Mugizh From Tomorrow: விஜய் சேதுபதி நடிப்பில் உருவாகியிருக்கும் ’முகிழ்’: நாளை முதல் திரையரங்குகளில்! 

விஜய் சேதுபதி நடிப்பில் ஏற்கெனவே துக்ளக் தர்பார், அனபெல் சேதுபதி உள்ளிட்ட படங்கள் அடுத்தடுத்து வெளியானதை அடுத்து தற்போது முகிழ் திரைப்படம் நாளை வெளியாக உள்ளது குறிப்பிடத்தக்கது.

முகிழ்

இயக்குநர் கார்த்திக் இயக்கத்தில் விஜய் சேதுபதி மற்றும் அவரது மகள் ஸ்ரீஜா விஜய் சேதுபதி இணைந்து நடித்து உருவாகியிருக்கும் முகிழ் திரைப்படம் நாளை திரையரங்குகளில் வெளியாக உள்ளது. இந்தப் படத்தில் ரெஜினா கஸண்ட்ரா நடித்துள்ளார். ரேவா இந்தப் படத்துக்கு இசையமைத்துள்ளார். விஜய் சேதுபதி இந்தப் படத்தைத் தயாரித்துள்ளார். விஜய் சேதுபதி நடிப்பில் ஏற்கெனவே துக்ளக் தர்பார், அனபெல் சேதுபதி உள்ளிட்ட படங்கள் அடுத்தடுத்து வெளியானதை அடுத்து தற்போது முகிழ் திரைப்படம் நாளை வெளியாக உள்ளது குறிப்பிடத்தக்கது. முன்னதாக லோகேஷ் கனகராஜ் இயக்கத்தில் கமல்ஹாசன் மற்றும் ஃபாஹத் பாசில் உடனான கூட்டணியில் விஜய் சேதுபதி நடித்து உருவாகி வரும் விக்ரம் திரைப்படம் ரசிகர்களிடையே பெரிதும் எதிர்பார்க்கப்பட்டு வருவது குறிப்பிடத்தக்கது. 

#Mughizh 🐶 from tomorrow in theatres❤️ #SreejaVijaySethupathi@vsp_productions@ReginaCassandra@karthik_films @DoPsathya @revaamusic @proyuvraaj @thinkmusicindia pic.twitter.com/ZSVuvk82SQ

— VijaySethupathi (@VijaySethuOffl) October 7, 2021

அண்மையில் விஜய் சேதுபதி நடிப்பில் வெளியான அனபெல் சேதுபதி திரைப்படம் ரசிகர்களிடையே பெரிதும் விமர்சனத்துக்குள்ளானது. விஜய் சேதுபதி, டாப்ஸி நடிப்பில் பிரபல இயக்குநரும், நடிகருமான ஆர்.சுந்தர்ராஜனின் மகன் தீபக் சுந்தர்ராஜன் இயக்குநராக அறிமுகமாகியிருக்கும் படம் 'அனபெல் சேதுபதி'. இந்த படத்தில் ராதிகா, யோகிபாபு உள்ளிட்ட பலர் நடித்துள்ளனர்.இந்த படம் நேற்று டிஸ்னி பிளஸ் ஹாட்ஸ்டாரில் நேற்று அறிமுகமானது. வழக்கமாக தாத்தா , பாட்டி குழந்தைகளுக்கு சொல்லும் பேய் கதைகளை கையில் எடுத்த இயக்குநர் அதனை ஃபேண்டசி , காமெடியாக மாற்றி புதிய முயற்சியை கையாண்டுள்ளார்.  'அனபெல் சேதுபதி' படத்தை பார்த்த ரசிகர்கள் சமூக வலைத்தளங்களில் கலவையான விமர்சனங்களை அளித்து வருகின்றனர்.சமீக காலமாக தமிழ் சினிமாவில் பிஸி நடிகராக வலம் வந்துக்கொண்டிருக்கிறார் நடிகர் விஜய் சேதுபதி. சமீபத்தில் மாஸ்டர் செஃப் என்ற நிகழ்ச்சி வாயிலாக தொகுப்பாளராகவும் களமிறங்கினார். அந்த நிகழ்சியும் தற்போது சுவாரஸ்யம் இழந்துவிட்டதாக தெரிகிறது.இந்த செப்டம்பர் மாதத்தில் மட்டுமே அடுத்தடுத்த படங்கள் , விஜய் சேதுபதி நடிப்பில் வெளியாகியுள்ளன. திரையரங்கில் வெளியான லாபம் திரைப்படமும் அவருக்கு வெற்றியை கொடுக்கவில்லை. நேரடியாக தொலைக்காட்சி மற்றும் ஒடிடியில் வெளியான துக்ளக் தர்பார் திரைப்படத்திலும் புதுமையான கதைக்களமோ அல்லது சுவாரஸ்யமோ இல்லை என்பதால் அதுவும் கலவையான விமர்சனத்தையே பெற்றது. தற்போது வெளியான அனபெல் சேதுபதி படமும் ரசிகர்களின் எதிர்பார்ப்பை பூர்த்தி செய்யவில்லை என்பதால் அதிருப்தி அடைந்த ரசிகர்கள் , விஜய் சேதுபதியை சரமாரியாக ட்ரால் செய்தனர். இதற்கிடையேதான் தற்போது அவரது அடுத்த படமான முகிழ் நாளை வெளியாக உள்ளது. இந்தப் படமாவது தங்கள் எதிர்பார்ப்பை பூர்த்தி செய்யுமா என ரசிகர்கள் புருவம் உயர்த்திக் காத்துள்ளனர்.