Applause to Vijay Deverkonda : ‘உடல் உறுப்புகளை தானம் செய்கிறேன்’ - மேடையில் அறிவித்த விஜய் தேவரகொண்டா.. கொண்டாடும் நெட்டிசன்ஸ்!

டோலிவுட் முன்னணி நடிகர் விஜய் தேவரகொண்டா தண்டு உடல் உறுப்புகளை தானம் செய்துள்ளார். பலரும் இதற்கு பாராட்டுகளை தெரிவித்து வருகிறார்கள்.

விஜய் தேவரகொண்டா உடலுறுப்பு தானம்

 

இன்றைய இளவட்டங்களின் ஹார்ட் த்ரோப் ஹீரோ விஜய் தேவரகொண்டா செய்துள்ள ஒரு காரியம் தான் டாக் ஆஃப் தி டவுன்னாக உள்ளது.  டோலிவுட் சினிமாவின் முன்னணி நடிகர்களில் ஒருவரான விஜய் தேவரகொண்டா குறைந்த படங்களில் மட்டுமே நடித்திருந்தாலும் ரசிகர்கள் மனதில் அசைக்க முடியாத ஒரு இடத்தை பிடித்து விட்டார். அந்த வகையில் சமீபத்தில் விஜய் தேவரகொண்டா நடிப்பில் வெளியான 'லிகர்' திரைப்படம் மிகுந்த எதிர்பார்ப்புக்கு மத்தியில் வெளியாகி தோல்வியை சந்தித்தது. அந்த தோல்வியில் துவண்டு போன விஜய் தேவரகொண்டா பொது நிகழ்ச்சிகளில் கலந்து கொள்வதை தவிர்த்து வந்தார். 

 

உறுப்பு தானம் செய்த விஜய் தேவரகொண்டா :

இருப்பினும் சில தினங்களுக்கு முன்னர் குழந்தைகள் மருத்துவ விழிப்புணர்வு நிகழ்ச்சி ஒன்று ஹைதராபாத்தில் நடைபெற்றது. குழந்தைகளுக்கு ஏற்படும் கல்லீரல் தொடர்பான நோய்கள் அறுவை சிகிச்சை மூலம் குணப்படுத்தலாம். அது குறித்த விழிப்புணர்வு நிகழ்ச்சியை பேஸ் மருத்துவமனை மற்றும் கல்லீரல் கணையம் அறக்கட்டளை இணைந்து நடத்தியது.

பல நாட்களுக்கு பிறகு இந்த நிகழ்ச்சியில் கலந்து கொண்டு சிறப்பு உரையாற்றினார் விஜய் தேவரகொண்டா. அவர் பேசுகையில் " பல அறுவை சிகிச்சைகள் அரசாங்கத்தின் உதவியாலும், நல் உள்ளங்களின் நன்கொடையாலும் நடைபெறுவதை பற்றி கேள்விப்பட்டேன். மனிதாபிமானம் உள்ள பலர் உறுப்பு தானம் செய்ய முன்வருகிறார்கள். உறுப்புகளின் தேவை அதிகமாக இருக்கும் பட்சத்தில் அதற்கான போதிய விழிப்புணர்வு பொதுமக்கள் மத்தியில் இல்லை. இறந்த பிறகு உறுப்புக்கள் வீணாக போவதில் எனக்கு விருப்பமில்லை. அதனால் நான் எனது உடல் உறுப்புக்கள் அனைத்தையும் உறுப்பு தானம் செய்ய முடிவு செய்துள்ளேன். நாம் இறந்த பிறகு வீணாக போகும் உறுப்புகளை தேவைப்படுவோருக்கு தானம் செய்வதன் மூலம் வேறு ஒருவரின் உடலில் வாழ முடியும்" என்றார் விஜய் தேவரகொண்டா. அவருடன் அவரது அம்மாவின் உடல் உறுப்புகளையும் தானம் செய்ய ரெஜிஸ்டர் செய்துள்ளார் என்பது குறிப்பிடத்தக்கது. 

 

Vijay Deverakonda promises to donate his organs, says 'My mother and I have registered'#vijaydevarakonda #organ #organtransplant #organdonation #campaign #savelife #emergency #safety #inspire #inspiration #viralnews #bollywood #twitter #trending #shocking #news #ahmedabadmirror pic.twitter.com/aXTuJKZBLX

— Ahmedabad Mirror (@ahmedabadmirror) November 17, 2022

 

பாராட்டுகள் குவிகிறது :

அவரின் இந்த செயலை ரசிகர்கள் கொண்டாடி வரும் நிலையில் இணையத்தில் நெட்டிசன்களும் பாராட்டுகளை தெரிவித்து வருகிறார்கள். இது போல வெளிப்படையாக ஒரு நிகழ்ச்சியில் தனது உடல் உறுப்பு தானம் குறித்து அறிவித்ததை எண்ணி பலரும் மெய்சிலிர்க்கிறார்கள். லீடிங் ஹீரோவாக இருக்கும் விஜய் தேவரகொண்டாவின் இந்த செயல் பலருக்கும் ஊக்கமளிக்கும் விதமாக அமையும்.  நடிகர் விஜய் தேவரகொண்டா - நடிகை சமந்தா கூட்டணியில் உருவாகி வரும் திரைப்படம் 'குஷி'. இது அடுத்த ஆண்டு வெளியாகும் என எதிர்பார்க்கப்படுகிறது.