Vettaiyan: "அமிதாப்பச்சன் முதல் பெஞ்ச் ஸ்டூடண்ட்; ரஜினி கடைசி பெஞ்ச் மாணவர்" - இயக்குனர் ஞானவேல்

நடிகர் அமிதாப்பச்சன் முதல் பெஞ்ச் மாணவன் என்றும், நடிகர் ரஜினிகாந்த் கடைசி பெஞ்ச் மாணவர் என்றும் இயக்குனர் ஞானவேல் கூறியுள்ளார்.

ரஜினிகாந்த் - அமிதாப்பச்சன்

Source : twitter

தமிழ் திரையுலகின் உச்ச நட்சத்திரமாகவும், சூப்பர்ஸ்டாராகவும் உலா வருபவர் நடிகர் ரஜினிகாந்த். இவரது நடிப்பில் உருவாகியுள்ள திரைப்படம் வேட்டையன். ஜெய்பீம் படத்தின் இயக்குனர் ஞானவேல் இயக்கியுள்ள இந்த படத்தில் இந்தி திரையுலகின் சூப்பர்ஸ்டார் அமிதாப்பச்சன் நடிக்கிறார்.

அமிதாப் பச்சன் - ரஜினிகாந்த்:

இருவரும் இணைந்து தமிழில் முதன்முறையாக நடிக்கும் இந்த படம் நாளை மறுநாள் வெளியாகிறது. இருவருடன் பணியாற்றிய அனுபவம் குறித்து இயக்குனர் ஞானவேல் கூறியிருப்பதாவது, “ அமிதாப் பச்சன் சார் முதல் பெஞ்ச் மாணவர். ரஜினி சார் கடைசி பெஞ்ச் மாணவர். பச்சன் சார் முதல் நாளே நம்மை டென்சன் செய்துவிடுவார். என்ன சீன், சீன் பேப்பர் கொடுங்கள் என்று உட்கார்ந்து படிப்பார். இது என்ன வருது? இந்த வார்த்தை ஏன் வருது? இதுல நான் என்ன பண்ணனும்? அடுத்த நாள்  படப்பிடிப்புக்கு இன்றே தயார் ஆகிவிடுவார்.

ரஜினி சாரிடம் காலையில் கொண்டு சென்று நீங்கள் சீன் பேப்பர் கொடுத்தால் கூட ஷாட்ல பாத்துக்கலாம் என்று சொல்லிவிடுவார். அமிதாப்பச்சன் சாரிடம் மிகவும் தயாராக இருக்க வேண்டும். அவரை சமாதானப்படுத்த முடியாது. முதல் நாளே டென்சன்.

அமிதாப் டார்ச்சர்:

"#AmithabBachan sir is like a first bench student whereas #Rajinikanth sir is like a last bench student 😀. Daily on #Vettaiyan shooting, Bachan sir will torture for next day scene papers, but Rajinikanth sir will say 'Shoot la paathukalam' very calmly😂"pic.twitter.com/9LvCwQn4J6

— AmuthaBharathi (@CinemaWithAB) October 8, 2024

நான் அவர் மேனேஜரிடமே நாளைய காட்சிக்கு இன்றே என்னை டார்ச்சர் செய்கிறார் என்று கேட்டேன். அதற்கு அவர் எல்லா நாளும் இதை அவர் செய்வார். அனைத்து இயக்குனர்களும் இந்த புகாரை கூறுகிறார்கள். நாம் இன்றைய ஷூட்டிங் டென்சனில் இருப்போம். நாளைய காட்சியை நாளைதான் பார்ப்போம்.

அமிதாப்பச்சன் கிளம்பும்போது பேப்பருடன் கிளம்பி விடுவார். அடுத்த நாள் நீங்கள் வந்து பார்த்தால் கொடுத்த பேப்பரில் எந்த இடத்தில் இருந்து வேண்டுமானாலும் நீங்கள் ஆரம்பிக்கலாம். நல்லா படிக்கும் மாணவர்களுடன் ட்ராவல் செய்வது மிகவும் கடினம்.”

இவ்வாறு அவர் கூறினார்.

அமிதாப்பச்சன் – ரஜினிகாந்த் இருவரும் இணைந்து இந்தியில் ஏராளமான படங்களில் நடித்திருந்தாலும், தமிழில் இருவரும் இணைந்து நேரடியாக நடிப்பது இதுவே முதன்முறை ஆகும். என்கவுன்டர் பற்றி பேசும் இந்த படத்தில் நடிகை மஞ்சுவாரியர், துஷாரா விஜயன், அபிராமி, ரித்திகா சிங் ஆகியோருடன் பகத் ஃபாசில், ராணா, கிஷோர் உள்ளிட்ட முக்கிய நடிகர்களும் நடித்துள்ளனர்.

லைகா ப்ரொடக்‌ஷன்ஸ் தயாரித்துள்ள இந்த படத்திற்கு அனிருத் இசையமைத்துள்ளார். ஜெய்பீம் படத்திற்கு பிறகு ஞானவேல் இயக்கியிருப்பது, ஜெயிலர் படத்தின் வெற்றிக்கு பிறகு ரஜினிகாந்த் நடித்திருப்பது ஆகிய காரணங்களால் இந்த படத்திற்கு வழக்கமான ரஜினிகாந்த் படத்தை விட அதிக எதிர்பார்ப்பு உருவாகியுள்ளது.