இந்த தாடியா அந்த தாடியா? மோடியை சீண்டிய கமல்..
ஜெயலலிதா பாணியில் அவர் மோடி பெயரை சவாலுக்கு அழைத்து இருப்பது அரசியல் களத்தை சூடு பிடிக்க செய்துள்ளது.
இந்த தாடியா அந்த தாடியா என பாஜகவிற்கு மக்கள் நீதி மய்யம் தலைவர் கமல்ஹாசன் சவால் விடுத்துள்ளார். திருச்சியில் மக்கள் நீதி மய்யம் கூட்டணி வேட்பாளர்களை ஆதரித்து பிரச்சாரத்தில் ஈடுபட்ட அவர், தான் நேர்மையானவன் என்றும் ஒழுங்காக வருமான வரி கட்டி வருபவன் என்றும் தெரிவித்தார்.
பாஜகவின் பீ டீம் விமர்சனத்திற்கு பதிலடி கொடுக்கும் விதமாக இந்த தாடியா அந்த தாடியா என பார்த்துவிடலாம் என பிரதமர் மோடியை குறிப்பிட்டு பேசினார். இட ஒதுக்கீடு தொடர்பான கமல்ஹாசன் பேசியது சர்ச்சை ஆன நிலையில், தற்போது ஜெயலலிதா பாணியில் அவர் மோடி பெயரை சவாலுக்கு அழைத்து இருப்பது அரசியல் களத்தை சூடுபிடிக்க செய்துள்ளது.
2014 நாடாளுமன்ற தேர்தலின்போது அதிமுக பாஜகவின் பீ டீம் என்ற விமர்சனம் திமுக உள்ளிட்ட எதிர்க்கட்சிகளால் வைக்கப்பட்டது. அதற்கு பதிலடி தரும் விதமாக 'மோடியா இந்த லேடியா' என பிரச்சாரத்தில் ஜெயலலிதா பேசியது இங்கு குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
