Mayiladuthurai Power Shutdown (02.08.2025) : மயிலாடுதுறை மாவட்ட மக்களுக்கு மகிழ்ச்சி செய்தி.. இன்று மேற்கொள்ள இருந்த மின்நிறுத்தம் கேன்சல்...!

Mayiladuthurai Power Shutdown 02.08.2025: மயிலாடுதுறை மாவட்டத்தில் இன்று பல்வேறு பகுதிகளில் காலை 9 மணி முதல் மாலை 5 மணி வரை மின்சாரம் தடை செய்யப்பட இருந்த மின்நிறுத்தம் வாபஸ் பெறப்பட்டுள்ளது.

செயற்கை நுண்ணறிவு சித்தரிப்பு படம்

Source : ABP

Mayiladuthurai Power Shutdown: மயிலாடுதுறை மாவட்டத்தில் பல்வேறு பகுதிகளில் இன்று (02.08.2025) மின் பாதையில் பராமரிப்பு பணிகள் நடைபெற உள்ளதால், பல இடங்களில் காலை 9 மணி முதல் மாலை 5 மணி வரை மேற்கொள்ள இருந்த மின்சாரம் நிறுத்தம் நிர்வாக காரணங்களால் வாபஸ் பெறப்பட்டுள்ளது.

மாதாந்திர மின் பராமரிப்பு பணி 

தமிழ்நாட்டில் மின்வாரியத்தின் சார்பில் மாதந்தோறும் ஒரு முறை பராமரிப்பு பணிகள் நடைபெறுவது வழக்கம். இதன் காரணமாக, மாதத்தில் ஒருநாள் மின்தடை செய்யப்படுவது வாடிக்கை. மயிலாடுதுறை மாவட்டத்திலும் ஒவ்வொரு பகுதிகளிலும் மாதத்தில் ஒரு நாள் பராமரிப்பு பணிகளுக்காக மின் தடை செய்யப்பட்டு வருகிறது.  மேலும் மின்சாரம் நிறுத்தப்படும் போது அதுபற்றி முந்தைய நாளன்று அறிவிக்கப்படும்.

மின்நிறுத்த நேரம் 

பராமரிப்பு பணிக்காக காலை 9 மணி முதல் மாலை 5 மணி வரை சம்பந்தப்பட்ட பகுதியில் மின்சேவை நிறுத்தப்படும். வழக்கமாக காலை 9 அல்லது 10 மணியிலிருந்து மாலை 5 மணிவரை, அல்லது 9 காலை மணி முதல் மதியம் 2 மணிவரை மின்சார பராமரிப்பு பணிகளுக்கான மின்சேவை நிறுத்தம் செய்யப்படும். இதுபோன்ற பராமரிப்பு பணியின் பொழுது, சிறு சிறு பழுதுகள் ஏற்பட்டு இருந்தால் அதனை சரி செய்வது, மின்கம்பம் மற்றும் மின்வழி தடங்களில் உள்ள மரக்கிளைகளை அப்புறப்படுத்துவது உள்ளிட்ட பல்வேறு பராமரிப்பு பணிகளில் மின்சார வாரிய ஊழியர்கள் ஈடுபடுவது வழக்கம். 

மேமாத்தூர் துணை மின்நிலையம்

அந்த வகையில் சீர்காழி மின்கோட்டத்திற்கு உட்பட்ட மேமாத்தூர் துணை மின் நிலையத்தில் இன்றைய தினம் 02.08.2025 சனிக்கிழமை மாதாந்திர பராமரிப்பு பணிகள் நடைபெறுவதால் இந்த துணை மின் நிலையத்தில் இருந்து மின்விநியோகம் பெரும் பகுதிகளில் இன்று காலை 9.00 மணி முதல் மாலை 05.00 மணி வரை மின் விநியோகம் இருக்காது என செம்பனார்கோயில் உதவிசெயற்பொறியாளர் சரவணன் வெளியிட்டுள்ள செய்திக்குறிப்பில் தெரிவித்திருந்த நிலையில், நிர்வாக காரணங்களுக்காக அந்த அறிவிப்பினை திரும்ப பெற்றுக்கொள்வதாக தெரிவித்துள்ளார்.

மின் நிறுத்தம் செய்யப்பட இருந்த  இடங்கள்

மேமாத்தூர், கீழ்மாத்தூர், சாத்தனூர், மேலக்கட்டளை, ஆறுபாதி, பரசலூர் ஒரு சிலபகுதி. நல்லுச்சேரி, ஆனைமட்டம், கடலி, நரசிங்கநத்தம் மற்றும் அதன் சுற்று வட்டாரப் பகுதிகள் 

மயிலாடுதுறை துணை மின்நிலையம் பேச்சாவடி

இதேபோன்று இன்றைய தினம் மயிலாடுதுறை துணை மின் நிலையத்தில் மாதாந்திர மின் பராமரிப்பு பணி நடைபெற உள்ளதை அடுத்து காலை 09.00 மணி முதல் மாலை 5.00 வரை இந்த மின்நிலையத்தில் இருந்து மின் வினியோகம் பெறும் பகுதிகளில் மின்சாரம் தடைபெறும் என என மயிலாடுதுறை உதவிசெயற்பொறியாளர் அப்துல் வஹாப் மறக்காயர் விடுத்துள்ள செய்தி குறிப்பில் தெரிவிக்கப்படிருந்த நிலையில் அதனை வாபஸ் பெற்றுள்ளார்.

மின் வினியோகம் தடைபெற இருந்த ஊர்கள்

மூவலூர், சித்தர்காடு, அரையபுரம், மறையூர், கூறைநாடு, மகாதான தெரு, பெரிய கடைத் தெரு, பூம்புகார் ரோடு, தருமபுரம் மெயின் ரோடு, தரங்கை சாலை, வழுவூர், எலந்தங்குடி, கப்பூர், வடகரை, அன்னவாசல், இளையாளூர், அரங்ககுடி, செறுதியூர், குளிச்சார், மன்னன்பந்தல் மற்றும் அதன் சுற்றுவட்டார பகுதிகள் 

மயிலாடுதுறை நகர் துணை மின் நிலையம்

மேலும், மயிலாடுதுறை நகர் துணை மின் நிலையத்திலும் நாளைய தினம் மாதாந்திர பராமரிப்பு பணி மேற்கொள்ள இருப்பதை அடுத்து காலை 9 மணி முதல் மாலை 5 மணி வரை மின்விநியோகம் இருக்காது என உதவி செயற்பொறியாளர் கலியபெருமாள் விடுத்துள்ள செய்தி குறிப்பில் தெரிவித்தார் அதுவும் இன்று இல்லை என தெரிவிக்கப்பட்டுள்ளது.

மின்சாரம் தடை இருந்த இடங்கள்

பட்டமங்கலம் தெரு, அரசு மருத்துவமனை சாலை, ஸ்டேட் பேங்க் ரோடு, திருவிழுந்தூர் மற்றும் அதன் சுற்று வட்டாரப் பகுதிகள் 

இதையும் படிக்க

TVK Vijay: விஜய்யுடன் காங்கிரஸ் கூட்டணியா? டெல்லியில் சோனியா, ராகுல் ஆலோசனை!

Car Sale July 2025: படுத்தேவிட்ட டாடா, மாருதிக்கே இப்படியா? மஹிந்திரா காட்டில் மழை - ஜுலை மாத கார் விற்பனை