Beast Story: மீண்டும் டெரரிஸ்ட் உடன் மோதும் விஜய்... பீஸ்ட் கதை இதுதானா?
பீஸ்ட் படத்துக்காக போடப்பட்ட மால் செட் புகைப்படமும், அதில் விஜய் இருக்கும் புகைப்படமும் சமீபத்தில் இணையத்தில் வெளியானது குறிப்பிடத்தக்கது.
நெல்சன் திலீப் குமார் விஜயை வைத்து பீஸ்ட் படத்தை இயக்கிவருகிறார்.சன் பிக்சர்ஸ் தயாரிக்கும் இப்படத்தில் விஜய்க்கு ஜோடியாக பூஜா ஹெக்டே நடித்துவருகிறார். இவர்களுடன் இயக்குநர் செல்வராகவன், மலையாள நடிகர் டாம் சாக்கோ, யோகிபாபு உள்ளிட்ட பலர் நடித்துவருகின்றனர். அனிருத் இசையமைக்கிறார்.
நெல்சன் இயக்கிய கோலமாவு கோகிலாவும், டாக்டரும் ஹிட்டானதால் பீஸ்ட் படத்தின் மீதான எதிர்பார்ப்பு விஜய் ரசிகர்களிடையே எழுந்துள்ளது. தற்போது சென்னை அருகே இருக்கும் ஸ்ரீ கோகுலம் ஸ்டூடியோஸில் பிரமாண்ட மால் செட் போடப்பட்டு இப்படத்தின் ஷூட்டிங் மும்முரமாக நடந்துவருகிறது. சென்னையில் படம் பிடிக்க வேண்டிய காட்சிகளை முடித்துவிட்டு படக்குழு ரஷ்யா செல்லவிருப்பதாகவும் கூறப்படுகிறது.
இந்நிலையில் பீஸ்ட் படத்தின் ஒன்லைன் இதுதான் என தகவல் ஒன்று வெளியாகியுள்ளது. அதன்படி, மக்கள் அதிகளவு கூடும் ஷாப்பிங் மால் ஒன்றில் தீவிரவாதிகள் புகுந்து மக்களை பிணைக்கைதிகளாக பிடித்துவிடுகிறார்கள். இதனையடுத்து தளபதி விஜய் பீஸ்ட் மோடுக்கு சென்று தீவிரவாதிகளிடமிருந்து மக்களை காப்பாற்றுகிறார் என கோலிவுட்டி பேச்சு அடிபடுகிறது.
இதற்கிடையே பீஸ்ட் படத்துக்காக போடப்பட்ட மால் செட் புகைப்படமும், அதில் விஜய் இருக்கும் புகைப்படமும் சமீபத்தில் இணையத்தில் வெளியானது குறிப்பிடத்தக்கது. அதனை வைத்து பார்க்கும்போது, ஒருவேளை பீஸ்ட் ஒன்லைன் என தற்போது வெளியாகியிருக்கும் தகவல் உண்மையாக இருக்குமோ என விஜய் ரசிகர்களிடையே எண்ணம் எழுதிருக்கிறது.
முன்னதாக தனியார் யூ ட்யூப் சேனல் ஒன்றுக்கு நெல்சன் பேட்டியளித்தார். அப்போது அவரிடம் கோலமாவு கோகிலா மற்றும் டாக்டர் படங்கள் போலத்தான் பீஸ்ட் படமும் இருக்குமா என்ற கேள்வி கேட்கப்பட்டது.
அதற்கு நெல்சன், “ கோலமாவு கோகிலா, டாக்டர் பட பாணியில் பீஸ்ட் படம் இருக்காது. இது வேற மாரி கதையம்சம் கொண்ட படமாக தயாராகி வருகிறது. விஜய்யை வைத்து படம் செய்யும்போது அவருக்கும் புதிதாக இருக்க வேண்டும். எனக்கும் வித்தியாச முயற்சியாக இருக்க வேண்டும். பீஸ்ட் படம் நிச்சயம் புதிதாகத்தான் இருக்கும்” என்று பதிலளித்திருந்தார்.
"Captain of the ship" our director @Nelsondilpkumar opens up about #Beast in his recent interview with @baradwajrangan for @fcompanionsouth!@actorvijay @hegdepooja pic.twitter.com/a3ibE8cYol
— #BEAST (@BeastMovieoff) November 2, 2021
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
