய்யப்படும் இடங்கள் 

மணல்மேடு, ராதாநல்லூர், கிழாய், கடலங்குடி, திருமங்கலம், காளி, இளந்தோப்பு, பட்டவர்த்தி, மண்ணிப்பள்ளம், சித்தமல்லி, திருச்சிற்றம்பலம், வரதம்பட்டு, நமச்சிவாயபுரம், ஆத்தூர், உச்சிதமங்கலம், பாண்டூர், வடவாஞ்சார் மற்றும் திருவாளப்புத்தூர் ஆகிய பகுதிகளில் மின்சாரம் இருக்காது என தெரிவிக்கப்பட்டுள்ளது.

மாறுதலுக்கு உட்பட்டது 

மேலும் அன்றையதினம் மின்நிறுத்தம் செய்வது மின்கட்டமைப்பு மற்றும் இதர காரணங்களைப் பொறுத்து கடைசி நேர மாறுதலுக்குட்பட்டலாம் எனவும் கூறப்பட்டுள்ளது. இதனை அடுத்து பொதுமக்கள் தங்கள் மின்சாரம் சார்ந்த தேவைகளை முன்னாக திட்டமிட்டு ஏற்படும் சிரமங்களை தவிர்த்துக்கொள்ள அறிவுத்தப்பட்ட இருந்தது.

மின் நிறுத்தம் வாபஸ் 

இந்நிலையில் இன்று (12-08-2025) மணல்மேடு துணை மின் நிலையத்தில் மாதாந்திர பராமரிப்பு பணிகளுக்காக அறிவிக்கப்பட்டு இருந்த மின் நிறுத்தம் தவிர்க்க முடியாத காரணங்களுக்காக ரத்து செய்யப்படுகிறது என உதவி செயற்பொறியாளர் இயக்குதல் & பராமரிப்பு தமிழ் நாடு மின் பகிர்மான கழகம் மணல்மேடு தெரிவித்துள்ளார்.

இதையும் படிக்க

மயிலாடுதுறை ரயில் நிலையத்தில் அதிர்ச்சி சம்பவம்! அம்ரித் பாரத் திட்டத்தில் தரமற்ற பணிகள்? அச்சத்தில் பயணிகள்!

இரட்டை அர்த்தத்தில் பேசும் மயிலாடுதுறை வேளாண் அதிகாரி: பெண் ஊழியர்களுக்கு மன உளைச்சல், விவசாயிகள் கொந்தளிப்பு! நடவடிக்கை எடுக்குமா அரசு?