மேலும் அறிய

Chengalpattu Leave: செங்கல்பட்டு மாவட்டத்திற்கு நாளை உள்ளூர் விடுமுறை - ஏன் தெரியுமா ?

மேல்மருவத்தூர் கோவிலில் ஆதிபராசக்தி சித்தர் பீடத்தில் ஆடிப்பூரம் திருவிழாவை முன்னிட்டு உள்ளூர் விடுமுறை அளிக்கப்படுவதாக மாவட்ட ஆட்சியர் ராகுல் நாத் அறிவித்துள்ளார்.

By : கிஷோர் | Updated at : 20 Jul 2023 07:44 PM (IST)

Chengalpattu adi pooram school leave district Collector Rahul Nath has announced that a local holiday TNN Chengalpattu Leave: செங்கல்பட்டு மாவட்டத்திற்கு நாளை உள்ளூர் விடுமுறை - ஏன் தெரியுமா ?

மேல்மருவத்தூர் ஆதிபராசக்தி கோயில்

மேல்மருவத்தூர்

செங்கல்பட்டு மாவட்டம், சென்னை-திருச்சி தேசிய நெடுஞ்சாலையில் உள்ளது மேல்மருவத்தூர். இங்குள்ள ஆதிபராசக்தி சித்தர் பீடம்தான் இந்த ஊரின் அடையாளமாக தெரிவித்து வருகிறது. தமிழ்நாடு உள்பட பல்வேறு மாநிலங்களில் இருந்தும் பக்தர்கள் அதிக அளவில் இங்கு வருகிறார்கள். அதிக வருமானம் உள்ளதால், ஆதிபராசக்தி அறக்கட்டளை மூலமாக மருத்துவக் கல்லூரி, பொறியியல் கல்லூரி, தொழில்நுட்பக் கல்லூரி, சி.பி.எஸ்.இ பள்ளிகள், மருத்துவமனைகள், வணிக வளாகங்கள் உள்ளிட்டவை இயங்குகின்றன.

இந்தக் கோயிலுக்கு குடியரசுத்தலைவர், முதலமைச்சர்கள், அரசு உயர் அதிகாரிகள், நீதிபதிகள் , தமிழகத்தை சேர்ந்த அனைத்து அரசியல் கட்சித் தலைவர்களும் இக்கோவிலுக்கு வர தவறியது கிடையாது. இக்கோவிலை சுற்றி வட்டார ஊர்களில், உள்ள பகுதிகளில் இயங்கி வரும் கடைகளில் ஆதிபராசக்தி புகைப்படத்தை தாராளமாக காணலாம். அதேபோல் திருமணம் உள்ளிட்ட சுப நிகழ்ச்சிகளில் மேல்மருவத்தூர் கோவிலை சார்ந்தவர்கள் இல்லாமல் நடைப்பெறுவது கிடையாது. அப்பகுதியில் பங்காரு அடிகளார் மற்றும் அவரது மகன்களான அன்பழகன் செந்தில் ஆகியோர் செல்வாக்கு மிக்கவர்களாக திகழ்ந்து வருகின்றனர். மேல்மருவத்தூர் ஆதிபராசக்தி மிக முக்கிய திருவிழாவாக ஆடி திருவிழா இருந்து வருகிறது. மேல்மருவத்தூர் ஆதிபராசக்தி கோவிலுக்கு தமிழ்நாடு மட்டும் இல்லாமல் எல்லா மாநிலங்களில் இருந்து, ஏராளமான பக்தர்கள் வருவது வழக்கம். மேல்மருவத்தூர் ஆதிபராசக்தி கோவிலுக்கு ஆண் பக்தர்களை விட , பெண் பக்தர்கள் வருவது வழக்கம்

உள்ளூர் விடுமுறை

செங்கல்பட்டு மாவட்டத்திற்கு நாளை ( ஜூலை 21 ) தேதி உள்ளூர் விடுமுறை அறிவித்து மாவட்ட கலெக்டர் உத்தரவிட்டுள்ளார். மேல்மருத்தூர் ஆதிபராசக்தி கோயில் ஆடிப்பூரம் விழாவையொட்டி உள்ளூர் விடுமுறை அறிவித்துள்ளார். செங்கல்பட்டு மாவட்டம், மேல்மருவத்தூர் ஆதிபராசக்தி சித்தர் பீடத்தில் ஆண்டுதோறும், ஆடிப்பூரம் சிறப்பாக கொண்டாடப்படும். கடந்த 1972ம் ஆண்டு முதல் இக்கோயிலில் ஆடிப்பூரம் விழா கொண்டாடப்படுகிறது. அந்தவகையில் இந்த ஆண்டு 52 வது ஆடிப்பூரம் விழா கோலாகலமாக நாளை ( ஜூலை 21 ) ஆம் தேதி கொண்டாடப்பட உள்ளது. இந்நிலையில் மேல்மருவத்தூர் கோவிலில் ஆதிபராசக்தி சித்தர் பீடத்தில் ஆடிப்பூரம் திருவிழாவை முன்னிட்டு உள்ளூர் விடுமுறை அளிக்கப்படுவதாக மாவட்ட ஆட்சியர் ராகுல் நாத் அறிவித்துள்ளார்.