G20 Summit Bharat: ஜி20 மாநாட்டில் இந்தியாவுக்கு பதில் பாரத்... திட்டமிட்டு புறக்கணிப்பா..? மீண்டும் வெடித்த சர்ச்சை..!
ஜி 20 மாநாட்டில் பிரதமர் மோடி வைக்கப்பட்டுள்ள பெயர் பலகையில் இந்தியா என்ற பெயருக்கு பதிலாக பாரத் என்ற பெயர் இடம்பெற்றுள்ளது.
டெல்லியில் அமெரிக்கா, சீனா, இந்தியா உள்பட உலகின் வலுவான 20 நாடுகளின் தலைவர்களும், சிறப்பு விருந்தினர்களும் பங்கேற்கும் ஜி20 மாநாடு நடைபெற்று வருகிறது. சற்று முன் தொடங்கிய இந்த மாநாட்டில் பிரதமர் மோடி வைக்கப்பட்டுள்ள பெயர் பலகையில் இந்தியா என்ற பெயருக்கு பதிலாக பாரத் என்ற பெயர் இடம்பெற்றுள்ளது. இது மிகப்பெரிய சர்ச்சையை ஏற்படுத்தியுள்ளது.
ஜி-20 உச்சி மாநாட்டில், பிரதமர் மோடியின் முன் வைக்கப்பட்டிருந்த போர்டில் இந்தியாவுக்கு பதிலாக பாரத் என்று ஆங்கிலத்தில் எழுதப்பட்டிருந்தது. இப்படிப்பட்ட சூழ்நிலையில், நாட்டின் பெயர் மாற்றம் குறித்த வதந்திகள் உண்மையா என்ற விவாதம் மீண்டும் ஒருமுறை சமூக வலைதளங்களில் புயலை கிளப்பியது. ஆனால், இப்படி பெயர் வைக்கப்பட்டது என அதிகாரப்பூர்வமாக எதுவும் தெரிவிக்கப்படவில்லை.
பாரத் பெயரில் எப்போது சர்ச்சை கிளம்பியது..?
இந்திய குடியரசு தலைவர் திரௌபதி முர்மு ஜி 20 மாநாட்டில் பங்கேற்கும் வெளிநாட்டு தலைவர்களுக்கான இரவு விருந்து அழைப்பிதழ் அனுப்பப்பட்டது. அதில், இந்தியா என்ற பெயரை பாரதம் என மாற்ற ஆளுங்கட்சி முயற்சிகள் நடந்து வருவதாக விவாதம் சமூக வலைதளங்களில் தொடங்கியது. கடந்த செவ்வாய்கிழமை அனுப்பப்பட்ட இந்த இரவு உணவு அழைப்பிதழில் இந்திய குடியரசு தலைவர் என்று இருப்பதற்கு பதிலாக பாரதிய குடியரசு தலைவர் என்று எழுதப்பட்டிருந்தது. இதைத் தொடர்ந்து மோடி அரசுக்கு எதிர்க்கட்சித் தலைவர்கள் கடும் எதிர்ப்புத் தெரிவித்தனர். இது குறித்து பிரதமர் நரேந்திர மோடி, அரசியல் சர்ச்சைகளைத் தவிர்க்குமாறு கட்சித் தலைவர்கள் மற்றும் மத்திய அமைச்சர்களுக்கு அறிவுறுத்தினார்.
ஜி20 மாநாடு:
மொராக்கோவில் ஏற்பட்ட நிலநடுக்கத்தில் உயிரிழந்தவர்களின் குடும்பத்தினருக்கு ஜி 20 மாநாட்டில் இரங்கல் தெரிவிக்கப்பட்டது. அதனை தொடர்ந்து, ஜி 20 நாடுகளின் கூட்டமைப்பில் ஆப்பிரிக்க யூனியன் நிரந்த உறுப்பினராக இணைந்தது. நிரந்தர உறுப்பினரானதை குறிக்கும் வகையில் ஆப்பிரிக்க யூனியன் தலைவர் அஸாலி அசோமானி தனது இருக்கையில் அமர்ந்தார்.
