மேலும் அறிய

மதுரையில் தக்காளி விலை அதிரடி வீழ்ச்சி.. இல்லத்தரசிகளுக்கு கொண்டாட்டம் - விலை விபரம் என்ன !

வரத்து அதிகரிப்பால் தக்காளி விலை கடந்த 3 மாதங்களுக்கு பிறகு வீழ்ச்சி அடைந்துள்ளது, குறிப்பிடத்தக்கது. இதனால் இல்லத்தரசிகள் நிம்மதி அடைந்து தக்காளிகளை வாங்கி செல்கின்றனர்.

By : அருண் சின்னதுரை | Updated at : 03 Feb 2026 12:04 PM (IST)

தக்காளி

Source : whatsapp

3 மாதங்களுக்கு பிறகு வீழ்ச்சி அடைந்த தக்காளி விலை - இல்லத்தரசிகள் நிம்மதி.

மதுரை மாட்டுத்தாவணி காய்கறிகள் விற்பனை சந்தை

மதுரை மாட்டுத்தாவணி காய்கறிகள் விற்பனை சந்தைக்கு ஆந்திரா மற்றும் கர்நாடகா மாநிலங்களில் இருந்து தினசரி தக்காளி விற்பனைக்கு வருகிறது. பரவலாக அவ்வப்போது பெய்த மழை மற்றும் வெளி மாநில வியாபாரிகளின் கொள்முதல் காரணமாக மதுரை மார்க்கெட்டுக்கு வரும் தக்காளியின் வரத்து தினசரி 30 லாரிகளாக குறைந்து இருந்தது. இதனால் வெளி மார்க்கெட்டில் உள்ள காய்கறி மற்றும் மளிகை கடைகளில் ஒரு கிலோ தக்காளி ரூ.70 வரை விற்கப்பட்டது. இந்த நிலையில் கடந்த சில நாட்களாகவே தக்காளியின் வரத்து படிப்படியாக அதிகரித்து வந்தது. இன்று 50-க்கும் மேற்பட்ட லாரிகளில் தக்காளி விற்பனைக்கு குவிந்தது.

விற்பனையில் தக்காளியின் விலை கடும் வீழ்ச்சி

இதையடுத்து மொத்த விற்பனையில் தக்காளியின் விலை கடும் வீழ்ச்சி அடைந்து, ஒரு கிலோ ரூ.15-க்கு விற்பனை செய்யப்பட்டு வருகிறது. கடந்த வாரம் வரை மார்க்கெட்டில் உள்ள சில்லரை விற்பனை கடைகளில் ஒரு கிலோ ரூ.40-வரை விற்கப்பட்ட தக்காளி இன்று ரூ.20 ஆக குறைந்து உள்ளது. வரத்து அதிகரிப்பால் தக்காளி விலை கடந்த 3 மாதங்களுக்கு பிறகு வீழ்ச்சி அடைந்துள்ளது, குறிப்பிடத்தக்கது. இதனால் இல்லத்தரசிகள் நிம்மதி அடைந்து தக்காளிகளை வாங்கி செல்கின்றனர்.

இதையும் படிக்க

சிவகங்கை அங்கன்வாடி மையத்தில் மின் கட்டணம் செலுத்தாததால், மின் இணைப்பு துண்டிப்பு - குழந்தைகள் அவதி!