Vijay Devarakonda - Rashmika: ஒரே கலர் ஹூடியில் மும்பையில் விஜய் தேவரகொண்டா - ராஷ்மிகா உலா!

Vijay Devarakonda - Rashmika :விஜய் தேவரகொண்டா, ராஷ்மிகா மந்தனா இருவரும் காதலித்து வருவதாக கிசுகிசுக்கப்படும் நிலையில் அதை உறுதிப்படுத்தும் வகையில் புகைப்படங்கள் வெளியாகி வைரலாகி வருகின்றன.

விஜய் தேவரகொண்டா - ராஷ்மிகா மந்தனா

கன்னட திரைப்படம் மூலம் திரையுலகிற்குள் அறிமுகமான நடிகை ராஷ்மிகா மந்தனா. அதனைத்தொடர்ந்து ஏராளமான தெலுங்கு, தமிழ் மொழி படங்களில் நடித்து எக்ஸ்பிரஷன் குயின் என ரசிகர்களால் கொண்டாடப்பட்டு வருகிறார். தற்போது பாலிவுட்டிலும் அறிமுகமாகி அங்கும் கலக்கி வருகிறார் ராஷ்மிகா மந்தனா. 

 

காதல் கிசு கிசு :

தெலுங்கில் வெளியான கீதா கோவிந்தம் திரைப்படம் மூலம் விஜய் தேவரகொண்டா - ராஷ்மிகா மந்தனா ஜோடி சேர்ந்து நடித்தனர். அந்த சமயத்தில் அவர்களுக்குள் ஏற்பட்ட நட்பு பின்னர் டேட்டிங்காக மாறி பல இடங்களிலும் இருவரும் ஒன்று சேர்ந்து காணப்பட்டனர். அதை தொடர்ந்து டியர் காம்ரேட் படத்திலும் இருவரும் சேர்ந்து நடித்தனர். இவர்கள் இருவரும் காதலித்து வருகிறார்கள் என கிசுகிசுகப்பட்டது. அதை உறுதி செய்யும் வகையில் பல இடங்களில் அவர்கள் இருவரும் சேர்ந்து எடுத்துக்கொண்ட புகைப்படங்கள் சோசியல் மீடியாவில் வெளியாகி வைரலாகியது. 

ஒரே ஹூடியில் இருவரும் :

சந்தீப் ரெட்டி வங்கா இயக்கத்தில் ரன்பீர் கபூர் - ராஷ்மிகா மந்தனா நடிப்பில் இன்று வெளியாகியுள்ள 'அனிமல்' படத்தின் பிரீமியர் ஷோ மும்பையில் நடைபெற்றது. அந்த ஷோ பார்க்க சென்ற ராஷ்மிகா, RWDY ஹூடியை அணிந்து இருந்தார். தெலுங்கானாவில் மாநில தேர்தல் நடைபெற்று வருகிறது. அங்கு வாக்களிக்க சென்ற விஜய் தேவரகொண்டாவும் அதே RWDY ஹூடியை அணிந்து இருந்தார். RWDY என்பது  விஜய் தேவரகொண்டாவின் சொந்த ஆடை நிறுவனத்தின் பிராண்ட் பெயர் என்பது குறிப்பிடத்தக்கது. அவர்கள் இருவரின் புகைப்படங்களும் சோசியல் மீடியாவில் வைரலாகி  வருகின்றன. 

 

RWDY க்ளோதிங் விளம்பரமா?

விஜய் தேவரகொண்டா  மற்றும் ராஷ்மிகா மந்தனா இருவருக்கும் காதலித்து வருவதாக சொல்லப்படும் நிலையில் ஒற்றுமைக்காக இருவரும் ஒரே ஹூடியை அணிந்து கொண்டுள்ளனரா? அல்லது RWDY க்ளோதிங் பிரண்டை விளம்பரப்படுத்தும் வகையில் இதை செய்கிறார்களா என்பது கேள்விக்குறியாகவே உள்ளது. 

ஃபேமிலி ஸ்டார் :

விஜய் தேவரகொண்டா - ராஷ்மிகா மந்தனா இருவரும் ஒரே நாளில் ஒரே ஹூடியை அணிந்து இருந்தது அவர்களின் ரசிகர்களுக்கு சந்தோஷத்தை ஏற்படுத்தியுள்ளது. இந்த இரு செலிபிரிட்டிகளுமே பேக் டு பேக் திரைப்படங்களில் பிஸியாக நடித்து வருகிறார்கள். புஷ்பா 2, ரெயின்போ உள்ளிட்ட படங்களில் ராஷ்மிகா நடித்து வர விஜய் தேவரகொண்டா தனது 12வது படமான 'ஃபேமிலி ஸ்டார்' என்ற படத்தில் நடித்து வருகிறார். மேலும் ஒரு ஸ்வாரஸ்யமான தகவல் என்னவென்றால் 'ஃபேமிலி ஸ்டார்' படத்தில் கேமியோ ரோலில் ராஷ்மிகா மந்தனா நடித்துள்ளார் என தகவல்கள்  தெரிவிக்கின்றன.