Video : ஒரு கையில் கைக்குழந்தை...மற்றொரு கையில் ரிக்‌ஷா...கடமை தவறாத பாச தந்தையின் கதை

மத்தியப் பிரதேசத்தின் ஜபல்பூரில் சைக்கிள் ரிக்‌ஷா இழுப்பவரின் கதை இந்த விஷயத்தில் ஒரு உத்வேகமாக உள்ளது.

ஜபல்பூர்

குடும்பத்தை நடத்துவது எளிதான வேலை அல்ல. சவாலை வெற்றிகரமாக சமாளிக்க, மக்கள் மிகவும் கடினமாக உழைக்க வேண்டும். மத்தியப் பிரதேசத்தின் ஜபல்பூரில் சைக்கிள் ரிக்‌ஷா இழுப்பவரின் கதை இந்த விஷயத்தில் ஒரு உத்வேகமாக உள்ளது.

நகரின் தெருக்களில் சைக்கிள் ரிக்‌ஷாவை ஓட்டிக் கொண்டிருக்கும் போது ராஜேஷ் தனது கைக்குழந்தையை ஒரு கையில் ஏந்தி செல்கிறார். அவர் கடினமாக உழைக்கும் வீடியோ சமூக ஊடகங்களில் வைரலாகி வருகிறது. பயனர்கள் அவருக்கு உதவ முன் வந்துள்ளனர்.

A video frm Jabalpur gt shared with us where a Rickshaw puller has to do his job while carrying his small child in his Lap. Its quite disheartening. We are trying to trace the Man. If any of you can help us pls do. We will ensure a dignified life for both the Father and the Child pic.twitter.com/tbGDC0p1yu

— NCMIndia Council For Men Affairs (@NCMIndiaa) August 25, 2022

தினமும் தன் மகனைத் தோளில் சுமந்துகொண்டு வீட்டை விட்டு வெளியேறும் ராஜேஷ், தூங்கும் கைக்குழந்தையை தோளில் சுமந்தபடி ரிக்சாவை ஓட்டுகிறார். குடும்பத்திற்காக வாழ்வாதாரத்தை ஈட்டவும் தனது குடும்பத்திற்கு உணவை வழங்கவும் ராஜேஷ் கடினமாக உழைக்கிறார்.

தினமும், ராஜேஷ் பயணிகளைத் தேடி ஜபல்பூர் முழுவதும் சுற்றித் திரிகிறார். சவாரி செய்த பிறகு, ஒரே கையால் ரிக்‌ஷாவை ஓட்டி அவர்களை அவர்கள் செல்ல வேண்டிய இடத்திற்கு அழைத்துச் செல்கிறார். ரிக்‌ஷா இழுப்பவரின் கடின உழைப்பை கண்டு ட்விட்டர் பயனர்கள் ஈர்க்கப்பட்டுள்ளனர்.

ராஜேஷுக்கு உதவிக்கரம் நீட்ட முன் வந்துள்ள ட்விட்டர் பயனர் ஒருவர், "அவருக்கு கண்டிப்பாக உதவி தேவை. இது பாதுகாப்பற்றது. சோகமாக உள்ளது" என குறிப்பிட்டுள்ளனர். மற்றொரு பயனர், "அவருக்கு உதவ ஏதாவது வழி இருக்கிறதா?" என குறிப்பிட்டுள்ளார்.

In an era of multitude of pro poor schemes, a man in MP's Jabalpur city, forced to drive cycle rickshaw while responsibly clutching infant son in one hand -- all to feed his family, comprising him, infant son and daughter. @NewIndianXpress @TheMornStandard @santwana99 pic.twitter.com/D1VzrSHEu7

— Anuraag Singh (@anuraag_niebpl) August 25, 2022

ராஜேஷுக்கு இரண்டு மகன்கள் உள்ளனர். மூத்த மகனை வீட்டில் விட்டுவிட்டு, இரண்டாவது குழந்தையை தன் தோளில் சுமந்துகொண்டு தனது கடமையைச் செய்கிறார்.

மத்தியப் பிரதேசத்தில் கடந்த சில வாரங்களாக கனமழை பெய்து வருகிறது. மேலும் வார இறுதி வரை இது தொடரும் என்று இந்திய வானிலை ஆய்வு மையம் (IMD) கணித்துள்ளது. மாநிலத்தில் ஏற்கனவே அதன் வழக்கமான அளவை விட 28 சதவீதம் கூடுதல் மழை பெய்துள்ளது. கடந்த சில நாட்களாக பெய்த கனமழையால் விதிஷா, சாகர், பிந்த், மொரீனா மற்றும் ஷியோபூர் மாவட்டங்களில் வெள்ளப்பெருக்கு ஏற்பட்டது.