Special Trains: இன்றும்.. நாளையும் தமிழ்நாட்டிற்கு 12 சிறப்பு ரயில்கள்.. எங்கெல்லாம்?

இண்டிகோ விமானம் ரத்தானதால் சிறப்பு ரயில்கள் நாடு முழுவதும் இயக்கப்பட உள்ளது. தமிழ்நாட்டிலும் 12 சிறப்பு ரயில்கள் இயக்கப்படுகிறது. எங்கிருந்து? எங்கே வரை? என்பதை கீழே காணலாம்.

சிறப்பு ரயில்

Source : twitter

நாடு முழுவதும் இண்டிகோ விமான சேவை மிக கடுமையாக பாதிக்கப்பட்டுள்ள நிலையில், சிறப்பு ரயில்களை இயக்குவதாக ரயில்வே அறிவித்தது. அதன்படி , நாடு முழுவதும் 84 சிறப்பு ரயில்கள் இயக்கப்பட உள்ளது. தமிழ்நாட்டிற்கும் சிறப்பு ரயில்கள் அறிவிக்கப்பட்டுள்ளது. 

தமிழ்நாட்டிற்கான சிறப்பு ரயில்கள் என்னென்ன? எத்தனை மணிக்கு புறப்படும்? என்பதை கீழே விரிவாக காணலாம்.

1. நாகர்கோயில் - தாம்பரம்:

இன்று இரவு 11.15 மணிக்கு நாகர்கோயிலில் இருந்து புறப்படும் தாம்பரம் சூப்பர் பாஸ்ட் சிறப்பு ரயில் (06012) நாளை காலை 11.15 மணிக்கு தாம்பரம் வந்தடையும். 

2. தாம்பரம் - நாகர்கோயில்:

நாளை மதியம் 3.30 மணிக்கு தாம்பரம் ரயில் நிலையத்தில் இருந்து புறப்படும் நாகர்கோயில் சூப்பர்பாஸ்ட் சிறப்பு ரயில் (06011) நாளை மறுநாள் அதிகாலை 4.15 மணிக்கு நாகர்கோயில் சென்றடையும்.

3. திருவனந்தபுரம் - சென்னை:

இன்று மதியம் 3.45 மணிக்கு திருவனந்தபுரத்தில் இருந்து புறப்படும் சென்னை எக்மோர் எக்ஸ்பிரஸ் சிறப்பு ரயில் ( 06108) நாளை காலை 11.20 மணிக்கு சென்னை எழும்பூர் வந்தடையும். 

4. சென்னை - திருவனந்தபுரம்:

சென்னையில் இருந்து நாளை மதியம் 1.50 மணிக்கு புறப்படும் திருவனந்தபுரம் நார்த் எக்ஸ்பிரஸ் சிறப்பு ரயில் (06107) நாளை மறுநாள் செவ்வாய் கிழமை திருவனந்தபுரத்திற்கு காலை 8 மணியளவில் சென்றடையும். 

5. கோவை - சென்னை:

கோயம்புத்தூரில் இருந்து இன்று இரவு 11.30 மணிக்கு புறப்படும் சென்னை சென்ட்ரல் எக்ஸ்பிரஸ் சிறப்பு ரயில் ( 06024) நாளை காலை 9.20 மணிக்கு சென்னை சென்ட்ரல் ரயில் நிலையத்தை வந்தடையும். 

6. சென்னை - கோவை:

சென்னை சென்ட்ரல் ரயில் நிலையத்தில் இருந்து நாளை மதியம் 12.20 மணிக்கு புறப்படும் கோயம்புத்தூர் எக்ஸ்பிரஸ் சிறப்பு ரயில்(06023) நாளை இரவு 10.30 மணிக்கு கோவையை சென்றடையும்.

7. பெங்களூர் - சென்னை: 

பெங்களூரில் இருந்து இன்று காலை 8.05 மணிக்கு புறப்பட்ட சென்னை எக்மோர் எக்ஸ்பிரஸ் சிறப்பு ரயில் 06255) இன்று மதியம் 2.45 மணிக்கு சென்னை எழும்பூர் வந்தடையும். 

8. சென்னை - பெங்களூர்:

பெங்களூர் எக்ஸ்பிரஸ் சிறப்பு ரயில்( 06256) சென்னை எழும்பூரில் இருந்து இன்று மதியம் 3.45 மணிக்கு புறப்பட்டு  இன்று இரவு 10.45 மணிக்கு பெங்களூர் சென்றடையும். 

9. பெங்களூர் - சென்னை:

பெங்களூரில் இருந்து நாளை காலை 8.05 மணிக்கு புறப்படும் சென்னை சென்ட்ரல் எக்ஸ்பிரஸ் ( 06257) ரயில் நாளை மதியம் 2.45 மணிக்கு சென்னை சென்ட்ரல் நிலையத்திற்கு வந்தடையும். 

10. சென்னை - பெங்களூர்:

சென்னை சென்ட்ரல் நிலையத்தில் இருந்து நாளை மாலை 4.10 மணிக்கு புறப்படும் பெங்களூர் எக்ஸ்பிரஸ் சிறப்பு ரயில் ( 06258) பெங்களூருக்கு இரவு 10.45 மணிக்கு சென்றடையும். 

11. செகந்திரபாத் - சென்னை:

சென்னை எழும்பூரில் இருந்து இன்று மதியம் 12.30 மணிக்கு புறப்பட்ட செகந்திரபாத் எக்ஸ்பிரஸ் சிறப்பு ரயில் (07147) தெலங்கானாவின் செகந்திரபாத்திற்கு நாளை காலை 3 மணிக்குச் சென்றடையும். 

12.  சார்லபள்ளி - சென்னை:

ஹைதரபாத் அருகே உள்ள சார்லபள்ளியில் இருந்து இன்று மாலை 6 மணிக்கு புறப்படும் சென்னை எக்மோர் எக்ஸ்பிரஸ் சிறப்பு ரயில் ( 06020) ரயில் நாளை காலை 8.30 மணிக்கு சென்னை எழும்பூர் வந்தடையும். 

இந்த சிறப்பு ரயில்களால் பயணிகள் நிம்மதி அடைந்துள்ளனர். விமானம் ரத்தானதால் பாதிக்கப்பட்ட பயணிகள் மட்டுமின்றி பிற ரயில் பயணிகளுக்கும் இந்த சிறப்பு ரயில் உதவிகரமானதாக அமைந்துள்ளது.