மைலேஜ் அதிகரிக்க வேண்டுமா? இதை தவறாமல் பண்ணுங்க.. எரிபொருள் சிக்கனத்தை உறுதிப்படுத்தும் 5 வழிகள்!

எதிர்காலத்தில் எரிபொருளுக்காக நீண்ட வரிசைகளில் காத்திருக்க வேண்டிய நிலை ஏற்படுமோ என்ற சூழலில் இப்படிப்பட்ட சூழலில், குறைந்த எரிபொருளில் வாகனங்களை இயக்கும் முறைகளை அறிந்து கொள்வது மிகவும் அவசியமானதாகிறது.

எரிபொருள் சேமிப்பு

Source : PTI

உயர்ந்து கொண்டே வரும் பெட்ரோல் மற்றும் டீசல் விலைகள் பொதுமக்களில் கவலை ஏற்படுத்தி வருகின்றன. எதிர்காலத்தில் எரிபொருளுக்காக நீண்ட வரிசைகளில் காத்திருக்க வேண்டிய நிலை ஏற்படுமோ என்ற அச்சமும் அதிகரித்து வருகிறது. இப்படிப்பட்ட சூழலில், குறைந்த எரிபொருளில் வாகனங்களை இயக்கும் முறைகளை அறிந்து கொள்வது மிகவும் அவசியமானதாகிறது. இங்கே, எரிபொருளைச் சேமித்து உங்கள் வாகனத்தின் மைலேஜை அதிகரிக்க உதவும் சில வழிகளை கீழே காணலாம்

• முதலில், அதிக வேகத்தில் வாகனம் ஓட்டுவதைத் தவிர்க்க வேண்டும். அதிக வேகம் இன்ஜினுக்கு அதிக அழுத்தத்தை ஏற்படுத்தி, எரிபொருள் நுகர்வை உயர்த்துகிறது. மிதமான வேகத்தில் ஓட்டுவது எரிபொருள் சிக்கனத்தையும், மைலேஜையும் மேம்படுத்தும்.
• அடுத்ததாக, கிளட்சை தேவையில்லாமல் அடிக்கடி பயன்படுத்துவது தவறான பழக்கமாகும். குறிப்பாக போக்குவரத்து நெரிசலில், காலையை தொடர்ந்து கிளட்சின் மீது வைத்திருப்பது அதன் தேய்மானத்தையும் எரிபொருள் விரயத்தையும் அதிகரிக்கிறது. எனவே, அவசியமான நேரங்களில் மட்டுமே கிளட்சைப் பயன்படுத்துவது நல்லது.
• சரியான கியர் மற்றும் வேகத்தை இணைத்து பயன்படுத்துவதும் முக்கியம். தவறான கியரில் ஓட்டுவது இன்ஜினின் செயல்திறனை குறைத்து, அதிக எரிபொருள் செலவிற்கு காரணமாகிறது. அதனால், வேகத்திற்கு ஏற்ப சரியான கியரைத் தேர்வு செய்து, மெதுவாகவே வேகத்தை அதிகரிக்க வேண்டும்.
• சிக்னலில் அல்லது நீண்ட நேரம் நிற்கும் போது இன்ஜினை அணைத்துவிடுவது நல்ல பழக்கம். 30 விநாடிகளுக்கு மேல் நிற்கும் போது இன்ஜினை இயக்கிக் கொண்டிருப்பது தேவையற்ற எரிபொருள் விரயமாகும். இன்ஜினை அணைப்பதன் மூலம் எரிபொருளைச் சேமிக்கலாம்.
• வாகனத்தை முறையாக பராமரிப்பதும் மிகவும் அவசியம். காலத்திற்கு காலம் சர்வீஸ் செய்வது இன்ஜின் திறனை மேம்படுத்தி, எரிபொருள் நுகர்வை குறைக்கும். அதேபோல், டயர்களில் சரியான காற்றழுத்தம் இருப்பதை உறுதி செய்ய வேண்டும். குறைந்த காற்றழுத்தம் அதிக எரிபொருள் செலவிற்கு வழிவகுக்கும்.
• மேலும், குறுகிய தூரங்களுக்கு வாகனங்களைப் பயன்படுத்தாமல் இருக்க முயற்சிக்க வேண்டும். நடந்து செல்வது, மின்சார வாகனங்கள் அல்லது பொதுப் போக்குவரத்தை பயன்படுத்துவது சிறந்த தேர்வாகும். இது எரிபொருளையும் பணத்தையும் சேமிக்க உதவும்.