மதுபோதையில் வெறி பிடித்த ஆசிரியர்கள்.. துடிதுடித்த மாணவி.. Blackmail கொடூரம்!

நீட் தேர்வுக்காக பயிற்சி மையத்தில் சேர்ந்த மைனர் மாணவியை இரண்டு ஆசிரியர்கள் சேர்ந்து பாலியல் வன்கொடுமைக்கு உள்ளாக்கியுள்ளனர்.

குற்றம்சாட்டப்பட்டவர்கள்

Source : Twitter

உத்தரப் பிரதேசத்தில் நீட் தேர்வுக்காக பயிற்சி மையத்தில் சேர்ந்த மைனர் மாணவியை ஆசிரியர்கள் இருவர் சேர்ந்து பாலியல் வன்கொடுமைக்கு உட்படுத்தி, அதை வீடியோவாக எடுத்து பிளாக்மெயில் செய்து மிரட்டியுள்ளனர்.

மாணவியை பிளாக்மெயில் செய்த ஆசிரியர்கள்:

பெண்கள், குழந்தைகளுக்கு எதிரான வன்முறை சம்பவங்கள் நாளுக்கு நாள் அதிகரித்து வருகிறது. இந்தியாவில் மட்டுமின்றி உலக நாடுகள் பலவற்றிலும் இம்மாதிரியான வெறிச் செயல்கள் அரங்கேறி வருகின்றன. இளம்பெண் ஷ்ரத்தா கொலை வழக்கு கடந்தாண்டு பெரும் பரபரப்பை ஏற்படுத்தியிருந்தது. இந்தாண்டு கொல்கத்தா மருத்துவர் சம்பவம் அதிர்ச்சி அலைகளை ஏற்படுத்தியது.

அதன் தொடர்ச்சியாக, உத்தரப் பிரதேசம் கான்பூரில் நடந்துள்ள கொடூர சம்பவம் பெரும் பரபரப்பை ஏற்படுத்தியுள்ளது. நீட் தேர்வுக்காக பயிற்சி மையத்தில் சேர்ந்த மைனர் மாணவியை இரண்டு ஆசிரியர்கள் சேர்ந்து பாலியல் வன்கொடுமைக்கு உள்ளாக்கியுள்ளனர்.

கடந்த 2022 ஆம் ஆண்டு, மாணவி ஒருவர், நீட் தேர்வுக்குத் தயாராவதற்காக கான்பூருக்குச் சென்றுள்ளார். அங்குள்ள ஒரு பயிற்சி மையத்தில் சேர்ந்தார். இந்த ஆண்டு ஜனவரி மாதம், அவரது உயிரியல் ஆசிரியர் சாஹில் சித்திக் (32) தனது வீட்டில் நடந்த விருந்துக்கு அவரை அழைத்திருக்கிறார்.

உபியில் ஷாக் சம்பவம்:

விருந்தில் அனைத்து மாணவர்களும் கலந்து கொள்வதாக கூறி இருக்கிறார். ஆசிரியரின் வீட்டுக்கு சென்றபோதுதான், தான் தனியாக வந்திருப்பது தெரிய வந்துள்ளது. தன்னை கட்டாயப்படுத்தி குடிக்கவைத்து, பாலியல் வன்கொடுமை செய்து, அந்தச் செயலை படம் பிடித்ததாக ஆசிரியர் சித்திக் மீது மாணவி குற்றம்சாட்டியுள்ளார்.

அந்த வீடியோவை வெளியிட்டு விடுவேன் என்றும் அவரது குடும்பத்தினரைக் கொன்றுவிடுவதாகவும் கூறி மாணவியை ஆசிரியர் சித்திக் மிரட்டி இருக்கிறார். பல சந்தர்ப்பங்களில் அவரை பாலியல் வன்கொடுமை செய்திருக்கிறார்.

அந்த மாணவியை தனது வீட்டில் சிறிது நேரம் பிணைக் கைதியாகவும் வைத்திருந்தார். பின்னர், அங்கு விருந்துகளில் பங்கேற்கும்படி வற்புறுத்தினார். இது போன்ற ஒரு பார்ட்டியின் போதுதான், 39 வயதான வேதியியல் ஆசிரியர் விகாஸ் போர்வால் மாணவி பாலியல் வன்கொடுமைக்கு உள்ளாக்கப்பட்டுள்ளார்.

சில மாதங்களுக்கு முன்பு ஆசிரியர்களில் ஒருவர் கைது செய்யப்பட்டார். மற்றொரு மாணவியை பாலியல் ரீதியாக துன்புறுத்தியதாகக் கூறப்படும் சிசிடிவி காட்சிகள் வெளியாகின. இதையடுத்து, குற்றம்சாட்டப்பட்ட ஆசிரியர் ஒருவர் கைது செய்யப்பட்டுள்ளார். இது பாதிக்கப்பட்ட மாணவிக்கு புகார் அளிக்க தைரியத்தை கொடுத்துள்ளது. இதையடுத்து, இரண்டு ஆசிரியர்களும் கைது செய்யப்பட்டுள்ளனர்.