AITT Exam: அகில இந்திய துணை தொழிற்தேர்வுக்கு விண்ணப்பிக்கலாம் - வேலைவாய்ப்பு, பயிற்சித்துறை அறிவிப்பு
தொழிற்பயிற்சி நிலையங்களில் பயிற்சி பெற நடைபெறும் அகில இந்திய துணை தொழிற்தேர்வுக்கு நவம்பர் 10ஆம் தேதி வரை விண்ணப்பிக்கலாம் என்று வேலைவாய்ப்பு, பயிற்சித்துறை அறிவிப்பு வெளியிட்டுள்ளது.
தொழிற்பயிற்சி நிலையங்களில் பயிற்சி பெற நடைபெறும் அகில இந்திய துணை தொழிற்தேர்வுக்கு நவம்பர் 10ஆம் தேதி வரை விண்ணப்பிக்கலாம் என்று வேலைவாய்ப்பு, பயிற்சித்துறை அறிவிப்பு வெளியிட்டுள்ளது.
இதுகுறித்துத் தமிழக வேலைவாய்ப்பு மற்றும் பயிற்சித்துறை தெரிவித்துள்ளதாவது:
''கைவினைஞர் பயிற்சி திட்டத்தின் கீழ் தொழிற்பயிற்சி நிலையங்களில் பயிற்சி பெற்ற பயிற்சியாளர்களுக்கு அகில இந்திய தொழிற்தேர்வு, ஒவ்வொரு ஆண்டும் டிஜிடி டெல்லியால் நடத்தப்பட்டு வருகிறது.
கொரோனா பெருந்தொற்று காரணமாக கடந்த இரண்டு ஆண்டுகளாக அகில இந்திய தொழிற்தேர்வில் தேர்ச்சி பெறாதவர்களுக்கு துணைத் தேர்வுகள் நடைபெறவில்லை. தற்பொழுது, கருத்தியல் (Trade Theory) பணிமனை கணித அறிவியல் (Workshop calculation & Science) மற்றும் வேலைவாய்ப்புத் திறன் (Employability Skill) ஆகிய பாடங்களில் தேர்ச்சி பெறாத முன்னாள் பயிற்சியாளர்களுக்கு 25-11-2022 முதல் CBT எனப்படும் கணினி முறையில் தேர்வு நடத்த Ministry of Skill Development And Entrepreneurship- Directorate General of Training (டிஜிடி டெல்லி) சார்பில் திட்டமிடப்பட்டுள்ளது.
2014 முதல் 2017 வரை பருவ முறையில் பயிற்சி பெற்ற முன்னாள் பயிற்சியாளர்களுக்கு துணைத் தேர்வு எழுத (1+ 4) 5 வாய்ப்புகள் கொடுக்கப்பட்ட நிலையில் தற்போது கூடுதலாக ஒரு அரிய வாய்ப்பும், 2018 முதல் 2021 வரை ஆண்டு முறையில் பயிற்சி பெற்ற முன்னாள் பயிற்சியாளர்களுக்கு துணைத் தேர்வு எழுத கூடுதலாக ஒரு வாய்ப்பும் டிஜிடி டெல்லியால் வழங்கப்பட்டுள்ளது.
எனவே, கருத்தியல் (Trade Theory), பணிமனை கணித அறிவியல் (Workshop calculation & Science) மற்றும் வேலைவாய்ப்புத் திறன் (Employability Skill) ஆகிய பாடங்களில் தேர்ச்சி பெறாத முன்னாள் பயிற்சியாளர்கள் தாங்கள் பயின்ற தொழிற்பயிற்சி நிலையங்களை 10.11.2022 தேதிக்குள் தொடர்பு கொண்டு, சம்பந்தப்பட்ட பாடங்களுக்கான தேர்வுக் கட்டணத்தை தொழிற்பயிற்சி நிலைய வழிகாட்டுதலின்படி Portal payment Link-ல் செலுத்த வேண்டும்.
தேவைப்பட்டோர், இந்த நல்வாய்ப்பினை பயன்படுத்தி துணைத் தேர்வை CBT முறையில் எழுதி பயன்பெறுமாறு கேட்டுக் கொள்ளப்படுகிறது.
மேலும், அகில இந்திய துணைத் தொழிற்தேர்வு நவம்பர் 2022, குறித்த தகவல்களை உடனுக்குடன் பெற http://skilltraining.tn.gov.in மற்றும் https://ncvtmis.gov.in/pages/home.aspx ஆகிய இணையதளங்களில் பார்த்துத் தெரிந்துகொள்ளுமாறு கேட்டுக் கொள்ளப்படுகிறது''.
கூடுதல் தகவல்களுக்கு: https://ncvtmis.gov.in/pages/home.aspx
இவ்வாறு தமிழக வேலைவாய்ப்பு மற்றும் பயிற்சித்துறை தெரிவித்துள்ளது.
இதையும் வாசிக்கலாம்: Online PhD: ஆன்லைன் பிஹெச்.டி செல்லாது; மாணவர்கள் ஏமாற வேண்டாம் - யுஜிசி எச்சரிக்கை.. https://tamil.abplive.com/education/ugc-warns-students-against-taking-admission-to-online-phd-programmes-by-edtech-companies-81470
தலைப்பு செய்திகள்
ட்ரெண்டிங் செய்திகள்
