Ajith Kumar: அரசியலுக்கு எண்ட்ரி கொடுக்கிறாரா அல்டிமேட்! வெளியான புது லுக்கால் அஜித் ரசிகர்கள் குழப்பம்!

புது லுக் ஒன்றில் நடிகர் அஜித் குமாரின் புகைப்படங்கள் இணையதளத்தில் வைரலாகி வருகிறது

அஜித் குமார். image source: twitter

புது லுக்கு ஒன்றில் நடிகர் அஜித்தின் புகைப்படங்கள் சமூக வலைதளங்களில் வைரலாகி வருகிறது.

விடாமுயற்சி

துணிவு படம் வெற்றிக்குப் பிறகு நடிகர் அஜித்தின் 62 ஆவது படமாக உருவாக உள்ள விடாமுயற்சி படத்தினை எதிர்பார்த்து ஒட்டுமொத்த அகித் குமார் ரசிகர் பட்டாளமும் ஒருபக்கம் காத்திருக்க,  அஜித் மற்றொரு பக்கம் கண்டம் விட்டு கண்டம் தாண்டி உலக சுற்றுப் பயணம் மேற்கொண்டு வந்தார்

 ஏற்கனவே பல சிக்கல்களைக்  கடந்து விக்னேஷ் சிவனை தாண்டி, மகிழ் திருமேனி கைகளுக்கு விடாமுயற்சி வந்துள்ள நிலையில், டைட்டில் அறிவிப்புக்குப் பிறகு படம் பற்றிய அதிகாரப்பூர்வ அறிவிப்புகள் வேறு எதுவும் வராதது அஜித் ரசிகர்களை கவலையடைய வைத்தது.

மேலும் கடந்த சில நாட்களாக “விடாமுயற்சி படம் கைவிடப் பட்டது எனும் அளவுக்கு கோலிவுட் வட்டாரத்தில் இருந்து பரபரப்பான தகவல்கள் கிளம்பிய சூழலில் , நார்வே, துபாய் எனப் பயணித்து தன் சுற்றுப் பயணங்களை முடித்துக் கொண்டு நடிகர் அஜித் மீண்டும் சென்னை திரும்பியது அவரது ரசிகர்களை சற்றே ஆசுவாசப்படுத்தியது.

இதனிடையே சமீபத்தில் நடைபெற்ற சந்திரமுகி 2 இசை வெளியீட்டு விழாவில் லைகா நிறுவனர் சுபாஸ்கரன் விடாமுயற்சி படப்பிடிப்பு  விரைவில் தொடங்கும் என அறிவித்தார்.  இதனால் அஜித் ரசிகர்களை பெரும் உற்சாகத்தில் ஆழ்த்தியுள்ளது.

குடும்பத்துடன் அஜித்

இந்நிலையில், நடிகர் அஜித் சென்னையில் நடைபெற்ற நிகழ்ச்சி ஒன்றில் மனைவி ஷாலினியுடன் கலண்டுகொணடார் மேலும் அஜித், ஷாலினி இருவரும் அங்கிருந்த குழந்தைகளுடன் சைக்கிளிங்க் செய்து மகிழ்ந்தனர். குழந்தைகள் படை சூழ நடிகர் அஜித் குதூகலமாகப் பயணித்த இந்தப் புகைப்படங்கள் இணையத்தில் வைரலாகி வந்தன.

 

புது லுக்கில் அஜித் குமார்

Latest pic of #AjithKumar.

AK to enter politics?

||#VidaaMuyarchi|| pic.twitter.com/m8HvyeZHLe

— Manobala Vijayabalan (@ManobalaV) September 3, 2023

சில காலமாக சின்ன தாடியுடன் காணப்பட்ட அஜித் குமார் தற்போது க்ளீன் ஷேவ் லுக் ஒன்றுக்கு மாறியுள்ளார். அரசியல்வாதிகளை ஒத்த இரு நபர்களுடன் அவர் நின்றிருக்கும் புகைப்படம் ஒன்று சமூக வலைதளத்தில் வெளியாகி ரசிகர்களின் கவனத்தை ஈர்த்துள்ளது. இதனைப் பார்த்த ரசிகர்களுக்கு இரண்டு குழப்பங்கள் எழுந்துள்ளன. இந்த புடு லுக் விடா முயற்சி படத்திற்காகவா என்பது முதல் சந்தேகம் அஜித் அரசியலில் இணையப் போகிறாரா என்பது இரண்டாவது சந்தேகம்.