Chennai Bus Pass: சென்னை மக்களுக்கு ஜாக்பாட்.. AC பஸ்ஸிலும் வருகிறது பஸ் பாஸ் முறை.. 

Chennai AC Bus Pass: "சென்னை மாநகர போக்குவரத்து கழகம் சார்பில், ஏசி பஸ்களிலும் பஸ் பாஸ் முறையை நடைமுறைக்கு கொண்டுவரப்பட உள்ளது" 

சென்னை மாநகரப் பேருந்துகள்

Source : Twitter - Mtc

Chennai Bus Pass: "சென்னையில் மாதம் 2000 ரூபாய் பஸ் பாஸ் முறையில், ஏசி பேருந்துகள் உள்ளிட்ட அனைத்து மாநகர பேருந்துகளிலும், பயணம் மேற்கொள்ளும் வசதியை அறிமுகம் செய்ய போக்குவரத்து துறை திட்டம்"

சென்னை மாநகரம் இந்தியாவில் மிக முக்கிய நகரமாக இருந்து வருகிறது. சென்னையில் பல லட்சக்கணக்கான வேலை வாய்ப்புகள் இருப்பதால், சென்னையில் தொடர்ந்து குடியேறுபவர்களின் எண்ணிக்கை அதிகரித்து வருகிறது. இதேபோன்று சென்னையில் புறநகர் பகுதிகளிலும், குடியேற்றம் அதிகரித்து வருகிறது.

சென்னையின் முக்கிய போக்குவரத்து சேவை - Chennai MTC Buses 

சென்னையை பொறுத்தவரை மிக முக்கிய போக்குவரத்து சேவையாக, சென்னை மாநகரப் போக்குவரத்து சேவை இருந்து வருகிறது. நாள்தோறும் ஆயிரக்கணக்கான பேருந்துகளில் பல லட்சக்கணக்கான பொதுமக்கள் பயணம் செய்து வருகின்றனர். குறிப்பாக தினமும் லட்சக்கணக்கான பயணிகள் வேலை நிமிர்த்தமாகவும், பள்ளி, கல்லூரிக்கும் சென்று வருவது குறிப்பிடத்தக்கது.

மாநகரப் பேருந்து பஸ் பாஸ் முறை - chennai mtc bus pass

தினமும் மாநகர பேருந்துகளில் பயணம் செய்வதற்காக, தமிழ்நாடு அரசு மாநகர போக்குவரத்து கழகம் சார்பில் பஸ் பாஸ் வழங்கப்பட்டு வருகிறது. தினமும் பயணிக்கும் பயணிகளுக்கு இந்த பஸ் பாஸ் முறை வரப் பிரசாதமாக இருந்து வருகிறது.

தற்போது சென்னை மாநகர பேருந்து கழகம் சார்பில், ஆயிரம் ரூபாய் பஸ் பாஸ் வழங்கப்பட்டு வருகிறது. இந்த ஆயிரம் ரூபாய் பஸ் பாஸ் மூலம், மாநகர ஏசி பேருந்துகளை தவிர்த்து அனைத்து பேருந்துகளிலும் பயணம் செய்ய முடியும் என்பது குறிப்பிடத்தக்கது. 

பொதுமக்கள் கோரிக்கை 

சென்னை மாநகர போக்குவரத்து கழகம் சார்பில் ஏசி பேருந்துகளும், அதிகரிக்கப்பட்டு வருகிறது. தினமும் வேலைக்குச் செல்பவர்கள் சமீப காலமாக ஏசி பேருந்துகளில், செல்ல ஆர்வம் காட்டி வருகின்றனர். 

பிற மாநகர பேருந்துகளுக்கு பஸ் பாஸ் வழங்குவதைப் போன்று ஏசி பேருந்துகளுக்கும், பஸ் பாஸ் வழங்க வேண்டும் என்று பயணிகள் நீண்ட காலமாக கோரிக்கை வைத்து வருகின்றனர்‌. இதனை பரிசீலித்த சென்னை மாநகர போக்குவரத்து கழகம், ஏசி பேருந்துகளில் செல்ல பஸ் பாஸ் நடைமுறையை கொண்டு வர பரிசோதனை மேற்கொண்டது. 

ஏசி பஸ்ஸிலும் பஸ் பாஸ் முறை- AC Bus Pass 

இதனைத் தொடர்ந்து சென்னை மாநகரப் போக்குவரத்துக் கழகம் சார்பில், சென்னையில் மாதம் 2000 ரூபாய் பஸ் பாஸ் முறை பயன்பாட்டிற்கு கொண்டு வர நடவடிக்கை மேற்கொள்ளப்பட்டு வருகிறது. இந்த பஸ் பாஸ் மூலம் ஏசி பேருந்துகள் உள்ளிட்ட அனைத்து மாநகர பேருந்துகளிலும், பயணம் மேற்கொள்ளும் வசதியை அறிமுகம் செய்ய போக்குவரத்து துறை ஆலோசனை மேற்கொண்டு வருகிறது. 

பயன்பாட்டிற்கு வருவது எப்போது? 

ஏசி பேருந்துகளிலும் பயணம் செய்யும் பஸ் பாஸ்களை வருகின்ற, ஜூன் மாதம் முதல் பயன்பாட்டிற்கு கொண்டு வர நடவடிக்கைகள் மேற்கொள்ளப்பட்டு வருகிறது.