HCL Jobs: மிஸ் பண்ணிடாதீங்க..! வேலைவாய்ப்பு, உதவித்தொகையுடன் ஓராண்டு இலவசப் பயிற்சி - முழு விவரம் உள்ளே..!
2021-2022 ஆம் ஆண்டு 12-ம் வகுப்பில் 60% மதிப்பெண்களுடன் தேர்ச்சி பெற்ற மாணவர்களுக்கு, HCL நிறுவனம் பயிற்சியோடு பணி வாய்ப்புகளை வழங்குகின்றது.
2021 அல்லது 2022 ஆண்டுகளில் 12-ஆம் வகுப்பு முடித்த மாணவர்களுக்கு HCL, தமிழ்நாடு திறன் மேம்பாட்டுக் கழகம் மற்றும் தமிழ்நாடு பள்ளிக்கல்வி இயக்குநரகம் இணைந்து வழங்கும் வேலைவாய்ப்புடன் கூடிய ஓராண்டு பயிற்சித் திட்டத்தை வழங்க உள்ளது. இதற்கு விண்ணப்பிப்பது எப்படி என்று பார்க்கலாம்.
2021-2022 ஆம் ஆண்டு 12-ம் வகுப்பில் 60% மதிப்பெண்களுடன் தேர்ச்சி பெற்ற மாணவர்களுக்கு, HCL நிறுவனம் பயிற்சியோடு கீழ்க்கண்ட பணி வாய்ப்புகளை வழங்குகின்றது.
தமிழக அரசின் "நான் முதல்வன்” திட்டத்தின் வாயிலாக தமிழ்நாடு திறன் மேம்பாட்டுக் கழகம், அரசுப் பள்ளி மாணவர்கள் 2,000 நபர்களுக்கு HCL "Early Career Program" திட்டத்துக்கான பயிற்சிக் கட்டணம் முழுவதையும் வழங்குகின்றது.
இத்திட்டத்தின் வாயிலாக மாணவர்களுக்கு:
தமிழகத்தின் எந்த பகுதியில் இருந்தாலும் பயிற்சியோடு HCL-ல் கீழ்க்கண்ட முழு நேரப் பணி வாய்ப்பை வழங்குகின்றது.
> Software Developer
> Analyst, Design Engineer
> Data Engineer
> Support & Process Associate
> Service Desk and DPO
Internship பயிற்சியின் போது 7வது மாதம் முதல், மாதம்தோறும் ரூபாய் 10,000/- உதவித்தொகையை பெறலாம். பணியில் சேர்ந்தவுடனே துவக்க நிலை ஊதியமாக ஆண்டுக்கு ரூபாய் 1.70 லட்சம் முதல் 2.20 லட்சம் வரை (பணி நிலைக்கு ஏற்றாற்போல்) பெறலாம்.
HCL- ல் பணிபுரிந்து கொண்டே உயர் கல்வியை துவங்குவதற்கு BITS Pilani, Amity மற்றும் SASTRA பல்கலைக்கழகங்களில் வாய்ப்பினை பெற்றுத் தருகின்றது. மேலும் அவர்களின் கல்விக் கட்டணத்தின் ஒரு பகுதியை HCL நிறுவனம் வழங்குகின்றது. மேலும் இத்திட்டமானது மாணவர்கள் சிறு வயதிலேயே உலகளாவிய தகவல் தொழில்நுட்ப நிறுவனத்தில் தங்கள் பணியினை துவங்க வாய்ப்பளிக்கின்றது.
மாநிலம் முழுவதிலும் இந்த HCL TechBee திட்டத்தின் தேர்வு முகாமினை அக்டோபர் 28 முதல் 30-ம் தேதி வரை, சென்னை, மதுரை, திருநெல்வேலி, திருச்சி மற்றும் ஈரோடு ஆகிய மாவட்டங்களில் நடத்தத் திட்டமிடப்பட்டுள்ளது. இத்திட்டத்தில் சேர்ந்து பயன்பெறுமாறு (தகுதியுள்ள மாணவர்களை ) தமிழ்நாடு திறன் மேம்பாட்டுக் கழக மேலாண்மை இயக்குநர் கேட்டுக் கொண்டுள்ளார்.
மேலும் விவரங்களுக்கு:
சென்னை - 88079 40948.
மதுரை - 9788156509.
திருநெல்வேலி- 98941 52160.
திருச்சி - 94441 51303.
கோயம்புத்தூர், ஈரோடு, திருப்பூர் - 89032 45731, 98655 35909.
இதற்கு விண்ணப்பிக்க: https://registrations.hcltechbee.com/
இதையும் வாசிக்கலாம்: AITT Exam: அகில இந்திய துணை தொழிற்தேர்வுக்கு விண்ணப்பிக்கலாம் - வேலைவாய்ப்பு, பயிற்சித்துறை அறிவிப்பு
தலைப்பு செய்திகள்
ட்ரெண்டிங் செய்திகள்
