vijay sethupathi | பிரபல நடிகைக்கு ஜோடியா..? ’நோ’ சொன்ன விஜய்சேதுபதி.. காரணம் இதுதான்!

படத்தில் கதாநாயகியாக நடிக்க வைக்க டோலிவுட் நடிகை கிருதி ஷெட்டியிடம் பேச்சுவார்த்தை நடைப்பெற்று வருவதாக விஜய் சேதுபதியிடம்  படக்குழு தெரிவித்ததாக தெரிகிறது.

விஜய் சேதுபதி

புஜ்ஜி பாபு சனா இயக்கத்தில் கடந்த பிப்ரவரி மாதம் வெளியான திரைப்படம் ‘உப்பெண்ணா’ .இந்த படத்தில் வைஷ்ணவ் தேவ் மற்றும் கிருதி ஷெட்டி ஆகியோர் ஹீரோ ஹீரோயினாக நடித்திருந்தனர். படத்தில் நாயகியின் தந்தையாகவும், மிரட்டும் வில்லனாகவும் நடித்து அசத்தியிருந்தார் விஜய் சேதுபதி. உப்பெண்ணா படம் மூலமாகத்தான் விஜய் சேதுபதி முதன் முதலில் தெலுங்கு சினிமாவில் வில்லனாக அறிமுகமானார்  என்பது குறிப்பிடத்தக்கது. இந்நிலையில் தமிழில் புதிய படம் ஒன்றில் ஒப்பந்தமாகியுள்ளார் விஜய் சேதுபதி. படத்தில் கதாநாயகியாக நடிக்க வைக்க டோலிவுட் நடிகை கிருதி ஷெட்டியிடம் பேச்சுவார்த்தை நடைப்பெற்று வருவதாக விஜய் சேதுபதியிடம்  படக்குழு தெரிவித்ததாக தெரிகிறது. உடனே ”கிருதி ஷெட்டியுடன் நான் ஜோடியாக நடிக்க மாட்டேன்” என மறுத்துவிட்டாராம் விஜய் சேதுபதி. காரணம் ஒரு படத்தில் அந்த பெண்ணுக்கு தந்தையாக நடித்துவிட்டு , அடுத்த படத்தில் அவருக்கு ஜோடியாக நடிப்பதில் தனக்கு விருப்பமில்லை என கூறிவிட்டாராம் . இதனை  படக்குழுவிற்கு நெருக்கமான தகவல்கள் தெரிவிக்கின்றன. கிருதி ஷெட்டிக்கு சமூக வலைத்தளங்களில், குறிப்பாக தமிழக இளைஞர்கள் மத்தியில் செம கிரேஸ் உள்ளது . இவரை விஜய் சேதுபதிக்கு ஜோடியாக அறிமுகப்படுத்தினால் படத்திற்கு செம ஹைப்பாக இருக்கும் என எண்ணிய படக்குழுவின் முயற்சி  தோல்வியில் முடிந்துள்ளது. தற்போது கோலிவுட் பக்கம் உள்ள இளம் ஹீரோயின் பக்கம் திரும்பியுள்ளனராம் படக்குழு.

தென்னிந்திய சினிமாவில் கவனிக்கத்தக்க நடிகராக வலம் வருபவர் விஜய் சேதுபதி. ஏராளமான ரசிகர் பட்டாளத்தை கொண்டுள்ளார். இவரது ஒவ்வொரு அசைவுகளும் சினிமா சபைகளில் அதிகம் கவனம் பெருகின்றன. தென்னிந்திய சினிமா மட்டுமல்லாது பாலிவுட் சினிமாவின் டாப் ஹீரோக்களும் கூட விஜய் சேதுபதியின் ரசிகர்கள். விஜய் சேதுபதி படத்தில் தனக்கான ரோல் சரியாக இருந்து, கதைக்களம் சிறப்பாக இருந்தால் ஓகே சொல்லிவிடுகிறாராம் . குறைந்த பட்ஜெட் படங்கள், அதிக பட்ஜெட் படங்கள் என்ற பாகுபாடு பார்ப்பது இல்லையாம். படங்களின் பட்ஜெட்டுகளுக்கு ஏற்ப தனது சம்பளத்தில் சமரசம் செய்துக்கொள்கிறார் என்கின்றனர் அவருக்கு நெருக்கமானவர்கள். ஹீரோ , வில்லன் என்பதை தாண்டி தற்போது தொகுப்பாளராகவும் அசத்தி வருகிறார். 

டெல்லி பிரசாத் தீனதயாளன் இயக்கத்தில் விஜய் சேதுபதி நடிப்பில் உருவாகியிருக்கும் திரைப்படம் ‘துக்ளக் தர்பார்’ (Tughlaq Durbar) . அரசியல் டிராமாவாக உருவாகியிருக்கும் இந்த படத்தில் சத்யராஜ், பார்த்திபன், மஞ்சிமா மோகன், ராஷி கண்ணா, கருணாகரன் உள்ளிட்ட பலர் நடித்துள்ளனர். இந்த படம் நேரடியாக தொலைக்காட்சியில் வெளியாக உள்ளது. இதன் வெளியீட்டு உரிமையை சன் தொலைக்காட்சி பெற்றுள்ளது. இந்த படம் வருகிற செப்டம்பர் 10-ம் தேதி விநாயகர் சதுர்த்தியை முன்னிட்டு மாலை 6:30 மணிக்கு சன் தொலைக்காட்சியிலும் , செப்டம்பர் 11-ஆம் தேதி நேரடியாக நெட்ஃபிளிக்ஸ் ஓடிடி தளத்திலும் வெளியாக உள்ளது. துக்ளக் தர்பார் படத்திற்கு '96' புகழ் கோவிந்த் வசந்தா இசையமைத்துள்ளார். படத்தை லலித் குமார் தயாரிக்கிறார். இந்த படம் தவிர்த்து விஜய் சேதுபதி நடிப்பில் லாபம், கடைசி விவசாயி, அனபெல் சேதுபதி என இன்னும் மூன்று படங்கள் இந்த மாத வெளியீட்டிற்கு தயாராக இருப்பது குறிப்பிடத்தக்கது.