Breaking LIVE :அதிமுக பொதுக்குழு - புதிய வழக்கை தள்ளுபடி செய்த உரிமையியல் நீதிமன்றம்
Breaking Live : தமிழ்நாடு உள்பட இந்தியா முழுவதும் நடைபெறும் பல்வேறு முக்கிய நிகழ்வுகளை ஏபிபி நாடு லைவ் ப்ளாக்கில் உடனுக்குடன் கீழே காணலாம்.
LIVE
Background
குடியரசுத்தலைவர் தேர்தலில் பாஜகவின் வேட்பாளராக திரௌபதி முர்மு அறிவிக்கப்பட்டுள்ளார்.
இந்திய குடியரசுத்தலைவராக இருக்கும் ராம்நாத் கோவிந்தின் பதவிக்காலம் வரும் ஜூலை மாதம் 24 ஆம் தேதியுடன் முடிவடைகிறது. இதனையடுத்து நாட்டின் 15வது குடியரசுத் தலைவரை தேர்வு செய்வததற்கான தேர்தல் ஜூலை 18 ஆம் தேதி நடைபெறுகிறது. இதற்கான வேட்புமனு தாக்கல் கடந்த ஜூன் 15 ஆம் தேதி தொடங்கியது. வேட்பு மனு தாக்கலுக்கான கடைசி நாள் ஜூன் 29 ஆம் தேதியாகும்.
இதில் எதிர்க்கட்சிகளின் சார்பில் குடியரசுத்தலைவர் தேர்தலுக்கான வேட்பாளரை தேர்வு செய்வதற்காக டெல்லியில் சரத் பவார் தலைமையில் இன்று கூட்டம் நடைபெற்றது. இக்கூட்டத்தில் அனைத்து கட்சிகளும் யஷ்வந்த் சின்ஹாவை குடியரசுத் தலைவர் வேட்பாளராக நிற்பதற்கு ஒருமனதாக ஒப்புதல் அளிக்கப்பட்டது. இதனைத் தொடர்ந்து திரிணாமுல் காங்கிரஸ் துணை தலைவர் பதவியிலிருந்து யஷ்வந்த சின்ஹா வரும் 27 ஆம் தேதி வேட்புமனு தாக்கல் செய்கிறார்.
இந்நிலையில் ஆளும் தேசிய ஜனநாயகக் கூட்டணி சார்பில் போட்டியிடும் குடியரசுத் தலைவர் வேட்பாளரைத் தேர்வு செய்ய நாடாளுமன்ற உயர்மட்டக் குழு இன்று மாலை நடைபெற்றது. முன்னதாக துணை குடியரசுத்தலைவர் வெங்கையா நாயுடுவை மத்திய அமைச்சர்கள் அமித்ஷா, ராஜ்நாத் சிங் மற்றும் பாஜக தேசியத் தலைவர் ஜே.பி.நட்டா ஆகியோர் சந்தித்து பேசியதால் அவர் தான் வேட்பாளராக அறிவிக்கப்படுவார் என எதிர்பார்க்கப்பட்டது.
ஆனால் ஜார்க்கண்டின் முன்னாள் ஆளுநராகப் பணியாற்றி ஓய்வுபெற்ற பழங்குடித் தலைவரான திரௌபதி முர்முவை குடியரசுத் தலைவர் வேட்பாளராக பாஜக அறிவித்துள்ளது. இவர் ஒடிசாவில் பிஜூ ஜனதா தளம் மற்றும் பாஜக கூட்டணி ஆட்சியில் இருந்த போது அமைச்சராக இருந்தார் என்பது குறிப்பிடத்தகக்து.
Abpநாடு தளத்தில் திரெளபதி முர்மு, பாஜகவின் குடியரசுத்தலைவர் தேர்வாக இருப்பார் என கணித்து எழுதியிருந்தோம் என்பதை குறிப்பிட விரும்புகிறோம்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
புதிய வழக்கை தள்ளுபடி செய்த உரிமையியல் நீதிமன்றம்
அதிமுக பொதுக்குழுவுக்கு தடைகோரும் புதிய வழக்கை சென்னை உரிமையியல் நீதிமன்றம் தள்ளுபடி செய்யப்பட்டுள்ளது. சி.பாலகிருஷ்ணன் என்பவர் தொடர்ந்த வழக்கை நீதிமன்றம் தள்ளுபடி செய்துள்ளது.
அதிமுக பொதுக்குழு பேனர்கள் கிழிப்பால் பதற்றம்- இபிஎஸ் ஆதரவாளர்கள் குற்றச்சாட்டு
அதிமுக பொதுக்குழு நாளை நடைபெறும் வானகரத்தில் அதிமுக பொதுக்குழு பேனர்கள் கிழிக்கப்பட்டதால், அங்கு பதற்றம் ஏற்பட்டுள்ளது. பேனர்களை கிழித்ததாக ஓபிஎஸ் ஆதரவாளர்கள் மீது இபிஎஸ் ஆதரவாளர்கள் குற்றச்சாட்டு
அதிமுக பொதுக்குழு வழக்கு- சற்று நேரத்தில் உத்தரவு
அதிமுக பொதுக்குழுவுக்கு தடை கோரிய வழக்கில், சற்று நேரத்தில் உயர்நீதிமன்றம் உத்தரவு பிறப்பிக்க உள்ளது. இடைக்கால உத்தரவுக்காக, வழக்கை சற்று நேரத்திற்கு ஒத்திவைத்தது சென்னை உயர்நீதிமன்றம். உத்தரவு தயாரான பிறகு அறிவிக்கப்படும் என நீதிபதி தெரிவித்தார்.
கட்சி விதிகளில் திருத்தம் வேண்டாம் என்கிறார்கள்- நீதிபதிகள்
அதிமுக பொதுக்குழுவை நடத்தலாம், ஆனால் கட்சி விதிகளில் திருத்தம் செய்ய கூடாது என மனுதாரர்கள் வாதிட்டனர் என நீதிபதிகள் தெரிவித்துள்ளனர்.
பொதுக்குழுதான் அனைத்தையும் முடிவு செய்யும் என்பது சரிதான் - ஓபிஎஸ் தரப்பு
பொதுக்குழுதான் அனைத்தையும் முடிவு செய்யும் என்பது சரிதான். அதிமுக ஒருங்கிணைப்பாளர், அதிமுக இணை ஒருங்கிணைப்பாளர் சேர்ந்துதான், பொதுக்குழுவில் முடிவு எடுக்க முடியும். ஒருங்கிணைப்பாளருக்கு தெரியாமல் எந்த தீர்மானத்தையும் பொதுக்குழுவில் வைக்க கூடாது என ஓபிஎஸ் தரப்பு நீதிமன்றத்தில் வாதம் வைத்துள்ளது
தலைப்பு செய்திகள்
ட்ரெண்டிங் செய்திகள்
