கடற்கரை போட்டோஷூட்.! விஜய் டிவி நட்சத்திரம் புகழின் திருமணம் குறித்த அப்டேட் !
விரைவில் புகழுக்கு திருமணம் என உறுதியாகியுள்ளது. தனது இன்ஸ்டாகிராம் பக்கத்தில் தனது காதலியுடன் போட்டோஷூட் நடத்தி அதை பதிவு செய்துள்ளார்!
குழந்தைகள் முதல் பெரியவர்கள் வரை பலரின் ஸ்ட்ரெஸ் பஸ்டர் ஆகவும், மிகப்பெரிய அளவில் ஹிட் அடித்த ஷோ தான் ’குக் வித் கோமாளி’. மற்ற குக்கிங் நிகழ்ச்சிகளை விட வித்தியாசமாக கோமாளிகளும் பங்கேற்கும் இந்த நிகழ்ச்சியில் மணிமேகலை, புகழ், சிவாங்கி, பாலா, சுனிதா போன்ற பல கோமாளிகள் கலந்துக்கொண்டனர்.
View this post on Instagram
குறிப்பாக மற்ற கோமாளிகளை விட மக்களிடம் மிகவும் பிரபலமானவர் தான் புகழ். இந்நிகழ்ச்சிகளுக்கு முன்னதாக பல காமெடி நிகழ்ச்சிகளில் பங்கேற்றிருந்தாலும் இந்த நிகழ்ச்சி மட்டுமே புகழுக்கு ஏராளமாக ரசிகர்களைப்பெற்று தந்தது. இப்படி முதல் சீசன், இரண்டாவது சீசன், மூன்றாவது சீசன் என இவரின் லூட்டிகளுக்கு பஞ்சமே இல்லாமல் இருந்தது.
குக் வித் கோமாளி கிடைத்த புகழுக்கு பிறகு புகழ் தமிழ் சினிமாவில் வாய்ப்பு கிடைத்து சந்தானத்தின் 'சபாபதி', அஜித்தின் 'வலிமை', அஸ்வின் நடித்த ’என்ன சொல்லப் போகிறாய்’, சூர்யா நடித்த ’எதற்கும் துணிந்தவன்’ உள்ளிட்ட சில படங்களில் நகைச்சுவை வேடங்களில் நடித்துள்ளார், மேலும் பொன்ராம் இயக்கத்தில் விஜய் சேதுபதியின் புதிய படத்தில் முக்கிய கதாபாத்திரத்தில் நடிக்கிறார்.
View this post on Instagram
இந்நிலையில் நடிகர் புகழ், பென்ஸ் ரியா என்பவரை காதலிப்பதாக கூறியிருந்தார். இன்னும் சில மாதங்களில் தங்களுக்கு திருமணம் என்றும் கூறியிருந்தார். இந்நிலையில், தற்போது தனது இன்ஸ்டாகிராம் பக்கத்தில் தனது காதலியுடன் போட்டோஷூட் நடத்தி அந்த புகைப்படத்துடன் ' கம்மிங் ஸூன்' என பதிவு செய்துள்ளார். இதனால், விரைவில் புகழுக்கு திருமணம் என உறுதியாகியுள்ளது. இதற்க்கு விஜய் டிவி நட்சத்திரங்களும், ரசிகர்கள் பலரும் தங்களது வாழ்த்தை தெரிவித்து வருகிறார்கள்.
View this post on Instagram
நடிகர் புகழ் தற்போது சினிமாவில் தீவிரமாக உள்ளதாகவும், 'மிஸ்டர் ஜூ கீப்பர்' என்ற படத்தில் ஹீரோவாகவும் நடித்து வருகிறார்.