ரேஷன் கார்டில் மனைவி படத்திற்கு பதில் பீர்பாட்டில்! அதிர்ச்சியில் குடும்பம்: நடந்தது என்ன?
இ-ரேஷன் கார்டில் குடும்ப தலைவர் போட்டோவுக்கு பதில் பீர் பாட்டில் படம் இருந்ததால் அதிர்ச்சி.
இ - சேவை மையம் மூலம் நீக்கம்
மதுரை மாவட்டம் சின்னபூலாம்பட்டியை சேர்ந்தவர் தங்கவேல் ( வயது 46 ) இவரது மனைவி ஜெயப்பிரியா, ரேஷன் கார்டில் இவரது மனைவி , குடும்பத் தலைவராகவும், தங்கவேல், மகன், மகள் உறுப்பினர்களாகவும் இருந்தனர். இவரது மகளுக்கு திருமணம் நடந்தது. மகளின் பெயரை ரேஷன் கார்டில் இருந்து இ - சேவை மையம் மூலம் நீக்கம் செய்தார். அதன் பின் இணைய தளத்தில் இருந்து பதிவிறக்கம் செய்யப்பட்ட இ - ரேஷன் கார்டை பார்த்த போது , குடும்ப தலைவரான ஜெயப்பிரியா போட்டோவிற்கு பதில், பீர்பாட்டில் படம் இடம் பெற்றிருந்தது. இதனால் குடும்பத்தினர் அதிர்ச்சி அடைந்தனர்.
இதுகுறித்து தங்கவேல் கூறியதாவது ;
கடந்த வாரம் அமைப்பு சாரா கட்டுமான தொழிலாளர் நல வாரியத்தில் பதிவு செய்வதற்காக என் மனைவி சென்றார். அப்போது பதிவிறக்கம் செய்யப்பட்ட தற்காலிகமான இ - ரேஷன் கார்டில் , என் மனைவி போட்டோவுக்கு பதில் , பீர் பாட்டில் படம் இடம் பெற்றிருந்தது. நாங்கள் இன்னும் , அப்டேட் செய்யப்பட்ட நிரந்தர ஸ்மார்ட் கார்டை வாங்கவில்லை. ஆனால் , இ-ரேஷன் ரேஷன் கார்டில் இப்படி மதுபாட்டில் படம் இருப்பதால், அதை பார்த்து நலவாரியத்தில் பதிவு செய்ய முடியாது எனக் கூறி திருப்பி அனுப்பி விட்டனர் என அவர் கூறினார்.
தலைப்பு செய்திகள்
ட்ரெண்டிங் செய்திகள்
