![ABP Premium](https://cdn.abplive.com/imagebank/Premium-ad-Icon.png)
Connect Teaser : குடும்பத்துடன் நயன் கொண்டாடும் முதல் பிறந்தநாள்.. ரசிகர்களுக்கு ட்ரீட்டாகும் 'கனெக்ட்' டீசர்
நயன்தாரா பிறந்தநாளான நவம்பர் 18ம் தேதி 'கனெக்ட்' படத்தின் டீசரை வெளியிடவுள்ளார் விக்னேஷ் சிவன். நயன் தனது கணவர் மற்றும் குழந்தைகளுடன் கொண்டாடும் முதல் பிறந்தநாள் என்பதால் இது ஸ்பெஷலான பிறந்தநாள்.
![Connect Teaser : குடும்பத்துடன் நயன் கொண்டாடும் முதல் பிறந்தநாள்.. ரசிகர்களுக்கு ட்ரீட்டாகும் 'கனெக்ட்' டீசர் Vignesh Shivan has planned to release Connect movie teaser on Nayan's 38th birthday on November 18th Connect Teaser : குடும்பத்துடன் நயன் கொண்டாடும் முதல் பிறந்தநாள்.. ரசிகர்களுக்கு ட்ரீட்டாகும் 'கனெக்ட்' டீசர்](https://feeds.abplive.com/onecms/images/uploaded-images/2022/11/15/4689ebf08ba8bf05bbc9b5e80109c62f1668534199786224_original.jpg?impolicy=abp_cdn&imwidth=1200&height=675)
தமிழ் சினிமாவின் முன்னணி நடிகைகளில் ஒருவரும் லேடி சூப்பர் ஸ்டார் என செல்லமாகவும் அழைக்கப்படும் நடிகை நயன்தாரா வரும் நவம்பர் 18ம் தேதி தனது 38வது பிறந்தநாளை கொண்டாடுகிறார். இந்த பிறந்தநாள் நயன்தாராவிற்கு ஒரு ஸ்பெஷலான பிறந்தநாளாக அமைய போகிறது. அதை மிகவும் ஸ்பெஷல் தருணமாக மாற்ற நயனின் ஆசை கணவர் மற்றும் இயக்குனரான விக்னேஷ் சிவன் தனது ட்விட்டர் பக்கம் மூலம் ஒரு அப்டேட்டை வெளியிட்டுள்ளார். இந்த அப்டேட் நயனுக்கு மட்டுமின்றி அவரின் ரசிகர்களுக்கு ஒரு சர்ப்ரைஸ் விருந்தாக இருக்க போகிறது.
முதல் பிறந்தநாள் கொண்டாட்டம் :
நயன்தாராவின் 38வது பிறந்தநாள் அவரின் வாழ்வில் ஒரு முக்கியமான பிறந்தநாளாக அமைய போகிறது. ஜூன் மாதம் தான் நயன் - விக்னேஷ் சிவன் திருமணம் மிகவும் பிரம்மாண்டமாக நடைபெற்றது. மேலும் அக்டோபர் 9ம் தேதி தான் இந்த தம்பதியினர் வாடகை தாய் மூலம் இரட்டை ஆண் குழந்தைகளுக்கு பெற்றோர் ஆனார்கள். எனவே இந்த ஆண்டு நயன்தாரா தனது கணவர் மற்றும் குழந்தைகளோடு கொண்டாடும் முதல் பிறந்தநாளாகும். இது வாழ்நாள் முழுவதும் ஒரு மறக்க முடியாத பிறந்தநாளாக இருக்கும்.
This Friday comes with a few surprises and scares. #CONNECT Teaser from November 18th. Stay CONNECTed!✨@VigneshShivn #Nayanthara @AnupamPKher #Sathyaraj #VinayRai @haniyanafisa @Ashwin_saravana @mk10kchary @prithvi_krimson @ARichardkevin @Kavitha_Stylist @kabilanchelliah pic.twitter.com/CKvYbBY1Ks
— Rowdy Pictures (@Rowdy_Pictures) November 15, 2022
பிறந்தநாள் பரிசாக வெளியாகும் 'கனெக்ட்' டீசர் :
நயன்தாராவின் பிறந்தநாள் அன்று ரசிகர்களுக்கு ஒரு விருந்தாக நடிகை நயன்தாரா நடிக்கும் 'கனெக்ட்' படத்தின் டீசரை வெள்ளிக்கிழமை அன்று வெளியிடப் போவதாக அறிவித்துள்ளார் விக்னேஷ் சிவன். விக்னேஷ் சிவன் மற்றும் நயன்தாராவின் ரவுடி பிக்சர்ஸ் நிறுவனத்தின் பேனரின் சார்பில் அஸ்வின் சரவண் இப்படத்தை இயக்குகிறார். பிருத்வி இசையமைக்க, மணிகண்டன் கிருஷ்ணமாச்சாரி ஒளிப்பதிவு பணிகளை மேற்கொள்ள ரிச்சர்ட் கெவின் எடிட்டிங் செய்துள்ளார். ஹாரர் திரில்லர் திரைப்படமாக உருவாகியுள்ள இப்படத்தில் நடிகை நயன்தாரா, அனுபம் கெர், ஹனியா நபீசா, சத்யராஜ், வினய் ராய் உள்ளிட்டோர் முக்கிய கதாபாத்திரத்தில் நடித்துள்ளனர்.
#Nayanthara & #VigneshShivan latest pic! pic.twitter.com/7LtebH5axE
— Priyanka Tiwari (@tw_priyanka) November 15, 2022
பிஸி ஷெட்யூல் :
நடிகை நயன்தாரா தற்போது 'லேடி சூப்பர் ஸ்டார் 75', 'ஜவான்' மற்றும் 'இறைவன்' போன்ற படங்களில் நடித்து வருகிறார். இப்படம் நவம்பர் 18ம் தேதி திரையரங்குகளில் வெளியாக தயாராக உள்ளது. நயன் ரசிகர்கள் இந்த படத்தை மிகவும் ஆவலோடு எதிர்பார்க்கிறார்கள்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)