டெல்லியில் தொடங்கியது ஜி20 மாநாடு:
இந்தியாவில் நடைபெறும் ஜி20 உச்சிமாநாட்டின் முதல் நாள் இன்று . இந்த உச்சிமாநாட்டை தொடங்கி வைத்து பேசிய பிரதமர் மோடி, மொராக்கோவில் ஏற்பட்ட நிலநடுக்கத்தால் ஏற்பட்ட உயிரிழப்புகளால் நான் வருத்தமடைகிறேன் என்றும், அங்குள்ள மக்களுக்கு எனது இரங்கலை தெரிவித்துக் கொள்கிறேன். இந்த மாநாட்டில் கலந்து கொண்ட அனைத்து உலக நாடுகளின் தலைவர்களையும் இந்தியா வரவேற்கிறது என்று பிரதமர் மோடி கூறினார்.
தொடர்ந்து பேசிய அவர், “ இங்கிருந்து சில கிலோமீட்டர் தொலைவில், இரண்டரை ஆயிரம் ஆண்டுகள் பழமையான தூண் உள்ளது, அதில் மனிதகுலத்தின் நலன் மற்றும் நலன் உறுதி செய்யப்பட வேண்டும் என்று பிராகிருத மொழியில் எழுதப்பட்டுள்ளது. இந்தச் செய்தி இரண்டரை ஆயிரம் ஆண்டுகளுக்கு முன்பே இந்த பாரத மண்ணிலிருந்து உலகம் முழுவதற்கும் கொடுக்கப்பட்டது. 21 ஆம் நூற்றாண்டின் இந்த நேரம் முழு உலகிற்கும் ஒரு புதிய திசையை அளிக்கிறது. பழமையான சவால்கள் நம்மிடம் இருந்து புதிய தீர்வுகளைக் கோரும் காலம் இது.
கொரோனா - போர்:
கொரோனாவிற்கு பிறகு, நம்பிக்கையின்மையால் உலகில் பெரிய நெருக்கடி ஏற்பட்டுள்ளது. கொரோனாவை நாம் தோற்கடிக்கும்போது, பரஸ்பர அவநம்பிக்கையின் வடிவில் வந்த நெருக்கடியையும் நம்மால் தோற்கடிக்க முடியும். உலகளாவிய நம்பிக்கை பற்றாக்குறையை நம்பிக்கை மற்றும் நம்பிக்கையின் ஒன்றாக மாற்றுவோம். அனைவரும் ஒன்றிணைந்து செயல்பட வேண்டிய தருணம் இது. சப்கா சாத், சப்கா விகாஸ், சப்கா பிரயாஸ் என்ற மந்திரம் நம் அனைவருக்கும் வழிகாட்டியாக அமையும்.
ஜி 20 உறுப்பினரான ஆப்பிரிக்க யூனியன்:
இந்தியாவில் G20 ஆனது சாதாரண மக்களின் G20 ஆக மாறியுள்ளது. கோடிக்கணக்கான இந்தியர்கள் இதில் தொடர்புடையவர்கள். நாட்டின் 60க்கும் மேற்பட்ட நகரங்களில் 200க்கும் மேற்பட்ட கூட்டங்கள் நடைபெற்றன. ஆப்பிரிக்க யூனியனை ஜி 20 இல் சேர்க்க இந்தியா முன்மொழிகிறது. இந்த அறிவிப்பை ஒவ்வொரு நாடும் ஏற்றுக் கொள்ளும் என நம்புகிறோம். ஆப்பிரிக்காவின் பிரசிடென்சியின் நிரந்தர உறுப்பினராக உங்கள் இருக்கையில் அமர உங்களை அழைக்கிறேன்.” என்று பேசியுள்ளார்.
தலைப்பு செய்திகள்
ட்ரெண்டிங் செய்திகள்
