ஸ்லீப்பர் டிக்கெட் விலையில் ஏசி பயணம்! ரயில்வேயின் இந்த 'மேஜிக்' வசதி உங்களுக்குத் தெரியுமா?
ஏசி பெட்டிகளில் இருக்கைகள் இருந்தால், டிடிஇ ஸ்லீப்பர் டிக்கெட்டுகள் உள்ள பயணிகளை ஏசி பெட்டிகளாக மேம்படுத்தலாம்.
ரயிலில் பயணம் செய்யும் போது ஸ்லீப்பர் வகுப்பு விலையிலேயே ஏசி (AC) கோச்சில் பயணிக்க வேண்டும் என்பது பலரது கனவாக இருக்கும். இந்திய ரயில்வேயில் 'தானியங்கி வகுப்பு மேம்படுத்தல்' (Auto Upgradation) என்ற வசதியின் மூலம் இது சாத்தியம். இதற்காக நீங்கள் ஒரு ரூபாய் கூட கூடுதலாகச் செலுத்த வேண்டியதில்லை.
இது எப்படிச் செயல்படுகிறது?
ரயில்வே நிர்வாகம் அவ்வப்போது பயணிகளின் வசதிக்காக இருக்கைகளை மறுசீரமைப்பு செய்யும். ஒருவேளை ஏசி பெட்டிகளில் இருக்கைகள் காலியாக இருந்து, ஸ்லீப்பர் வகுப்பில் காத்திருப்போர் பட்டியல் (Waiting List) அதிகமாக இருந்தால், ஸ்லீப்பர் வகுப்பு பயணிகளை ஏசி பெட்டிக்கு ரயில்வே மாற்றும். இது தானாகவே (Automatically) நடக்கும் ஒரு நடைமுறை ஆகும்.
இந்த வசதியைப் பெறுவது எப்படி?
நீங்கள் IRCTC இணையதளம் அல்லது ஆப் மூலம் டிக்கெட் முன்பதிவு செய்யும் போது சில எளிய வழிமுறைகளைப் பின்பற்ற வேண்டும்:
-
விவரங்களை உள்ளிடுதல்: உங்கள் பயண விவரங்களை உள்ளிட்ட பிறகு, முன்பதிவு பக்கத்தின் கீழே சில கூடுதல் விருப்பங்கள் (Other Preferences) தோன்றும்.
-
Auto Upgradation: அங்கு "Consider for Auto Upgradation" என்ற வசதி இருக்கும். அதை நீங்கள் கிளிக் செய்ய வேண்டும்.
-
தானாகவே தேர்வு: நீங்கள் எந்த விருப்பத்தையும் தேர்ந்தெடுக்கவில்லை என்றாலும், பல நேரங்களில் "ஆம்" (Yes) என்பதே தானாகவே தேர்ந்தெடுக்கப்பட்டிருக்கும்.
-
கூடுதல் கட்டணம் இல்லை: உங்கள் ஸ்லீப்பர் டிக்கெட் ஏசி வகுப்புக்கு மாற்றப்பட்டால், அதற்காக ரயில்வே உங்களிடம் கூடுதல் பணம் வசூலிக்காது. இது உங்களுக்குக் கிடைக்கும் ஒரு 'போனஸ்' வாய்ப்பு!
TTE மூலமும் வாய்ப்பு உண்டு!
ரயில் பயணத்தின் போது ஏசி பெட்டிகளில் இருக்கைகள் காலியாக இருந்தால், அங்கிருக்கும் TTE (Travel Ticket Examiner) நினைத்தால் ஸ்லீப்பர் வகுப்பு பயணிகளை ஏசி வகுப்புக்கு மாற்ற முடியும். குறிப்பாக இரவு நேர ரயில்களில் கடைசி நேரத்தில் பயணம் ரத்து செய்யப்படுபவர்களின் இருக்கைகள் இவ்வாறு வழங்கப்பட வாய்ப்புள்ளது.
முக்கியக் குறிப்பு: இந்த வசதி ஏசி பெட்டிகளில் இருக்கைகள் காலியாக இருந்தால் மட்டுமே கிடைக்கும் என்பதை நினைவில் கொள்ளுங்கள்.
தலைப்பு செய்திகள்
ட்ரெண்டிங் செய்திகள்
