Watch Video: ‛நெருப்பு டா சாப்பிடு டா பார்ப்போம்'- வைரலாகும் நெருப்பு மோமோஸ் வீடியோ!

நெருப்பு அனல் பறக்கும் மோமோஸ் வகையின் செய்முறை வீடியோ சமூகவலைதளத்தில் வேகமாக வைரலாகி வருகிறது.

நெருப்பு மோமோஸ்

பொதுவாக உணவு தொடர்பான வீடியோ என்றால் சமூக வலைதளத்தில் மிகவும் வைரலாவது வழக்கம். அதிலும் குறிப்பாக அந்த உணவில் ஒரு விதமான ஆச்சரியமான அல்லது வித்தியாசமான பொருட்கள் சேர்க்கப்பட்டால் அதை பலரும் பார்த்து மகிழ்வார்கள். அந்தவகையில் தற்போது மீண்டும் ஒரு உணவு தொடர்பான வீடியோ ஒன்று இன்ஸ்டாகிராம் தளத்தில் மிகவும் வைரலாகி உள்ளது. இப்படி அந்த உணவு திடீரென்று வைரலாக காரணம் என்ன?

இந்த உணவு தொடர்பாக உணவு ரிவ்யூ செய்யும் ஒருவர் தன்னுடைய இன்ஸ்டாகிராம் தளத்தில் வீடியோ ஒன்றை பகிர்ந்துள்ளார். அந்த வீடியோவில் நெருப்பை வைத்து சாஸ் ஊற்று மோமோஸ் செய்யும் வகையில் காட்சிகள் இடம்பெற்றுள்ளன. அதாவது முதலில் அவர் மோமோஸை அடுப்பில் வைத்து வறுத்து எடுக்கிறார். அதன்பின்னர் அந்த வறுத்த மோமோஸ் உடன் காய்கறிகள், தக்காளி சாஸ் ஆகியவற்றை சேர்க்கிறார். அதன்பின்பு மீண்டும் நெருப்பில் வைத்து கிண்டி எடுக்கிறார். அந்த நெருப்பில் சாஸ் மற்றும் காய்கறிகள் மோமோஸ் உடன் சேர்ந்து நன்றாக ஒட்டிக் கொள்ளும் வகையில் அமைந்துள்ளது. இரண்டாவது முறையாக அவர் வறுத்து எடுக்கும் போது நெருப்பு அனல் மேலே முழுவதும் பறக்கிறது. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by HARDIK MALIK || DELHI BLOGGER (@paidaishi_foodie)

இந்த வீடியோ தற்போது வரை 88ஆயிரத்திற்கும் மேற்பட்டவர்கள் பார்த்து ரசித்துள்ளனர். இந்த மோமோஸ் உத்தரப்பிரதேசம் மாநிலம் காசியாபாத் பகுதியில் சமைத்து விற்கப்பட்டு வருகிறது. இந்த மோமோஸ் தொடர்பாக பலரும் தங்களுடைய கருத்துகளை பதிவிட்டு வருகின்றனர். கடந்த சில நாட்களுக்கு முன்பாக மும்பை பகுதியிலுள்ள ஒரு உணவகத்தில் விற்கப்பட்டு வந்த தங்க மோமோஸ் சமூக வலைதளத்தில் வேகமாக வைரலாகி வந்தது. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Disha || Foodblogger/ Chef || (@whatafoodiegirl)

அந்த தங்க மோமோஸ் தொடர்பாக பெண் ஒருவர் தன்னுடைய இன்ஸ்டாகிராம் தளத்தில் வீடியோ ஒன்றை பதிவிட்டிருந்தார். அதில், "இந்தியாவிலேயே முதல் முறையாக 2 கிலோ எடை கொண்ட 24 கேரட் தங்கத்துடன் கூடிய மோமோஸ் பரிமாறப்படுகிறது. இந்த மோமோஸூடன் ஆரஞ்சு புதினா மோஜிட்டோ மற்றும் மூன்று வகை சட்னி உள்ளிட்டவை பரிமாறாப்படுகிறது" எனக் கூறியிருந்தார். இந்த பதிவுடன் அந்த மோமோஸ் எப்படி இருக்கும் என்ற வீடியோவும் பதிவிட்டிருந்தார்.  அந்த வீடியோவும் வேகமாக சமூக வலைதளத்தில் வைரலானது. தற்போது தங்கத்திற்கு பிறகு நெருப்பு மோமோஸ் வீடியோ ஒன்று வேகமாக வைரலாகி வருகிறது குறிப்பிடத்தக்கது. 

மேலும் படிக்க: 'இது போவதற்கான நேரம்'' - விபத்தில் உயிரிழந்த முன்னாள் Miss Kerala கடைசி இன்ஸ்டா வீடியோ!