திண்டுக்கல்: சிறுமி பாலியல் வழக்கில் கூலித்தொழிலாளிக்கு 20 ஆண்டுகள் சிறை
சிறுமலை பகுதியில் சிறுமியை கடத்தி பாலியல் வன்கொடுமை செய்த வழக்கில் கூலித்தொழிலாளிக்கு 20 ஆண்டுகல் சிறை தண்டனையும், 20 ருபாய் அபராதமும் விதித்து தீர்ப்பளிக்கப்பட்டது.
திண்டுக்கல் அருகே உள்ள சிறுமலை பகுதியை சேர்ந்தவர் குழந்தைசாமி (32). கூலித்தொழிலாளி. இவர் கடந்த 2 ஆண்டுகளுக்கு முன்பு 16 வயது சிறுமியை கடத்தி சென்று பாலியல் வன்கொடுமை செய்ததாகவும் பாதிக்கப்பட்ட சிறுமியின் தந்தையின் இரண்டு சக்கர வாகனத்தையும் திருடி சென்றதாகவும் வழக்கு பதியப்பட்டு கைது செய்யப்பட்டார்.
இதையடுத்து, போக்சோ சட்டத்தின் கீழ் போலீசார் வழக்குப்பதிவு செய்து குழந்தைசாமியை கைது செய்தனர். கடத்தி செல்லப்பட்ட சிறுமியை மீட்டு போலீசார் பெற்றோரிடம் ஒப்படைத்தனர். இந்த வழக்கின் விசாரணையானது திண்டுக்கல் மகிளா நீதிமன்றத்தில் நடைபெற்றது. இந்த வழக்கை நீதிபதி சரண் விசாரித்தார். அரசு தரப்பில் வழக்கறிஞர் ஜோதி ஆஜராகி வாதாடினார்.
வீடில்லை... விசாலமான உள்ளம் மட்டுமே... - தெருநாய்களுடன் குடைக்குள் குட்டித் தூக்கம் - வைரல் க்ளிக்
இந்த வழக்கின் விசாரணை நிறைவுபெற்றதை தொடர்ந்து நேற்று நீதிபதி சரண் தீர்ப்பளித்தார். அதில் குற்றம்சாட்டப்பட்ட குழந்தைசாமிக்கு போக்சோ சட்டத்தின் கீழ் 20 ஆண்டுகள் சிறை தண்டனை மற்றும் ரூ.20 ஆயிரம் அபராதம் விதித்தார். மேலும் சிறுமியை கடத்தி சென்றதற்கு 4 ஆண்டுகள் சிறை மற்றும் ரூ.5 ஆயிரம் அபராதமும், மோட்டார் சைக்கிளை திருடியதற்கு 2 ஆண்டுகள் சிறை மற்றும் ரூ.500 அபராதமும் விதித்து, தண்டனையை ஏககாலத்தில் அனுபவிக்க வேண்டும் என்று நீதிபதி உத்தரவிட்டார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
