சென்னைக்கு 4889 ஓட்டு மெஷின்.. எந்த தொகுதிக்கு எத்தனை வாக்கு இயந்திரங்கள்? இதான் டேட்டா வாக்காளர்களே!

சென்னையில் உள்ள 16 தாெகுதிகளில் எந்த தொகுதிக்கு எத்தனை வாக்குப்பதிவு இயந்திரங்கள்? எத்தனை விவி பேட் இயந்திரங்கள்? எத்தனை கட்டுப்பாட்டு கருவிகள்? என்பதை கீழே விரிவாக காணலாம்.

வாக்கு இயந்திரங்கள்

Source : twitter

தமிழ்நாட்டில் சட்டமன்ற தேர்தல் இன்னும் ஒரு மாத காலத்தில் நடைபெற உள்ளது. ஏப்ரல் 23ம் தேதி நடைபெற உள்ள இந்த தேர்தலுக்காக தேர்தல் ஆணையம் மிகவும் தீவிரமாக பணியாற்றி வருகின்றனர். 

தமிழ்நாட்டின் தலைநகரமான சென்னையில் மொத்தம் 16 தொகுதிகள் உள்ளது. எந்தெந்த தொகுதிகளுக்கு எத்தனை வாக்குப்பதிவு இயந்திரங்கள்? விவி பேட் இயந்திரங்கள்? என்பதை கீழே காணலாம்.

சட்டமன்ற தொகுதி	வாக்குப்பதிவு இயந்திரங்கள்	கட்டுப்பாட்டு கருவிகள்	விவி பேட் இயந்திரங்கள்
ஆர்.கே.நகர்	295	295	319
பெரம்பூர்	357	357	387
கொளத்தூர்	343	343	371
வில்லிவாக்கம்	306	306	331
திரு.வி.க.நகர்	267	267	289
எழும்பூர்	240	240	260
ராயபுரம்	232	232	252
துறைமுகம்	230	230	249
சேப்பாக்கம் திருவல்லிக்கேணி	282	282	305
ஆயிரம் விளக்கு	296	296	321
அண்ணாநகர்	327	327	354
விருகம்பாக்கம்	373	373	404
சைதாப்பேட்டை	338	338	366
தியாகராய நகர்	301	301	326
மயிலாப்பூர்	326	326	353
வேளச்சேரி	376	376	408
மொத்தம்	4889	4889	5295

சென்னையில் உள்ள மொத்தம் 16 தொகுதிகளுக்கு மொத்தமாக 4 ஆயிரத்து 889 வாக்கு இயந்திரங்கள் வாக்குப்பதிவிற்காக பயன்படுத்தப்பட உள்ளது. சென்னையிலே வாக்காளர்கள் 2வது அதிகம் உள்ள வேளச்சேரி தொகுதியில் 376 வாக்கு இயந்திரங்கள் பயன்படுத்தப்படு உள்ளது. வேட்பாளர்கள் அதிகம் உள்ள பெரம்பூர் தொகுதியில் 357 வாக்கு இயந்திரங்கள் பயன்படுத்தப்பட உள்ளது. மு.க.ஸ்டாலினின் தொகுதியான கொளத்தூர் தொகுதியில் 343 வாக்குப்பதிவு இயந்திரங்கள் பயன்படுத்தப்பட உள்ளது. அங்கு 387 விவி பேட் இயந்திரங்கள் பயன்படுத்தப்படுகிறது.

28 லட்சம் வாக்காளர்கள்:

சென்னையில் சுமார் 1 கோடி மக்கள் வரை வாழ்ந்தாலும் இங்கு வாக்காளர்கள் 28 லட்சம் பேர் உள்ளனர். வெளிமாவட்டத்தைச் சேர்ந்தவர்களே இங்கு பெரும்பாலும் வசித்து வருகின்றனர். சென்னையில் பாதுகாப்பு பணிகளுக்கான ஏற்பாடுகளையும் தீவிரமாக தேர்தல் ஆணையம் மேற்கொள்ள உள்ளது. 

சென்னையில் வாக்குப்பதிவிற்கு பிறகு வாக்கு இயந்திரங்களை வைக்க உள்ள வாக்கு எண்ணும் மையங்களையும் தயார் செய்யும் பணியிலும் தேர்தல் ஆணையம் தீவிரமாக பணியாற்றி வருகிறது. சென்னை மட்டுமின்றி ஒவ்வொரு மாவட்டத்தில் உள்ள ஒவ்வொரு வாக்குச்சாவடியிலும் போதுமான வாக்கு இயந்திரங்களை அனுப்புவதற்கான பணிகளும் முழுவீச்சில் நடந்து வருகிறது. 

பணிகள் தீவிரம்:

மேலும், வாக்குப்பதிவு மையங்களில் பணியாற்ற உள்ள அதிகாரிகளுக்கு முறையான பயிற்சி வழங்கும் பணிகளும் தீவிரமாக நடந்து வருகிறது. வாக்கு இயந்திரங்கள் வாக்குப்பதிவின்போது எந்த வித இயந்திரக் கோளாறுக்கு ஆளாத வகையில் அதிகாரிகள் கண்காணிப்பு பணியை மேற்கொண்டு வருகின்றனர்.

சென்னை திமுக-வின் கோட்டையாக திகழ்ந்து வரும் சூழலில் இந்த தேர்தலில் அவர்களுக்கு கடும் சவால் அளிக்க அதிமுக, நாம் தமிழர் மற்றும் தவெக களத்தில் இறங்கியுள்ளது.