கோவை கோனியம்மன் கோவில் தேரோட்டம் ; உள்ளூர் விடுமுறை அளிக்க வானதி சீனிவாசன் கோரிக்கை
”கோவை மாநகரின் 'காவல் தெய்வம்' என்றழைக்கப்படும் அருள்மிகு கோனியம்மன் திருக்கோயில், கோவை மாநகரின் மையப் பகுதியான டவுன்ஹால், மணிக்கூண்டு அருகே அமைந்துள்ளது.”
கோவை அருள்மிகு கோனியம்மன் திருக்கோயில் மாசி தேரோட்டத்தின் போது உள்ளூர் விடுமுறை அறிவிக்க வேண்டும் என பாஜக மகளிரணி தலைவர் வானதி சீனிவாசன் வலியுறுத்தியுள்ளார்.
பா.ஜ.க. மகளிரணி தேசியத் தலைவரும், கோவை தெற்கு சட்டமன்றத் தொகுதி உறுப்பினருமான வானதி சீனிவாசன் ஒரு அறிக்கை வெளியிட்டுள்ளார். அதில், ”கோவை மாநகரின் 'காவல் தெய்வம்' என்றழைக்கப்படும் அருள்மிகு கோனியம்மன் திருக்கோயில், கோவை மாநகரின் மையப் பகுதியான டவுன்ஹால், மணிக்கூண்டு அருகே அமைந்துள்ளது. இந்து சமய அறநிலையத் துறையின் கீழ் உள்ள இத்திருக்கோயில், கோவை மாநகர மக்களின் உணர்வுகளோடு கலந்து விட்ட திருக்கோயில். கோவை மாநகரமே இத்திருக்கோயிலை மையமாக வைத்தே உருவாக்கப்பட்டதாக சொல்லப்படுகிறது. தினமும் ஆயிரக்கணக்கான பக்தர்கள் அருள்மிகு கோனியம்மனை தரிசிக்க வந்து செல்கின்றனர்.
இத்திருக்கோயிலில் ஒவ்வொரு ஆண்டும், மாசி மாதம் நடைபெறும் திருத்தேரோட்டம், மிகமிக முக்கியமான திருவிழா. லட்சக்கணக்கான மக்கள் இந்த திருவிழாவுக்கு வருவார்கள். எனவே அருள்மிகு கோனியம்மன் திருத்தேரோட்டம் நடக்கும் நாளன்று கோவை மாவட்டத்திற்கு உள்ளூர் விடுமுறை விட வேண்டும் என்று கோவை மாநகர மக்களும், அருள்மிகு கோனியம்மன் திருக்கோயில் பக்தர்களும், கோவை மாவட்ட ஆட்சித் தலைவர் அவர்களுக்கும், தமிழக அரசுக்கும் கோரிக்கை விடுத்துள்ளனர். அதனை ஏற்று, அருள்மிகு கோனியம்மன் திருக்கோயில் மாசி தேரோட்டத்தின் போது, கோவை மாவட்டத்திற்கு உள்ளூர் விடுமுறை அறிவிக்க வேண்டும். இதற்காக முதலமைச்சர் மு.க.ஸ்டாலின் மற்றும் கோவை மாவட்ட ஆட்சித் தலைவர் நடவடிக்கை எடுக்க வேண்டும்” எனத் தெரிவித்துள்ளார்.
கோவை கோனியம்மன் தேரோட்டம் இந்தாண்டு மார்ச் மாதம் 1ம் தேதி நடைபெற உள்ளது. இந்த கோவிலில் ஆண்டுதோறும் மாசி மாதம் திருத்தேரோட்டம் நடைபெறுவது வழக்கம். இந்த தேரோட்டத்தில் கோவை மக்கள் மட்டுமல்லாது ஈரோடு, திருப்பூர் மற்றும் நீலகிரி உட்பட சுற்றுவட்டார மாவட்டங்களை சேர்ந்த லட்சக்கணக்கான பொது மக்களும் கலந்து கொண்டு கோனியம்மன் தேரை வடம்பிடித்து இழுத்துச் சென்று அம்மனை வழிபடுவது வழக்கம்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Before You Go
Virudhunagar DMK : திமுக கொடியுடன் வந்த கார்.. சிறுமியை கொல்ல முயற்சி! நெஞ்சை பதறவைக்கும் வீடியோ!
தலைப்பு செய்திகள்
ட்ரெண்டிங் செய்திகள்
